[刺客教條][長篇故] 果晚玩完刺客教條，家姐同我講……: 第9章：兄弟會支部

第9章：
 
又一次踏進聖殿騎士的圈套，我們一行人終於「成功」被警方拘捕。可是過了一會，我們又被保釋了出來，對方的竟然就是熱血公民主席，鄭松泰。
 
「呢個好似一個好熟口面嘅政治人物喎。」阿純細聲說。
 
「呢個咪泰博囉﹗怪唔知得佢地成日都好似唔做野咁，刺客從來唔會當面同你玩無雙咖嘛，除非係達哥。」阿健細聲跟阿純說。
 
我沒有理會，我和聰明豆慢慢走近泰博。顯而易見，既然泰博是一個有能力從一班聖殿騎士中保釋我們的人，除非他就是聖殿騎士的高層，可是如果是聖殿騎士高層，怎會輕易放了我們，所以他應該就是刺客兄弟會的人。
 




「你係聰明豆，你應該係阿隼。呢度講野唔係好方便，去我地辦先講啦。咦，後面兩位係……」
 
「佢地係我朋友，唔係兄弟會嘅。」我解釋。
 
「喂，你地會唔會想做加入我地啊﹖想嘅就跟埋黎啦。」
 
「No thank you喇，我唔想又有咩事發生。」阿純說。
 
「都係果句，你可以唔加入，不過到時警察有咩事搵你就唔知會點喇。You……」我說。
 




「You think think you喇。」聰明豆跟我同時說出來。
 
「係囉，都話你已經洗濕左個頭喇，我地兩個都冇得唔入咖喇﹗」阿健。
 
「唔係話迫你，不過加入我地就可以得到我地嘅支援，好似賣廣告咁添。」泰博笑說。
 
「加囉，睇在你地同埋我唔想自己返屋企咋。」阿純唯有答應。
 
於是我們去泰博的位於屯門的地區辦事處。到了泰博的辦事處，眼前的就跟Facebook上的一樣普通的地方。這時坐在一角的是阿靳，靳民知，他用眼尾看了我們一眼，就繼續他的工作。
 




泰博跟我們找個位置坐下，開始跟我們談話：「好喇，阿隼你家姐嘅事我地已經知道左喇。節哀順變啦……係啦。」
 
「泰博，宜家總部又比班人發現左，蘋果又喺佢地度。宜家應該點知﹖」聰明豆問。
 
「宜家點都要搵返個新總部咖喇，其實屯門呢度有個小支部嘅……可以頂住當先囉，可以頂住當先囉。之於蘋果呢，首先我地要知道邊度搵出黎，知道嘅話可以從呢啲人去著手啦，呢樣你家姐先知，佢負責呢個任務不過佢淨係講左最後個蘋果喺邊……」
 
這時大家呆了一下，我也差點口快答應了，突然想起家姐已經不在的這個事實。
 
「呃……唔好意思啊」泰博道歉。「不過我唔知你家姐有冇呢個習慣，16世紀初，我地有個刺客大師Ezio，佢好似靠一樣可以回顧記憶嘅鎖匙，回顧返12世紀初嘅另一位大師Altair嘅記憶。我諗阿隼你可以試下搵下你家姐有冇留低啲咩，我明你宜家好傷心，所以你宜家要振作，搵返個蘋果先，等你家姐唔好死得唔安樂。」泰博繼續。
 
他向阿靳說：「阿靳唔該你開門啦。」

說罷，阿靳沒有作聲，輕輕拉起桌子上的小花盤。
跟漫畫店一樣，其中一個書櫃猛然移開，不過裡面卻是一條現代的樓梯向下廷伸。
 




走到面前一個佈滿電子器材的空間，裡面每一個人都穿著兜帽上衣，熙來攘往邊按著手機邊走著。
 
「嘩，呢個支部幾架勢喎，唔講仲以為係Avengers大廈黎。」阿健讚嘆。
 
「原來支部係咁樣，我返開總部都未見過呢度。」聰明豆跟著說。
 
「喂你地有冇玩過Watch Dogs啊？」泰博突然問。
 
我，阿健和阿純同時點頭。
 
「你以為Game黎咖？係真事黎咖﹗你知唔知佢地成班都係刺客，不過冇提起過或者比人刪走左咋嘛。」泰博繼續。
 
這時候，大家都半信半疑的望著他。
 
「咩啊，真咖﹗如果我地刺客組織唔跟上科技發展嘅，我地個組織早就比人DQ左啦。所以我地刺客新人都要學啲相關嘅知識咁樣囉，係囉。




  係啊，你地兩個係咪話加入啊﹖宜家冇得返轉頭咖喇，如果你一返轉頭就冇如果咖喇。阿隼，你呢都要做埋呢個加入儀式，程序上做下姐。」泰博說。
 
我點頭。
 
「我地都冇諗住走，係唔知邊個話要走咋嘛。」阿健諷刺的說。
 
「喔Sorry囉，我後尾都話加入啦。」阿純反駁。
 
然後兩個又「打情罵俏」起來。
 
「哎，好啦，我去叫一叫教主幫你地搞啦。」