陰陽術!?小記在聽到此詞時不期然大吃一驚。因為小記跑了多年新聞,在香港發生境內所發生的靈異事我是通通都略有所聞。大至銅鑼灣皇室堡狐妖事件,或是於1957年發生大火,燒死了57個人的廣東道木屋舊址鬧鬼一事,小至達德小學附近賣山水豆花的鬼婆婆,東華義莊殭屍傳聞,小記都有一一親身走訪過,做過實地考察。當中的靈異事件或多或少都牽涉到不同在香港風行的法術,道術,降頭,鬼仔…甚至小記還曾從一個老人聽他細說當年在國內用摸金之術盜墓的經歷呢!但從芸芸事件中,小記偏偏就是從沒聽說過陰陽術這個怪異法術。
 
「陰陽術!? 係咪個種日本古法術!?聽講係日本安土桃山年代,織田信長就曾經借助陰陽之術黎黎擊敗眾多大名,助其自身統一全日本接近三分之一既領土!」說話的當然不是小記,而是與小記同行的另一位行家。
但很可惜,龍婆並沒有回答這問題,反而是奇怪兮兮地張大嘴巴,露出滿口參差不齊的黃牙,然後再慢慢呼出一口氣。
 
稍作停頓後,龍婆開口道:「德仔老豆走左啦。唔需要再問啦,你地得到咩就係得咁多。我幫到呢到已經仁至義盡…唉,睇黎香港距離真真正正既百鬼夜行既時間睇黎唔會耐。」小記觀察到龍婆在散功後,抬頭之際,面上彷彿是刻著大禍臨頭四個大字。但句子最後的百鬼夜行又是甚麼東西?當我想再開口發問時,龍婆已經對我們揮一揮手,下逐客令了。
 
神秘的失蹤父子,令人目瞪口呆的問米過程,令人大吃一驚的上身,還有留下懸疑結尾的說話…讀者們,你們又會想到了甚麼? 」
 
專欄黎到呢到就完左,而我都一口氣睇哂成份專欄。雖然個記者並唔係啲咩職業作家,但係佢對問米個一段既描述都幾繪影繪聲,每一句對話都有重點記錄落黎,令我覺得此事不假,而且仲比到好多有用既資料我。再者,經過我對個件事既理解同埋一大堆唔同既報道中,我搵到一樣野令我覺得可以相信成件事既始作俑者就係陰陽術。點解我會咁講呢?因為當年各大報紙轉述不同既目擊者既話語中都明確地指出,佢地係當時係見到有一大群虛實相間,外型不一,深淺色不一既黑影圍住個兩父子,而且仲有一啲鬼魅般既笑聲係黑暗中久響不絕。




 
陰陽術中,最依賴既唔係術,而係鬼神。個幾十個甚至上百道既黑影應該就係傳說中既百鬼黎。傳說早係日本既平安時代,呢一百種既妖怪同埋其他小妖已經係同人類一齊生存緊,只不過,人類係朝早出沒,而呢一百種既鬼就係黑夜霸王之最。佢地係陰陽術未出現前係單方面捕殺人類作為生存食糧,所以當年既日本係無人敢係夜晚出街既,因為有命出去,就無命返黎。
 
但係當陰陽術出現左之後,就令到整個情況黎左個超級大逆轉,變到啲鬼唔敢出夜街,只可以躲避入深山苟存。陰陽術最著名既就係佢既操鬼,借鬼力之術。道家中有請神上身,但係充其量只可以請一位主神,但係陰陽術中既善者卻可以操控上千隻鬼,助其自己達到某啲既目的。
 
俗語有云,蟻多摟死象,即使係主神,相信對上上百隻,甚至上千隻鬼時都只能處於挨打既局面,更何況各鬼有各既能力,配合上陰陽術獨步天下既結界陣法,威力更懾世人。而百鬼夜行,陰陽術既出處,就係黎自於一代陰陽師,安倍睛明。
 
安倍睛明威水史好多,但係以佢當年曾幫助日本平時代既第六十二代天皇,村上天皇,秘密收服左皇宮外頑強既一百三十隻惡鬼,再轉化為己身護衛,協助鎮守皇宮呢件事最威風八面。因為睛明當年所收服既個一百三十隻惡鬼乃眾鬼之最,當佢潛心修煉有成,將所捉返黎既鬼通通變哂做守衛時,當堂嚇到其他鬼怪連跑近城市都唔敢,間接令鬼界中既十年大饑荒就咁浩浩蕩蕩地發生。
 
嗯…好,既然事情都已經變得有啲眉目,我睇黎都係要去跑多一轉架啦。