[刺客教條][長篇故] 果晚玩完刺客教條，家姐同我講……: 第10章：成為刺客
第10章：
到了鄭松泰的地區辦工室，他透露原來有一件鎖匙可以回顧記憶，這樣就可以找到蘋果之前是在甚麼地方被發現。不一會，泰博把我們一行人帶到了刺客兄弟會一個比較先進的支部，他正安排我，阿健和阿純進行入會儀式……
「哎，好啦，我去叫一叫教主幫你地搞啦。」
泰博說罷，我們道過謝。想了想，互相望了對方一眼。
教主﹖
正當我們懷疑我們有沒有聽錯的時候，眼前的這個人已經解答了。他正是黃毓民，教主。
「原來教主你就係刺客大師﹖﹗」我大驚。
看來很多事情都變得明顯，恍然大悟了。這時候，我們包括聰明豆都覺得十分驚訝。
「係啊，後生仔。你地係咪要做果啲咩入會儀式﹖」教主問。「嗱，好喇，你地聽住我講，我講完你地跟住我講，Ok﹖」
我們立刻回應，不敢怠慢一下，大概是因為我們被教主的氣場嚇壞了。他帶我們三人到一個房間裡，這個房間就好像中學家政室一樣，只不過空間比較小和沒有窗而已。我們三人並排著。
教主咳了兩聲，托一托眼鏡，對著誓詞開始講：「Nothing is true, everything is permitted，萬事皆虛，萬事皆允。我們不得濫殺無辜、讓人民來掩護你，成為人群中的一員和決不牽連兄弟會，我們為了服侍光明而耕耘於黑暗，因為我們是刺客。」
教主一邊說，我一邊心想：既然教主同成班大人都喺度，點解佢地唔派支援救我家姐，點解要收埋收埋連家姐、聰明豆佢地都唔知你地班人嘅存在﹖
「講完，照讀一次，得唔得﹖」教主問。
由於我再想著這個問題，沒有留心教主所講的話，我問：「教主可唔可以講多次啊﹖」
這時教主雖然稱不上憤怒，但顯得有點不耐煩，說著：「人地講野你聽清楚記清楚啊嘛，係咪。睇在你家姐同你伯爺成家份上咋真係。」
我沒有回應，等待教主重覆了一次，我們也完整地跟著讀了一次。教主表示了一點滿意，走上前跟我們說：「嗱，年輕人最緊要讀多啲書，係咪，宜家呢個時勢，力敵呢，係冇撚用嘅；要靠食腦咖。所以呢……」
我越想越不明白，這時，在房間裡的一位中年助手拍著我膊頭說：「唔使驚喎，教主雖然成日屌慣人，有時佢地幾好人嘅。」
「好人﹖我家姐死左喇，你地有冇出現過幫手﹖冇﹗少少支援都冇啊﹗我地個個後生仔喺度地打生打死，你地去左邊﹖有咩理由聰明豆會未見過你地﹖如果唔係我血統，我都唔會加入啦。」我不知是否吃了豹子膽，突然無名火起，指著中年助手罵著。
阿純阿健和教主都聽到了我說的話，阿純阿健表示震驚並沒有作聲，教主當然立即指著我反駁：「阿隼哥，你宜家喺度講咩啊﹗你家姐嘅死我地都好唔開心，但係話我地冇支援﹖冇支援你點上到地鐵站啊大佬﹖咪又係我地啲人Hack晒啲門比你，啱唔啱啊﹗冇支援你地仲坐緊喺警署啦，啱唔啱啊﹗喂，我地咪一直支援緊你囉，係咪啊。冇我地支援，你都唔使諗啊，死梗啊，我宜家話比你聽﹗唔好喺度信口雌黃，係咪。講野﹗」
面對教主的強勁反駁，我毫無半點還擊之力，同時間，泰博走了進來，他和中年助手合力調停我們雙方。
「一人少句啦，其實我地都想講對唔住咖阿隼，我地已經盡晒力幫你同你家姐咖喇，但係好多野我地都控制唔到。」泰博安慰著說。
發了脾氣罵出來後，整個人卻冷靜了很多，頓時覺得，即使破口大罵，家姐也不能起死回生，自己語氣亦都過重。知道此時應該槍口對外，所以我連忙向教主道歉。
教主不但沒有生氣，還走過來跟我說：「啊，你呢個後生仔好野啊，係咪。從來冇一個人可以咁樣同我講野咖，你係第一個，好野。仲肯理性道歉，係叻仔黎嘅。好﹗我應承你，我地班老屎忽會出返黎，復興返我地刺客兄弟會，好唔好﹖」
竟然這樣還被教主肯定，既然當得上刺客大師，當然有他過人的本領。我從來不是喜歡結怨的人，對方亦都明白我只係傷痛過渡。很快就把這首小插曲播完。
「好喇，宜家請伸出你地嘅無名指，進行另一個儀式。」中年助手說。
「下﹖﹗唔係要切左我隻手指下哇，我睇人玩果個人要切咖喎。」阿純叫嚷著。
泰博說：「一千年前就係，你講緊Altair啊嘛。果陣袖劍仲未改良好，所以先要切姐。宜家唔會有呢個問題咖喇，所以係咁意用鐵辣一辣手指咖咋。」
「哦……咁樣都唔係好好多咋喎。」阿純繼續。
「唉，後生細仔怕痛，係咪。吃得苦中苦，方為人上人啊嘛，啱唔啱啊﹗學下你個Friend啦，係咪。」教主教訓著。
大家輕鬆地笑了起來。
點著了煤氣爐，中年助手夾著一棵鐵塊在火焰上燃燒著。不一會，鐵塊變成了橙紅色。大家都要求阿純先去，為求體現「睇人仆街最開心」精神。中年助手把鐵塊往阿純的無名指燙上去，輕輕「滋」了一下，阿純竟然一點反應都沒有。大家失望之餘亦叫著：「你條友扮野嘅﹗」
當然阿純表示：「唔係啊，咁真係好驚咖嘛。」
其實阿純外表好像一個強壯的大叔，但內心卻膽小如鼠。雖然好多女同學覺得他很可愛，可是他卻愛理不理。真可惡。
回到現在，阿健亦很快完成了。終於到我了，我自信滿滿的看著鐵塊「滋」……
「嘩﹗屌﹗好撚痛啊﹗」我頓時大叫得可以令街上停泊的汽車響起警報。
看著手指那個刺客標誌的烙印由紅變灰，再變成黑。慢慢將大聲變成細聲，回過神來，周圍的人以同樣的眼神看著我……恥 笑 。
到了加入刺客兄弟會的最後一個儀式，信仰之躍。上次認為是發夢加上沒有準備的被家姐推下去，我今次會好好的完成。我們走到大廈天台，泰博跟我們講解跳的時候要注意的事項。
我們望向下面，這距離比跳水台可能還要高，在下面站著的聰明豆也像豆一般大小。證明我們在很高的地方。
「好，聰明豆宜家整緊個水池比你地跳，放心啦，放心啦，信仰之躍係唔會有事咖。」泰博指示。
這次，因為大家都知道信仰之躍是什麼的一回事，所以大家都好輕易完成，感覺就好像跳樓，不過會自動導航到水池裡；碰到水池亦感受不到一點痛楚。原來這就是信仰之躍。
經過一連串的儀式，我終於正式成為刺客兄分會的其中一份子。
「好喇，恭喜你地成為左我地嘅一份子。希望你地以後會記住我地嘅教條。另外，你地嘅衫同埋把袖劍會喺兩個工作天之內搞掂，到時黎返呢度拎就可以，咁我地會象徽式收返＄500嘅。唔該你地拎貨嘅時候準備定喇。」另一份中年的女刺客助手向我們說。
這是無可厚非的，材料手工費都不只＄500。
時候都不早了，我、聰明豆、阿純和阿健先離開。可是經過了好幾天的舟車勞頓，我們沒有怎麼正式吃過飯。我提議：「宜家夜媽媽不如去搵間大排檔食啦，好耐冇食過椒鹽鮮魷。」
「好啊，突然間都好想食咕嚕肉。」聰明豆贊成。
於是我們在一個露天大排檔，跟新朋友享受了我們難得的宵夜。
回到家中，坐在沙發上想著，才幾天的事，怎麼好像已經過了幾個春秋世代似的。我走進家姐的睡房，熟悉的香氣，熟悉的所有東西，每一樣都令我覺得依依不捨我脫下手擘上屬於家姐的袖劍，把它放在家姐的床上。
「唉，如果家姐喺度就好喇。」我感歎著。
這時候，我看見她書桌上有部不斷閃著紅白色光的小機器，形狀就好像iphone耳機盒般。我拿起一看，突然那部機器閃的光更加猛烈……猛得像閃光彈般。
強光散去，可是奇怪了，天色為什麼突然光起來。身體好像也輕了，胸口覺得好似有兩團很柔軟的東西，我好奇地搓著搓著。在鏡中，我竟然看見家姐在搓她的胸部，「家姐早晨，你做緊咩啊﹖﹗」我驚訝著大叫。
咦﹖﹗這個是……我﹖我……變成了家姐﹖﹗﹗﹗