《讓我重新遇見你》·緣圓系列·: 第二章 謊言

〔第二章〕謊言

佢突然大聲咁講﹐
「你一直都望住我食野?」佢用力望住我﹐
講完雙唇合緊﹐
條眉皺曬﹐
塊面仲輕微泛紅﹐
個樣極疑問。

?...


你??仲好光明正大「切」我架喎…
我坐左咁耐你依家先見到我？

哦...
一定係你太鍾意食老麥﹐
連「切」左人都唔知啦。
雖然我個心咁諗﹐
但我隻眼俾佢既樣貌吸引到反應都俾唔到﹐
成個人呆Q曬。



紮起烏黑既頭髮﹐
露出白晢既頸﹐
配合住平斜劉海﹐
眼水汪汪既眼睛﹐
又真係幾靚...

「原來我地同一間學校架？」佢響我呆曬既時候問我第二個問題。
「喂！做咩冇曬反應咁架？」我依然唔識俾反應﹐
佢由斜對面變左坐響我對面﹐
之後再問我第三個問題﹐


佢好似好心急想知我個反應咁。

「咩咩咩話﹐哦哦~係呀係呀。」屌其實佢問左咩黎？

「咁就好啦﹐仲以為得我要自己一個返學~」佢終於笑啦﹐
兩邊面既酒窩都好自然加深左。

小酒窩長睫毛是你最美的記號﹐
我個腦砰一聲就爆左呢句歌詞﹐
的確﹐
佢真的好迷人。

但佢做咩講到有人同佢遲到好開心咁既？

我同佢四目相交﹐


一句野都講唔出。

頂！
DeadAir左？
「哈哈...」我地都好合拍咁笑左兩聲就繼續食自己既野。
冇啦冇啦！
仲要戇鳩笑。
今次真係尷尬到冇朋友呀...

當我心入面咆哮緊。
我個口竟然都跟埋一齊叫出黎。

「呀！！！你叫咩名呀？」我彈左起身﹐
大大聲問佢。
我做乜撚？


響M記大大聲問人叫咩名？
癲鳩左？
成個M記個個都望住我啦。

「...鍾...鍾凱婷...」佢應該俾我嚇親﹐
佢瞪大隻個口仲食緊最後果啖薯餅。

「唔...唔好意思...」我默默坐返低﹐
佢keep住都係果個樣。
屌。
又冇野講。
「你...你呢？」佢小心翼翼咁問我﹐
「?？」對住佢真係得個呆字。
「名呀！」佢輕輕提高佢既聲線。
「橫掂我地同一間學校。等你自己發掘下啦！」



睇下M記個鐘。
Oh！Shit！
就黎遲大到！
會俾人記小過架！
食埋個包，
飲埋杯奶茶﹐
即走！

「走啦。」我一手揹完個書包﹐
另一隻手則拉住佢﹐
就好似一對私奔既情侶。
諗左去邊？

話咁快就去到學校門口，


我同佢喘曬氣。

真係太耐冇做運動﹐
呢個時候佢一直噤住頭﹐
但我一直都冇發現。

「跑咁快做咩？」佢皺住眉頭﹐
「大遲到會記小過架。」我陪佢去校務處搞埋?咩戇鳩遲到手續，
實則就俾人鬧兩句。

「陸添羽！你做咩又遲到？仲要帶埋新同學遲到？......」全校最仆街既訓導狗sir。
呀呀呀！
係丘sir先岩，
老年地中海，
有個大肚腩，
成日群女。
完。

我俾佢拉左入訓導室，
喪屌。

好遇唔遇遇正佢...
次次鬧既野一模一樣悶唔悶？
但佢話啊婷﹐
係新同學？
原來佢係插班生。

俾丘sir話完就返班房﹐
「原來你叫陸添羽。」佢甜甜咁笑左出黎，
佢一直企響訓導室門口等我。

感動。

「咁快俾你知﹐都唔好玩既。」我笑住又無奈咁講。
我帶頭行響前面「你咩班？我帶你去啦。」
「4A。」嘩...
人又靚讀書又勁﹐
響A班好危險架...
轉黎D班啦。
雖然D班都唔安全得去邊。

「其實你今日做咩遲到既？」佢問。
「遲起身。慣曬架啦。」我同佢並排行樓梯「咁你又做咩遲？」我問。
「...」佢靜左幾秒，
亦行慢左一級﹐
我轉頭望下佢﹐
佢面有難色﹐
好似唔想答咁。

但佢下一秒就笑住講「同你一樣囉。」