第17章:

會議室裡充滿了大家的討論聲,現場形成了數十組的小組討論。教主想了一會,舉起一隻手,示意大家靜一靜。這一隻手就好像考試夠鐘的鐘聲,同一時間靜下來了。

「嗱,比我講兩句,好冇。我知大家好多猜測,聽到有啲人又話『趁亂宜家一鋪收佢地皮啦﹗』係咪。我地嘅信條,萬事皆虛,萬事皆允,好多人有好多解釋啦,係咪。不過呢句唔會解釋做乜野都做得咖喇,啱唔啱啊﹖呢句對我黎講嘅解釋係五隻字;眼見未為真,加多句,凡事皆可能,係咪啊。大家喺度估估下,你係咪親眼見到佢被邊個殺左先,啱唔啱啊﹖
  仲有,收佢地皮就梗咖喇,我地係咪應該做好萬全嘅準備啊﹖我地呢度得百幾人,我地就係要等人民黎掩護我地,融入人群中咖嘛,啱唔啱啊﹗」教主有點兒激動的說。

這時想了想,大家都同意的點著頭。

教主繼續:「所以我決定左,近排我地兄弟會最出名嘅『6是瘋』將會幫我地去調查差佬單野,得唔得﹖執法機關宜家群龍無首,大家好緊張,我都好明白,係咪。不過如果我地攞到控制權,首先第一樣野,我地要有群眾上街,黎緊1月1號元旦大遊行就係最好嘅機會,係咪,如果要激發到群眾,呢樣野我諗阿泰阿大亨果邊會開始準備嘅工作。」





原來我一直沒有留意,原來大亨黃洋達一直站在這裡。其實上年年中,我看見他在兄弟會出現才知道他是兄弟會的一份子。

「不過呢,遊行完左,睇死班港豬一定會散水,所以少少犧牲都在所難免咖喇。唔係要有人死,我地信條話我地唔可以濫殺無辜咖嘛,所以大家諗下到時嘅情況我地應該點做,係咪,我地一定要鼓動到一大班人加入我地先至有機會成功。」教主亦擺出疑惑的表情,向在場所有人問,當然,這時候的小組討論又出現了。

「唉,使咩咁麻煩啊﹗殺晒啲差佬咪得囉﹗」

「唔得,咁樣點會以鼓動到啲人一齊加入我地啊﹗」

「呢班港豬真係要去到就黎仆街嘅情況先識得醒。」





「攞返個伊甸蘋果,走去控制班差佬做出面咪得囉﹗」

「你都攞到伊甸蘋果嘅時侯已經可以統治香港啦﹗問題宜家又攞唔到。」

「教主,有冇諗過搵梁天琦佢地幫手咁呢﹖」阿純突然向教主問。

這時全部人靜了下,全部望向他的方向,雖然據說這些情況代表有天使經過,可是現在最有機會變成天使的應該是阿純。

「阿純你係咪戇鳩咖﹗明知教主同佢地唔妥咖嘛﹗」阿健細聲跟阿純說。





「呢位後生仔好野,講得啱﹗面對宜家呢啲問題,學佢地講,無成本又可以幫到手,點解唔搵佢地幫,啱唔啱啊。宜家咪暫且做住同盟先,到時清算嘅時候咪等陳雲皇天擊殺佢地囉,係咪啊﹗」教主竟然贊成說。

「嗱,咁啦,距離1月1號仲有個幾禮拜啦,係咪。咁我地等『6是瘋』佢地調查完,或者甚至睇下當時嘅情況係點先啦,係咪啊。」教主繼續。

於是,這個會議就在一遍討論聲中完結了。大家都我們六人寄予厚望,不少人都拍著我們的膊頭表示支持。
雖然我們都已經完成訓練,但始終給我們添加了一些無形的壓力。

「喂喂,我地宜家去邊度plan定個行動好﹖」女神問。

「不如去我屋企啦,自從開始左訓練大半年之後,我就自己一個返去住。雖然已經被聖殿騎士發現過,但係宜家呢個先係最安全嘅地方。」我提議。

大家都同意,於是在總部大家都向不同的部門借用或要求一些裝備和支援,然後就整裝代發,乘搭巴士往我的家前去。