《讓我重新遇見你》·緣圓系列·: 第一章 遇見

第一章 遇見

搭完車去到學校附近，
伸個靚手望望錶﹐
7點59分。

幸運女神﹐
最多我以後唔FF同你拍拖﹐
唔打咁多機﹐



但...你冇可能叫我唔打咁多飛機架...

同校門仲有幾米

PK！
校工想閂門呀！

痴線！
唔跑得！
我個頭會亂架！



雖然個係咁諗﹐
隻腳已經不自控向學校方向狗衝。

愈黎愈接近門口啦。
陸添羽逐步帶出！

度門閂鳩左啦。

聰明既人係唔會響有早會既日子入去﹐


俾人罰響側邊企﹐
真係史上最柒既事。

時間尚早﹐
食個麥記都唔遲啦。

順便買牛角包俾黃魯吉先﹐
佢日日食﹐
朝朝食﹐
好似冇其他野食咁。

仲話想娶牛角包做老婆﹐
真係痴孖筋架。

買個魚柳包凍奶茶。



講左咁耐都冇講我叫咩名。
我就叫做陸添羽﹐
陸添羽個陸﹐
陸添羽個添﹐
陸添羽個羽。

我讀書廢過碌柴﹐
運動都算好﹐
如果唔係啱啱點破最快出門口紀錄。

個樣似洪永城﹐
真係純粹得個樣似架咋，
個個人都咁講。



一米七九﹐
個身高我感到好光榮，
但已經維持左一年半。
高多1cm都唔識高﹐
冇計﹐
上年毒。

黑框眼鏡﹐
成個樣幾文青﹐
可惜我不是。

仲有我鍾意…
唔講住有得食。

麥記速度係快既﹐


食完就去返學。

有位就坐﹐
見位就撘。

問都冇問就坐左響個女仔既斜對面﹐
佢眼尾輕輕望左我一眼。

你唔講野我就當你默認俾我坐架啦。
正當我想笑下令個氣氛冇咁尷尬。
佢竟然望去第二邊繼續食佢既薯餅。
眼神有三分鄙視﹐
八分無奈「切」左一聲。

Sor！


計錯數！

眼神有三分鄙視﹐
七分無奈「切」左一聲。

咁串嘴﹐
柒左啦柒左啦。

收返個笑容﹐
望真個女仔﹐
有幾分似黃翠如。

唔知係咪我似洪永城﹐
搞到有心理作用﹐
令我覺得佢似翠如BB呢。

仲有佢個cool cool地既性格﹐
真係有點感興趣。

今朝仲覺得幸運女神玩到咁撚絕﹐
好彩佢都待我不薄﹐
撞到個幾吸引既女仔
我一個唔留神望佢望到呆左﹐
佢突然...