《讓我重新遇見你》·緣圓系列·: 第七章 香味

［第七章］ 香味

教左咁耐我終於明函數係乜撚野。
啊婷望下個鐘。6:49。
「嘩﹐咁晏架啦。我要返屋企啦。」佢開始執野入書包。
「我仲有好多唔識呀...不如你日日黎教我？」屌﹐一日總有幾秒癡線？「哎哎哎唔係呀。」我不停擺手話唔好。
「好呀。」佢話。
「如果唔得...嗄？」又咁順攤？
「不過有條件！」唔怪得知啦。
「咩條件？」我回一回神﹐


「唔話你知。傻仔。」佢微微一笑﹐
傻仔...？嘻嘻。
佢叫我傻仔。
我俾佢叫一世都肯。
嘻嘻。
「走啦我。」佢揹起掛住熊仔既書包。
顯得佢更加可愛。
「我送你啦。」我笑一笑
「好近啫嘛。」佢講
「近就更加應該俾我送。」咩道理？我都唔知。


「真係冇你辦法呀。」佢轉身就走。
長長既馬尾響空中浮動。
有淡淡既薰衣草香味。
頭髮伴隨住香味又再次落回腰間既住置。
好有吸引力...
「你係咪送我架？仲呆左響到？」佢微微轉頭。甜美笑左出黎。
「黎啦。」真係好靚
我好似已經跌左入佢既一切...
我已經不能自拔啦...



送到佢去柏慧個門口﹐
冇錯。佢住柏慧。
我決定問下佢電話幾多。
我真係唔明白點解識左咁耐都冇佢電話。
「呀！你電話幾多？」好似太大聲﹐
所以個個住客都睥住我。
柒左第幾次？
「傻仔。」佢響筆袋攞左枝筆。
單手抬起我隻手寫。
好近。
第一次同佢咁近。
呢次好清楚聞到佢身上既薰衣草香味。
感受到佢掌心和暖既溫度。
好想時間停留響呢秒。
亦好想個電話號碼有一億個字﹐


俾佢慢慢寫。

佢將我鬆開。
8個字清晰寫左響我手背。
我成功攞到電話啦！
「我入去啦。」佢揮揮手。
「拜拜。」我好唔捨得咁講。
望住佢既背影﹐
我個心臟跳得好快。
好似當初同矛琪表白一樣咁快﹐
甚至更加猛烈。
見到佢既影慢慢變淡變小﹐
我先離開。
手心好似仲有少許既暖意。
鼻仍然充斥住一陣陣既薰衣草味﹐


一諗到個心就跳得好快。
我鍾意左你。鍾凱婷。

「屌你！返屋企啦！」吉仔打電話俾我。
將我從有鍾凱婷既世界拉返出黎。
「得得得。返啦。」我即刻搭車返屯門。

一返到屋企拿拿臨開電腦﹐
玩...LOL。

「屌！咁遲先返架﹐等緊你carry呀。」椅都未暖就俾吉仔屌。
係。佢吹我返屋企。
就係打機。
「唔洗問又陪女女啦。」啊雄又加把口埋黎
「同波多野老師瘋狂上堂呀﹐等耐小小洗死咩？」我都唔想咁快比佢地我送人返屋企﹐


所以都係一笑置之就算。
「屌﹐收皮啦。」兩個人同時講。

「歡迎來到召喚峽谷」

事關本人白金﹐
而佢地兩條戇鳩仔得銀牌﹐
所以好多時候佢地都會等埋我先一齊玩。

「屌﹐遲小小就俾咁多說話我聽？一陣就雷鳩你地。」我心諗。
點知...

「屌你老母﹐你不如打飛機打撚死自己算啦。」
「屌！你個腦裝屎架？」
「你自己跳樓死左佢啦。」


本來諗住以上句子全部都由佢地把口講出黎﹐點知佢地雷人既程度己達至驚天地泣鬼神既階段。

兩個人死既速度就同成千上萬粒精子鬥快游去爭一粒卵子既速度無分別﹐
快撚到仆街。
「哈哈﹐唔好意思」佢兩條仆街不斷重複。

終於有一次似樣既會戰。
「拿﹐打一波五五會戰﹐醒醒定定都仲有得贏。」我嘗試控制戰局

「嗞...」電話震左下。
我俾手機既震聲分左心﹐
我望一望手機﹐
係老母。

呢個時候
...
..
.
畫面瞬間變為黑白色
「五連殺！」
...
..
.

我呆左咁望住呢個無情既畫面。
「戰敗」
「吼！！！！！！！！！」
當我意識到我地已經輸左既時候﹐
我除左鳩叫﹐
已經冇其他野可以講。

我再望一望手機
老母：「我冇咁早返﹐你食自己啦。」
呢一刻﹐
個世界好似停左一樣。
我坐係張椅到﹐
望住白色既天花板﹐
流出一滴男兒淚。

「兩個兄弟害我﹐連老母都唔理我﹐我諗我已經冇曬生存既價值啦。」
我依加就同阿源冇分別 「我覺得自己是零」 更可悲既係...
阿源都搵到自己既最愛﹐
成功脫毒。

呢一刻，
我死了。

係喎﹐
抄完啊婷牌都未whatsapp佢喎﹐
望望個鐘﹐算啦。
都夜架啦。
遲下先再搵佢啦。