[刺客教條][長篇故] 果晚玩完刺客教條，家姐同我講……: 第16章：從長計議

第16章：
 
在一次VR訓練裡出現了神秘矇面人，我們懷疑兄弟會當中暗藏內鬼。可是最終調本出的，卻發現是警務署的人。由於我們仍然未能夠足以應付對手，只好繼續訓練。轉眼間，訓練在短短兩年時間就完成了。這時大家都收到消息，通知大家來到總部開會員大會。
 
在一個12月中的冬天，大家都收到一個來自兄弟會的訊息。
 
「今日返黎開成員大會，有重要事宣佈。」
 
到達了總部的會議室前，看見教主、泰博等人在會議室門等候著。成員一個又一個的來到，原來除了我們「6是瘋」，原來還有數以百計的兄弟會成員到來，當中有老有嫩，有男有女，大家都來自各行各業，場面十分浩大。除了家姐，聰明豆以往一直保持聯絡的年輕刺客外，很多老一輩的刺客都出現了，當然還有跟我們一樣的新人晚輩。
泰博把門推開，大家都開始步入會議室。會議室是個非常大的空間，足以容納我們所有成員。大家圍著一張大圓桌站著，教主則站在最前方，場面有點兒嚴肅。就像星球大戰叛軍正在計劃炸掉Death Star的時候一樣。




 
教主清一清喉嚨，開始講：「大家靜少少先，今日叫大家返黎，係想同大家講啲世界大事，係咪啊。首先，我講另一件事先……」
 
他一手把手上的報紙攤在桌上，來自不同報館的報紙報導著同一則新聞「警方多名高層被行刺」，「署長、許SIR等人死於非命」……內容大概都是報導有關警務署署長和許SIR等多名警方高層被人殺死的事。
 
教主繼續：「嗱，宜家呢幾個人就被人殺左啦，係咪。大家都知道佢地係聖殿騎士嘅人黎。無啦啦被人殺左呢，係好撚奇怪嘅，係咪。首先喇，有冇人認數先﹖」
 
隔了十多秒，都沒有一個人回應。
 
這時候，艦長站前一步說：「教主，如果呢幾個人係比我地殺嘅，基於大家相方都係一個特別身份，我認為聖殿騎士果邊唔會比呢則新聞出到街。」




 
說罷，大家討論了一番，都認為艦長所言甚是。
 
「咁我地有放臥底入佢地果邊咖嘛應該，係佢地殺都唔出奇咖。」阿健在我身邊說。
 
下一位發言的是暢哥，他一聽到問題就立即回答：「冇可能咖，一黎我地派出去嘅兄弟都冇叫佢地去殺任何人。二黎，每一個臥底我地都有監視住，冇可能避過我地殺人咖﹗」
 
大家又開始討論起來，我這時候向聰明豆說：「你記唔記得我地第一次訓練嘅時候咪出現過一個矇面人嘅。我地仲問過暢哥，佢話係警務署出黎嘅。你覺得呢個矇面人會唔會同呢件事有關呢﹖」
 
聰明豆說：「醒左喎阿隼，我都係咁諗。所以我地可以試下去搵返呢個矇面人……」




 
這時候，有人從人群中叫道，「咁教主宜家我地應該點做啊﹖」