那些年，當香港仲係百鬼夜行既時代 II: 37. 運頭塘村VIII — 尋人

=14px哎，係喎！掛住避隻殭屍，我都唔記得左要搵返Elaine！一諗=14px到一個女仔自己一個孤身係個奇墓入邊，我就覺得特別心急，尤其是=14px，我對呢個女仔有種好特別既感覺。 

=14px「一，唔使急，拎住啲符先，萬一有咩事...」未等及師父講完野=14px，我已經一下將師父手中既符搶走，放入衫袋中。我係呢件事上係應=14px該要負返啲責任...所以我一定要搵返Elaine！

=14px「鈴鈴鈴…」福伯再一次搖動手中既攝魂鈴。攝魂鈴既魔音係空曠既=14px地方顯得特別空洞同弔詭。探屍聽到攝魂鈴既聲音時已經躍躍欲行，=14px果然，福伯一扯大喉嚨叫：「領路！」，佢就立即跳左入一條墓道中=14px，身影如風，話佢係真人都不為過。過左半响，佢又跳返出黎，但係=14px一無所獲。如是者，佢總共係四條不同既墓道中穿梭，但係始終唔見=14pxElaine跟住佢出黎，每次出黎，都只有佢一個，或者間唔中咬=14px住幾隻手掌咁大既死老鼠跳出黎。=14px唔計我跌落黎，同埋師父福伯佢地入黎既個兩條墓道，七條墓道之中已經有六條比探屍搵過，咁姐係話，Elaine如無意外就應該係最後一條未比我地探索過既個條墓道中。

其實係等待探屍既過程中，我有叫過師父用尋人符，搵返Elaine係邊，就好似當年係東華義莊搵返我咁。但係可惜，原來尋人符係要施法者同被尋者有過身體接觸先得，師父一直而黎同Elaine都保持住一段距離，咁又點可能可以用到尋人符？而當我想親自施法個時，就比師父制止左。

「唔好用，你咁樣只會令佢身陷險境，你會帶起佢身體入邊既...唉，件事好複雜，總之你聽我講，唔好用。」





靈屍最終都係跳左入去最後一條未經探索既墓道中。但係良久，都未等見佢出返黎，甚至連福伯都開始緊張起上黎，不停敲打個小銅鑼同搖響個攝魂鈴。

「鈴鈴鈴…」「鈴鈴鈴…」「鈴鈴鈴…」

「出事！」福伯突然面色一變，掉低一句說話就轉身沖入墓道中！墓道既地面滿佈黑水，呢啲黑水好大機會係具有極高腐蝕性既毒藥，雖則話靈屍過到姐，但係靈屍老過我地咁多，自然皮都都厚啲架啦...福伯竟然....!?

「跟！」師父見狀，竟然唔係拉住福伯，而係拉住我，要我跟上！轉眼間，我地兩個已經追貼福伯。眼見住愈黎愈近啲黑水，我就愈黎愈想像到自己雙腳腐爛既樣...我唔制呀，福伯呢啲奇人唔怕毒水，師父有哂準備，但係我咩都無喎！！

「呀呀呀！！！」我踏係黑水上，但係卻無任何既痛楚感傳上心頭。





「你呀乜呀！？睇清楚啦！呢啲只係黑色反光大理石咋！」師父一掌大大力拍落我個頭到。

我定睛一望，咦！真係大理石黎喎！只不過花紋似波浪狀，遠睇感覺似液體。呢種既大理石係墓築學被呼為海水石，出產數極少，基本上只有唐朝前既墓先有機會用得上，係古時黎講，的確可以令唔少既盗墓賊以為呢啲大理石係有毒既黑水而唔敢踏足半步，比起其他會比人破解到既機關更為可靠，因為人至少唔會對自己雙眼提出質疑。

我當下放心返，腳步自然都加快返，雖然手臂仍然滲血，但係無阻我要搵返Elaine既決心。然而條墓道九曲十八彎，分支又多，我同師父就好似兩個傻仔咁跟住福左轉右轉，跑左幾炷香既時間都未曾停過，甚至都見唔到靈屍既影蹤。福伯則一邊跑一邊搖鈴，嘈到震耳欲聾。

忽然間，領頭既福伯停低左。一路上響個不停既鈴聲都靜止左，墓道中再度陷入一片死寂。空氣中好似有一絲既不安蕩漾，陰風陣陣，加上福伯奇奇怪怪既行為，我心中不期然發毛。師父似有所感，拉住我輕退兩步。

「日月天地無光暗夜六道天亡，扶邪驅正開天僻地莫抗妖魔！靈屍！殺左佢地兩個！」