《讓我重新遇見你》·緣圓系列·: 第三十章 尋信

第三十章 尋信

轉眼間就第五節啦﹐
「萬能四寶」再次出動﹐
教練好嚴肅講左打法﹐
每個人表情都好凝重﹐
好緊張呀...
聽完教練講解﹐
要踏上球場啦。



對方依然係出果幾個撚樣﹐
我本來都唔想咁話佢地架。
但佢地既行為和樣子﹐
真係唔到我唔咁話佢地。

有個肥仔一野撞低左啊雄﹐
啊雄隻右腳拗左一拗﹐
右邊膊頭低地﹐
佢企唔返起身呀！
響我唔留意果陣﹐


對方已經入左個三分波。

球證做乜鳩唔吹？
唔係完場前先黑哨呀嘛？

啊雄俾人換左落場﹐
只係見到佢不停拉住教練隻手﹐
而教練就不斷搖頭。

我地只好為啊雄出埋一分力。



啲分追得好貼﹐
一直都係差一兩分﹐
好多時都要出三分線博一博﹐
好彩有練過下啫...
個分都開始拉返遠。

仲有最後三分鐘﹐
「陸添羽！加油呀！」我聽到啊婷叫我...
我會架。
一定。

44:39

對面隊個教練叫左暫停。



我飲兩啖水﹐
見到啊雄坐左響隔離﹐
成個人呆曬。
我行過去﹐
佢抬高頭見到我「啊添...」
上一秒仲叫緊我個名既曾偉雄﹐
下一秒用左手攞仲毛巾捂住黎喊。
佢輕輕既抽泣聲﹐
先令人心酸。

我知佢好想贏﹐
佢為左比賽連日操練﹐
就係因為俾人一撞﹐
令到佢受傷無法落場﹐


見到佢紅腫既膊頭﹐
除左鞋既右腳﹐
相信佢需要一段時間康復。

啊雄出咩事﹐
我陸添羽﹐
一定唔撚放過你。

我拍拍啊雄左邊既膊頭。
我﹐
唔會要你白費心機。

我眼入面團火﹐
真係差啲燒死佢地。



再次開波﹐
佢地一長傳，
我就響中間搶左佢地個波。
黎個鏟過去！

個波好順利入左﹐
對面隊啲人就呆Q曬﹐
望乜啫？
未見過人入波？

呢幾分鐘我就好似癲左咁﹐
瘋狂傳波入波搶波。

最後我接住吉仔傳俾我既波﹐
拖最後一秒先響三分線0秒上起手﹐


清脆既聲音再次響起。

53:42

贏左啦！
呢次既入球﹐
同樣令我勝得全場歡呼聲。
更令我諗返起兩年前既總決賽。
不過我再冇心痛既感覺﹐
反而有啲煥然一新既感覺。

比賽完左﹐
同對面握曬手﹐
有好多人都衝向我。

人群令到我要微微踮高腳尋找啊婷既蹤影﹐
不過都係見唔到佢。

「佢到底響邊...」當我仲響到搵緊啊婷既時候﹐
啱啱仲聽到佢把聲架？
正當我想走去搵佢﹐
陳希曈響後面拉住我。
再交左封信比我。
「啊婷叫我交比你架。」佢哽咽咁講﹐
把聲好似仲喊過咁。
佢交左封信比我之後就跑走左。
到底佢做咩事？

「啊添！影相呀！」啊謙叫我﹐
影完相我就睇左封信。

---------------------------------
肥添﹐
恭喜你贏左比賽呀。
雖然我冇黎睇﹐
但我知你一定贏。

其實我一直都有一件事想同你講…

我有腦瘤。

佢一直都壓住我腦入面既神經線﹐
會令我突然之間失憶。
即使只係一分鐘前發生既事都可以唔記得。
成日見既人都可能冇啦啦唔記得係邊個﹐
所以呢個就係我帶住本筆記響身邊既原因。

最近﹐
佢開始變大﹐
我睇野都開始變得唔清晰。
個頭有時都會痛起上黎。

醫生要我做手術﹐
所以我今日冇遵守承諾。
對唔住。

手術失敗我好有可能會變成植物人﹐
即使手術成功我都有機會乜野都唔記得。
你暫時唔好搵我亦搵我唔到。
不過我相信我地總有一日可以見返面。

你就當陪我任性一次﹐
亦係最後一次。
我收埋左五封信響我同你既「回憶」入面。
假如你全部都可以搵到﹐
我可能就會出現響你眼前。

------------------------------

我反覆睇封信既前後。
完全冇任何既提示。
「回憶？收埋左我同佢既回憶？」

我同啊婷相處既片段全部響腦入面浮現出黎。

------------------------------

「呀！！！你叫咩名呀？」我竟然響M記入面咁大聲問佢叫咩名…

「鐘…鐘凱婷…」佢比我嚇親。

------------------------------

M記！
當初我遲到先可以響M記遇到佢…
其中一封信應該響M記！

我衫都冇換即刻攞曬啲野由體育館跑去M記。
過左大概十幾分鐘。
「咳…咳」我跑到冇氣﹐
加上完左比賽﹐
體力真係有啲唔夠。
我到左M記﹐
佢會放左響邊？
會唔會響我同佢之前坐果張枱？
我慢慢行埋去屬於我同佢既果張枱。
四圍望下封信響邊﹐
最終響枱底搵到。

我即刻拆開佢睇...

----------------------------

你咁快搵到第一封信既﹐
相信你最記得既都係我地第一日既遇見。
仲記得我同你響M記遇到對方…
果陣你咁大聲問我叫咩名,
我真係比你嚇親。

講個秘密比你聽﹐
其實我果日遲到﹐
並唔係因為遲起身,
而係我求左醫生好耐佢先比我出院返學。
我講大話係因為我驚你會因為咁而同情我﹐所以我一直冇同你講...

遠在天邊﹐近在眼前

------------------------------

下？封信完左？
咩遠在天邊﹐近在眼前呀？

同埋佢並遲到係因為醫生唔俾...
如果佢早啲同我講咪好…

------------------------------

「其實你今日做咩遲到既？」佢問。

「遲起身。慣曬架啦。」我同佢並排行樓梯「咁你又做咩遲？」我問。

「…」佢靜左幾秒﹐亦行慢左一級,
我轉身望下佢﹐佢面有難色﹐好似唔想答咁。
但佢下一秒就笑住講「同你一樣囉。」

-----------------------------

第二封信唔通響學校？