......計劃的第一步,必需要先把女奴放出,以協助及保護受催眠後的自己。
女奴一方面要接觸主人,留意催眠後的情況。另一方面,要替主人跟相關人物
進行聯繫,以確保計劃如常進行...... (730頁)
 
  ......從事先準備的人際網,將自身帶到替身的身邊......女奴隨從,以確認主
人能跟警方或相關人士聯絡上......(737頁)
 
  ......女奴繼續留意主人的情況,同時開始放生被主人改造的實驗品......帶實
驗品去攻擊主人或相關人士,同時在旁留意一切變化......(743頁)




 


  一共14頁紙,730頁至744頁,簡短清晰講明調教及改造受害者後,犯人
接下黎同佢手下既每一步計劃。
  所有野,就好似Puzzle咁,將汪震之前所發生事情既空白位填滿。
  令我地好似睇小說電影故事咁,從第三者角度,將整件事情一一看透,一
點都不留。
  只係,接下黎既野,就好似未出玩既缺頁咁,我地無法得知。
 




  「天哥......呢D內容缺頁點處置?」
  「暫時由我KEEP住。你地就搵多陣,搵唔到就總台比路政處查CCTV。
再冇既今晚就收隊先啦!」
 
  「呃,唔好意思。可唔可以,搵人送我返屋企呢?」
  一係坐係一邊,驚魂未定既楊成坤,口震震咁問我。
  當然,唔可以!
 
  「唔好意思,你要跟我返一返警署協助調查!」
  今次,事態唔同。第二次,再次重複發生。




  仲要又係同書中內容,幾乎吻合!


 
  2015年10月16日,早上7點03分。屯門警署,重案組。


 
  啪呀──!!


 
  「阿天!你係咪痴撚左線呀?」
  講緊野既李SIR,岩先一野重擊拍落張枱,震到自己個水杯都跌埋。
 




  「無啦啦拉個o靚仔返黎,盤左佢成晚又唔放人,你搞邊科呀!」
  我拿林拎出琴晚陳仔搵比我既缺頁:「老頂,成單案真係有問題,我地現場
搵到既缺頁,仲有呢個o靚仔都同汪震一案發生時一模......」
  「模咩呀模?乜撚野叫一模一樣?」李SIR扶返正個杯,繼續起勢咁鬧:「
你唔撚係想話我知,個楊成坤又係乜『易容師』呀?」
  「冇十足都有八九成。」
  「你個八九成邊到黎先?大佬呀!我地警察做野要講證據架,你咁搞法,
遲早我就又比人當黑警POST上網,到時水洗都唔清!到時任你自己做咩福爾
摩斯都得啦屌!」
 
  仆街,咩野都講聲譽形象,真正做到野個陣都唔做!依家都係咁屌柒我?
 
  「阿天,我唔那理你諗乜野。一係,你真係搵到真材實料,證明個楊成坤
同單案有關。唔係既話,你就好同我立即放人!我唔想因為你一個人既任以妄
為,搞到我地成隊重案聲譽大跌!」




  我明......本橙皮書確實難以做證。
  更何況楊成坤就算真係「易容師」,早已經將自己催眠左。邊有咁易比我地
查到D咩?
  琴晚,我就係問左佢N多問題,有關何秀麗同其他失蹤人士,甚至個隻「
裂口怪」。佢全部都表示唔知,唯獨係一個叫Joey既女仔,佢非常緊張。明明
係岩岩相識,但又好擔心咁。
  不過睇佢反應同微表情,又唔似講大話......總之,真係成晚得個吉!除非,
真係反催眠返佢啦!
 
  催眠?心理?
 
  我腦海忽然諗起一個人,或者呢個人可能幫到我。
  但係,無奈依家首要做既,都係放左楊成坤先......
 






  2015年10月16日,傍晚5點54分。九龍沙田,沙田裁判法院。
 
  我將架車泊係法院對面馬路旁,遠望到法院門口外,正有一大班記者。
  無估錯,應該係今日啦!
  我回起左支煙,望一望手錶,再望返去法院門口。
 
  「喂喂喂!佢出黎啦!」
  係人海中,唔知邊一個記者大聲咁叫,其他記者好似D中年婦女超市大平
賣咁,爭先恐後湧向前方!
 
  「當堂無罪釋放,你有咩感受?」
  「D人話你真係有做過,但點解你又可以脫罪?」
  「之後會唔會挽回自己受損既聲譽?」
 




  一眾記者係係咁拎著D錄音筆隊向前面,一輪嘴係咁「問問問問」,後面D
閃光燈就係咁「閃閃閃閃」,同D韓國明星到港既瘋狂程度有得揮。
  不過,理當你地班「fans」有咁著迷,換返黎既,都只係一句說話:「我只
可以回應,香港法律係公正。」
 


  哈!
 


  個男人講完呢番偉論,就小心翼翼串過人群,走到馬路準備截的士。
 
  「熊教授!」
  而呢個時候,我就係對面嗌過去。
  「劉SIR?」
  我地兩人互望,閃光燈依舊係佢背後繼續閃爍。記者亦無放過教授停落
黎既一刻,再次隊支錄音筆去。
 
  「呢個時間,好難截的士架!唔介意坐返轉免費車呢?」
  我嗌完,熊教授笑左笑,再推托班記者之後,就過馬路到我身前。
  「咩事情,要勞煩我地既劉SIR大駕光臨呀?」
  「呢度咁多煩人,上車先講。」我拎出車匙,打開車門。
 
  我望住熊教授依舊都係穿著紅色冷衫,好自然諗返起當日,係堅尼地城密
室入面,汪震催眠覺醒個樣。
  一個眼神凶狠,表情掙獰,滿懷殺意,極具攻擊性.....
  不知不覺,係重遇教授個一刻,從佢剛才所回應記者既說話,呢個陰暗既
影子,竟然重疊起黎......
 
                           (to be continued...)