我,愛上了一個不可擁有的女孩: 七
的確, 自從坐我隔離嘅人唔再係阿晴, 我嘅生活就變到十分之乏味, 上堂唔可以傾計, 佢唔會再得閒問下我數, 我同佢每日嘅傾計時間就只係得返晚上嘅WHATSAPP.
"喂, 返來喇, 上水啦, 本小姐好悶." 係12月10日晚, 佢WHATSAPP我.
"係~~想點呢? 小姐?" 我秒回佢.
"做緊咩丫? 打機?"
"準備緊開機, 做咩?"
"你平時打咩GAME架? 你地日日都係到講咩LOL, 你地玩呢隻GAME架?"
"係丫."
"教我玩."
"等等... 你叫我教你玩?"
"係丫, 唔得架?"
"你地女仔唔係唔鍾意男仔打機架咩?"
"咁你教唔教丫?"
"好好好~~~BTW, 你DOWN左GAME先啦."
"我攞我丫哥部機就得啦, 佢一路都有玩."
"好啦....等你."
之後我即刻打俾爆輝,
"喂輝爺, 今晚TEAMRANK唔到丫."
"屌你個死仔, 重色輕友, 有異性冇人性丫."
"我都唔想架, 一係你打兩場先, 我陪佢打兩場電腦就算."
"好啦屌, 為左你條女我地都算係人至義盡啦."
"係啦, 你是最好的<3"
"快D返丫. "
"知道."
"好啦大哥, 教我."
"開個帳先啦."
"我攞左我丫哥帳, 佢叫我唔好打RANK. 咩係RANK丫?"
"排名, 由銅, 銀, 金, 白金, 鑽石, 菁英不等, 銅最廢, 菁英最勁, 每個牌中間都有分五個區."
"咁你係咩牌丫?"
"我只係個廢廢嘅金五玩家."
"都OK丫, 我丫哥唔知解唔肯教我."
"因為呢隻GAME你好易沈迷."
"係架...."
"好啦, 你個帳叫咩名?"
"暗魔陰帝."
"....."
一開始我都唔知笑點係邊, 但係我用普通話一讀就即刻笑左出黎.
"你笑咩丫."
"你丫哥個帳個名, 笑死我啦."
"唔明."
"兒童不宜."
"好囉...."
我之後睇下佢丫哥係咩牌, 我一望, 一開始見到一個銀框, 跟著我望落去, 我見到...鑽五.....
"屌你阿哥食屎大架...上季銀, 今季鑽....結算左一個月炸喎..."
"我唔知丫, 佢有兩三個禮拜匿左係房好冇出過黎, 可能係嗰時打嘅掛."
"好啦...."
"好啦點開始架?"
"我邀你啦, 等陣."
後來我發現,, 佢真係好醒, 我教左佢十五分鐘, 基本嘅野都可以學得識.
"好喇, 最難嘅部份, 團戰."
"係丫係丫, 有時我丫哥會大嗌, 保後排保後排, 咩意思?"
"後排, 指嘅係團戰最高輸出嘅角色, 通常都係AD同AP. 而保護佢地嘅都你坦, SUP同JG."
"仲有冇?"
"冇咩啦, 實戰嘅時間到喇. 打NG"
"好啦, 我問下丫哥得唔得先."
十秒鐘後..
"得啦, 我丫哥係我隔離話打一場俾我睇喎."
"咁正?! 問你丫哥可唔可以打一場TEAM RANK."
"一係你地兩個傾啦."
"都好."
"喂? 你係丫輝?"
"係丫大神, 同我地呢班廢J打一場TEAM RANK丫."
"好丫, 你想打幾多場都得, 橫掂我班FD個個都話我好廢, 唔同我打TEAM RANK."
"你廢....佢地...."
"佢地都係鑽一, 有兩個上過菁英."
"得啦, 開場啦. 我搵佢地先."
爆輝一見到個鑽石, 即刻問我, 你邊到R出黎架...
"屌丫, 阿晴個丫哥?!"
"係丫, 開場啦屌."
係呢一刻, 我見到一個大神, 完美CARRY我地, 佢隻汎, 嗰D抖動, 嗰D意識, 我睇到傻左.
對面係22分鐘, 俾我地隻汎PENTA左之後即刻投降.
"大師嘅操作, 真係令我地十分佩服."
"算係咁啦....不過多謝, 上左鑽之後就好難PENTA, 你俾我打左一次PENTA就當謝禮啦."
"多謝大神."
"想打嘅話搵我啦"
"好嘅知道"
"不過好好地睇住我粒妹喎, 加油啦你."
"....."
"我丫哥傻架, 最後嗰句無視."
"哦..."
"好. 到我同你練習打機啦. 教我!"
"係..."
就係咁, 我同佢之間嘅距離就咁樣拉近左.