[刺客教條][長篇故] 果晚玩完刺客教條，家姐同我講……: 第18章：整裝待發

第18章：

來自五湖四海的刺客兄弟會成員來到總部開會員大會，教主展示有關警方高層被殺的消息，但是卻沒有人承認發動襲擊。我們「6是瘋」就被指派去調查事件。另外大家都在討論如果主動出擊，奪取香港的控制權。

我們一行六人回到我家裡，一直以來，我的家並沒有什麼大變動，因為始終充滿了回憶。這個地方對聰明豆，阿純和阿健來說，這是個既熟悉又陌生的地方。

「嘩，你間屋咁亂嘅，等我幫你執下啦。邊度有掃把啊﹖」女神說。

「呢度﹗」聰明豆二話不說就在廚房拿到了掃把，別人不知道還以為她才是這個家的主人。





女神奸笑問：「聰明豆點解你會知喺邊嘅，阿純阿健就話同阿隼就話中學同學可能黎過姐。唔通你同阿隼……」

我和聰明豆都一起連忙否應，她的臉亦紅得令大家叫她關羽雲長。幸好這時候阿健這時出現打圓場，他扮演張國榮，女神扮演成龍，說著：「屌，你出小句聲啦，我地啱啱識果陣黎過呢度，點知中左伏比人拉左。」

「喂啊﹗你應承左我唔講粗口咖﹗」女神彈了一下阿健的額頭。

「哦﹗似乎阿健同女神先係……」這次連艦長都少有的抽水。

阿健和女神沒有回應，可是他們就變成了關羽雲長的第二個和第三個化身。





「佢地一齊左啦﹗」阿健阻止不了阿純的衝口而出。

「吓﹖﹗」這時大家覺得非常驚訝，「明明你地兩個平時冇咩兩句咖喎，而且你又唔係同佢一齊訓練，正常應該同阿純，不過正常人都唔會同佢咖喇。」我半驚訝半諷刺的說。

「咩啊﹗我宜家好差咩﹖」阿純立即為自己平反。

「阿純你唔好唔開心啦，我知你好想同阿健一齊。」聰明豆笑著說。

這時大家都笑了起來，差點連主要任務都忘記了。





艦長整理著資料說：「好喇好喇，我地宜家做返正經野先喇。呢度係頭先教主手上果幾份報紙，佢地話署長同許SIR都係得心口一個傷口。」

「所以話呢個傷口真係有機會係比一個刺客殺死﹖」聰明豆問。

艦長繼續匯報著：「無錯，所以我諗住就咁嘅：阿隼、阿健同阿純你地三個負責將偷聽器放滿成個差局。我地呢隻偷聽器唔使放太多，因為佢勁到可以聽穿牆，範圍之內都聽到。至於聰明豆同女神你地喺出面等住先，有咩事就做支援。我就會喺阿隼你屋企，掌握所有嘅情報，包括地圖、嫌疑人、警方動向等等。」

明白！

大家各自準備自己的裝備、服裝，艦長亦借用了我地餐桌，不一會就把它變成國防部辦工室，佈滿了電子儀器。
女神和阿健也在互相放閃，閃得讓我們要提早出門。

「咁我地應該由邊間警署開始啊﹖」阿純問。

「當然由署長，即係總部，同埋許SIR嘅深水埗警署。」艦長答。





於是，我們讓那對小情侶「準備」好，就先出發深水埗警署。