[刺客教條][長篇故] 果晚玩完刺客教條，家姐同我講……: 第21章：突然開始

第21章：

本來以為容易的任務，差點讓我、阿純和阿健落入聖殿騎士手中。幸好天時地利人和，一架巴士把我們的危險一下子擋住了。
現在的我醒來了，我身邊的有聰明豆和女神，正處於跟屯門總部的VR訓練房間差不多的房訓裡，不過只是地方比較小。

「阿隼，你醒喇。」聰明豆捉著我的手說。

「呢度係邊度黎咖﹖我暈左幾耐﹖」因為我擔心我的事拖累了整個任務的進度。

「呢度係深水埗支部，即係黃金地下。你訓左幾個鐘姐，你知唔知啊，你訓咁耐，聰明豆陪足你咁耐啊。」女神說。





聰明豆紅著臉說：「咁咩姐，我……我唔想睇住自己徙弟死咋﹗呃……我點會鍾意你呢個又蠢又串嘅人喎，知唔知我第一次見佢果陣啊佢……」

我沒有讓聰明豆把她的話說完，因為我用的吻來阻止她繼續說話。

「你唔鍾意我你又捉到我咁實。」我微笑著說。

「嘩啊﹗你你你……我個初吻啊﹗」聰明豆蓋著嘴巴，帶通紅的臉跑了出去。

「恭喜晒，我地頭先傾計已經睇得出佢鍾意你咖喇。不過佢可能冇諗過咁突然姐。我出去先，你抖下啦。」女神說。





對於毫無戀愛經驗而獻出第一吻的我現在正想著，究竟聰明豆是喜歡我還是不喜歡我呢。

當我還在發呆時，阿健走進來問候我：「點啊柒頭皮，睇你好似好返好多喇喎。阿艦長叫我地返你屋企，似乎好似聽到啲野。同埋仲要準備下次任務啲野。」

他扶起我，一步一步的走著。

「聽bb講你錫左聰明豆一啖喎，係咪真咖﹖其實我一睇就知佢鍾意你啦﹗由第一日就已經知喇﹗」阿健說。

我嗯了一下，便沒有回應下去。一來身體真的還有點累，二來我仍然煩惱著究竟聰明豆對我是怎麼樣的。為了查明真相……





走到支部門口，女神、阿純和聰明豆正等著我們。當然聰明豆正害羞得回避我的眼神。
這時，阿健扮作鬆了一下手，聰明豆立刻走過來。

罵著阿健：「你有冇搞錯咖，明知阿隼佢未好返晒就小心啲啦，跌親佢啊﹗」

這時候，大家都對著她奸笑著。
聰明豆這次沒有否應，繼續紅著臉說：「行啦，我扶住你返屋企喇。」
我亦安心的離開刺客支部回家。

回到家裡，艦長仍然十分用心的留意著警署的一舉一動。連我們回來了都不知道。

「嘩﹗你地嚇死我喇﹗」原來艦長都會有被嚇倒的時候。

「阿隼呢，阿隼冇咩野啊嘛﹖聰明豆同佢一齊左未﹖」艦長今天打破了很多紀錄，這次是少有的八卦起來。





「你自己睇下囉。」阿純說。

這時候踏進家門的正是我和聰明豆，似乎艦長明白了，亦擺出一個安樂的樣子。
聰明豆把我扶到沙發旁讓我坐下。

「多謝你聰明豆。」我道謝。

「做咩要咁客氣喎，我地唔係一齊左喇咩﹖定係你唔鍾意我﹖」聰明豆問。

「唔係，點會喎，我多謝你係因為多謝你鍾意我。」我解釋說。

這時候，氣氛有點甜有點尷尬，始終大家都是初戀，總是青澀的。

這時，艦長把氣氛換回正經的氣氛，說：「你地出左黎之後，我聽到呢幾段對話，我錄低左。雖然唔知有冇用，但係都比大家聽下。」





「……係囉，上次班刺客已經殺左許SIR啦，今次仲要殺邊個呢﹖」

「2號﹗2號﹗2號﹗屌﹗輸個馬鼻喎。賭小啲啦，抵你老婆勾佬咖﹗你講咩啊﹗」

「即刻同我搵返TEST PROJECT 1返黎，佢最大機會會去左警察總部咖﹗不過我地聖殿騎士嘅伙記比佢逐個逐個咁殺都唔係辦法，不如將殺人呢單野賴落刺客度，將佢地身份曝光。」

「第二度錄音究竟關咩事啊﹖﹗」阿純問。

「錄錯左姐，第三段錄音，有冇人覺得講野果個人好熟口面﹖」艦長問。

「我知﹗其中一個應該係陳茂波。另一個可能只係其他聖殿騎士。但係我就未聽過TEST PROJECT 1。」我說。

「唔通係神秘矇面人﹖」聰明豆問起。





「唔好講咁多喇，快啲出發啦﹗」阿純叫著。