結婚?仲要女方提出!
 
  係......呢度係香港地,觀念開明,女仔思想開通好平常。
  係......我係警察,面對好多突發既事情,就好似連「易容師」一案我都可以
盡量保持冷靜去處理。
 
  但係,結婚啵!唔係通常男方求婚先咩?
  更重點既係,我認識既Fish小鳥依人,真係估佢唔到咁主動!






 
  ...... 唔...... 唔......


 
  好死唔死,呢個時候電話又震過。
  成晚震左唔少次,只係岩先個五分鐘內,響得緊加次密。
  「唔好意思。」我覺得唔對路,點都聽下個電話先:「喂?」
  「天哥!」又係陳仔,都唔知多謝佢,定係怪佢破壞氣氛好。
 




  「我仲食緊飯呀......咩事呀?」我細細聲咁講,Fish個頭又擰去一面,好似
估到又係警局D人打黎。
  「我知,Sorry呀!但係又有人失蹤呀!」
  「唔係掛?咁......」我再望下Fish,見佢仲唔多LIKE唯有:「咁你地搞住
先囉!唔係好大鍋姐下?」
  「好大鍋呀!隻『怪物』都同時出現呀!」咩怪物啊?
  陳仔佢講得好急:「係天哥你叫我地查個個楊成坤報警,話比怪物追捕,同
時佢既一名女性朋友又被人捉左去呀!」






 
  砰呀──


 
  呢個時刻,我收到陳仔既消息,嚇到當堂企左起身,撞跌埋張椅。
  「天,冇......冇咩事嗎?」Fish好緊張睇著我,但依家唔係開心既時候。
  「冇。」我一句應左Fish,轉頭繼續問陳仔:「依家係邊?」
 
  「屯門蝴蝶村!要快呀!手足個D都就到啦!」
  「我係海岸個邊,半個鐘......唔係三個字內到!」
 
  我即刻係銀包拎出四張五百蚊紙,放係枱到比Fish:「呢度一定夠比架啦!
有找既你自己袋住先!」
  講完,我準備轉身離開。只係一隻手捉住左我......




  「劉孝天,你‧又‧係‧咁?」Fish一字一句,帶著恨意咁講出黎。
  「Fish,對唔住呀......但單野唔係其他伙計搞得掂架!」
  「全香港死剩你一個有用既警察呀?」睇見Fish雙眼眼淚就湧出黎,我個
心當下真係好酸痛。
 
  「對唔住呀......」我一手禁住Fish捉著我既手。
  「我唔要你再講對唔住!」Fish依舊捉得好緊。
  「唉!總之搞掂完呢單案,我一定補償比你!」我用力扯開Fish隻手,頭
都唔回咁衝出酒店。
 
  我知,我咁做實在對唔住Fish,但係工作要緊,人命關天呀!


 
  2015年10月15日,晚上10點22分。屯門蝴蝶邨,蝶景路。




 
  好快,我揸車黎到蝴蝶邨。
  「喂?陳仔係邊?」我用藍牙同陳仔通訊。
  「到左啦!我地成隊落左車入村搵。」
  「OK!我黎緊!」同時間,我搖低個車窗,觀察出面環境。
 


  呀呀!!!!!!!!!



  呢種叫聲......係「裂口怪物」既特別叫聲!
  大鍋!唔通事情有變?
 




  我一邊揸車衝向尖叫聲傳黎既方向,一邊伸手到腰間抽出手槍......
  只係,我今次同上次一樣,係休班既時間接到急CALL,身上根本無槍!
 
  唔理啦!
  「陳仔,停車場方向!」
 
  然後一尾咁衝,衝到去停車場對出個三叉位時,停車場出口又傳黎一陣尖
叫聲!
  從遠處,我見到楊成坤跌左個地下,坐著係地上,好驚慌咁向後移動......
  係黑夜之間,光線交落既停車場出口,兩邊草叢樹幹上,好似有隻馬騮係
度左右跳躍,迅速逼近楊成坤!


 
  呀呀!!!!!!!!!






 
  「讓開呀!」死就死啦!
  我大叫一聲,驚動到楊成坤。佢立馬轉身撲出馬路,我踩狠油門直沖向前
方!
  剎那間,車頭燈照射到隻「馬騮」既野。
  眼前一瞬間既影像,完全同我係屯門醫院睇CCTV見到個隻「倒頭怪」一
模一樣!


 
  轟呀──


 
  重鎚出擊,倒頭怪硬食左我一下撞擊,好快就爬返起身。
  接下黎,同之前所遇到既裂口怪物一樣,再次尖叫左聲,就以迅雷不及掩
耳之勢走得無影無蹤。
 
  「o靚仔,冇事呀嗎?」
  「嚇......嚇......嚇......死我啦!點解......點解夢境既野......會......會係現實出現
架?」楊成坤嚇到臉都青埋,講野都講到成個智障咁。
  但佢愈係表現得真驚,我心跳亦隨之愈來愈快。
 
  「天哥!」差唔多同一時候,陳仔帶著D伙計黎到。
  「Sorry,比隻野走甩左......」我始終辦事不力。
 
  「係啦......Joey呀,我個FD Joey比個黑衣人捉左呀!」仲未驚完既楊成
坤,忽然喊出一個女仔名。
  但令我重視唔係呢個女仔既名,而係佢口中既黑衣人。
  「咩黑衣人?答我呀!」唔得,一切都好相似啦!
  我雙手揪起楊成坤衫領,好激動咁問佢。因為我地唔可以再慢條斯理咁去
查,成件事根本好似重複發生咁!
 
  而我地警方,就好似台上既小丑,比人背後操控住咁去行每一步。
  唔得,唔可以咁!
 
  「天哥!冷靜呀!」
  「有咩事慢慢講呀!」
 
  一眾手足拉開左我,但我仲未可以冷靜到。
  陳仔佢地可能唔明,不過親身去到地下密室,親眼見證過「易容師」殘酷
既暴行既我,無辦法比自己再慢落黎去調查!
 
  如果照上次既事件,黑衣人好大機會係......!?
 
  「快快快!陳仔,拿拿林帶成隊人反轉成條村!我點都要搵到個o靚仔口
中個部車同個乜柒黑衣人!」我已經第二次犧牲埋同Fish相處既時間,我就唔
信今次都係捉唔到個犯!
  「天......」
  「又乜野事呀!我咪叫你去做野囉!」
  「冇,我只係想話你知,頭先我地搵楊成坤個陣,搵到呢D野呀......」陳仔
攞左個證物膠袋比我。
 
  而入面既,正正係橙皮書既缺頁後續

                           (to be continued...)