[刺客教條][長篇故] 果晚玩完刺客教條，家姐同我講……: 第22章：平安夜晚

第22章：

……警察總部內……

「呢班刺客今次仆街喇，好似話就黎開記者會開佢地名……」一名便衣警員跟另一名便衣警員說。

矇面人避過一個個警員的目光，來到了警務署署長的辦工室。
雖然署長已經被矇面人殺死，可是，辦工室還有一些機密資料令矇面人不得不再進去。
辦工室裡面一個人都沒有，矇面人立刻走到一個上鎖的抽屜前。嘗試把它打開。





「你係咪搵緊呢啲野啊﹖」這時候，陳茂波一手拿著蘋果，一手拿著一隻古董陀錶問。

矇面人見狀，立即上前欲想搶手他手上的東西。
可是陳茂波沒有一點畏懼，拿著蘋果說：「TEST PROJECT 1，你宜家同我快啲離開呢度，並且配合聖殿騎士消滅刺客。」

矇面人立刻停下他的行動，並服從陳茂波的指令，眼神完洞的走了出去。

……回到我家……

雖然阿純提議我們前幾天就應該要向警察總部進發，可是大家都認為我們需要休息一下，所以我們在平安夜那天的時候才開始計劃行動。





「今次嘅行動唔同上次，警察總部係個好複雜好嚴密嘅地方。我一樣會喺度跟進大家嘅情況，不過今次嘅行動，我覺得需要我地全部人一齊。之前我叫阿純通知左總部果邊如果有咩事即刻派支援咖喇。
  今次行動嘅目的主要係要知道TEST PROJECT 1究竟係咩嘅一回事，當然仲有set偷聽器，如果陳茂波在場，當然要殺埋佢。」艦長依然優秀的計劃著。

「但係今次總部好難搵到位入去咖喎，何況警方果邊應該知道曬我地係咩樣，扮警察呢招可能唔work。」阿純問。

「問得好，所以我諗住大家會喺對面街，駱克道三號嘅小童群益會天台『飛過去』。我連降落傘都幫你地借埋喇。」有時，艦長的能力真是有點高得可怕。

平安夜晚上，地鐵一個站比一個站的人多，每一班車都擠得水泄不通，好不熱鬧。
背著一個個降落傘背囊的我們正在乘地鐵到灣仔站。





「你地兩pair小情人使唔使咁過份啊，得我一個左手拖右手就係喇。」阿純無奈的說。

阿健和女神很自然就拖著對方，相反聰明豆只是害羞的繞著我的手。當然我也覺得有點害羞，基本上大家都沒有對過眼。

「阿純啊，遲早到你咖喇，話唔定過埋呢次任務就有呢。」我安慰的說。

走到地面，我們發現大家都在討論，「啲刺客真係好衰囉」，「估唔到宜家仲有刺客，仲要亂咁殺人」

我們都有種不祥的預感，難道聖殿騎士真的把我們做的事跟全港市民交代嗎﹖
我們走到一個電視屏幕下，這時候艦長說：「有突發事，警方開左記者會，將之前你地喺深水埗單野公開左係我地做，仲將前署長同許SIR嘅死賴落我地度。我地亦都比人通緝。
所以大家要小心，盡量唔好比任何人認到你地，你地可以喺背囊入面搵個口罩用住先，同埋唔好一齊行，分開行啦。」

大家都聽到艦長的話，都找出了口罩，阿健跟女神首先向前走，阿和聰明豆也慢慢追著他們的腳步走。阿純無奈地自己跟著走，說：「喂啊﹗你地真係好過份啊﹗」