第30章:

「呢度咪就係頭先個十字路口。」聰明豆有點驚慌的說。

「無理由咖喎,可能有人郁過啲石頭,搞到我地行錯左路姐。」我安慰著說,難道跟聰明豆說我們進入了結界嗎﹖

當然我們沒有嘗試打電話或透過耳機求救,因為根本沒有信號。

「喂,前面咪有個阿叔,不如問下佢啦。」雖然終於找到有人的跡影,可是我們不敢鬆懈,這個阿叔像是一個乞兒一般,滿頭長髮,雖然身穿一身行山服裝,可是看上去十分殘舊。





「阿叔,請問知唔知行邊度出去沙田咖﹖」阿鼓起勇氣問。

阿叔轉身望向我們,他表示很驚訝:「你……你地……盪失路啊﹖」

「佢係咪鬼黎咖,我睇唔到佢有冇下巴……」聰明豆細聲說,不過看不到阿叔的下巴純粹是因為他一大把鬍子把口和下巴都蓋住了。

「係……係啊,我地同朋友一齊行山,但係我地走失左。」我說。

「哦,你地唔使驚,我係人黎嘅。」阿叔看來察覺了我的懷疑,撥開鬍子之餘也撥開我們的懷疑。「我喺呢頭有十一、二年經驗咖喇。」





既然他是一個經驗豐富的阿叔,我們都沒有再以貌取人,慢慢跟上他的腳步。
一個路口,兩個路口,終於經過一些不同的地方,甚至有些地方還奇怪的聽到海浪聲。可是最後又回到最初的起點,那個十字路口。

「喂,阿叔。你又話有十幾年經驗嘅﹖點解仲未出到去﹖」我不耐煩的問。

「係,我係有十幾年經驗,不過我呢十幾年都仲係未走到出去……」阿叔說。

這時候,我們既不耐煩,又驚訝……一方面覺得為什麼跟他走了這麼久現在才說,另一方面想著,香港地,即使山區的路都不是很多,不用說十幾年,十幾小時都可以走出來了。更重要的是,這個阿叔走了十多年都沒有死去。讓我們又再提高了警覺。

「阿叔,你做咩帶我地遊花園啊﹖你……」我以指罵掩飾著心中的百感交集的心情。





「咦,你你……地係刺客﹖」阿叔突然問。

雖然我們穿上了裝備,可是對普通人來說,這個純粹是一個手套,何況是困在山路上十多年的阿叔怎會知道。

「你係邊個,你係咪聖殿騎士﹖咁你一係警察,一係政府人員。」聰明豆一說道破。

「哈哈,無錯,我係一個警察,我係反黑組探員丁利華。歡迎你地宜家進入左結界。」阿叔無奈的說。

「丁……丁利華﹖﹗你就係十幾年西貢失蹤左果個警察﹖所以我聽到嘅海浪聲就應該係西貢附近,但係明明我地喺沙田拗道行緊咖﹖」我們因真的進入了都市傳說世界而變得十分驚慌。

「既然都入左結界,咁結界入面就有個世界咖應該。」聰明豆比較冷靜的說。

「咁我地算唔算死左﹖」我問。





「唔算,後生仔,我地喺呢度出唔到去咖喇,但係又唔會餓死渴死。」丁SIR說。

「咁咁咁……點解你會入左黎,我上網睇過你啲對話講到好危險咖喎。」我說。

「係,冇錯……實際上,我被聖殿騎士揀中左做結界測試員,用黎困住你地班刺客咖。
  點知測試果日我入左黎之後,個出口無啦啦越縮越細我伸左半個身出去報警,就係我同報案中心講野果段,但係個結界始終吸左我入黎。
  咁啱你地就喺個出口度入左黎,但係宜家個出口又轉左去第二度。」丁SIR。

「豆豆,你覺得佢係咪講真咖,咁使唔使殺左佢﹖」

「我覺得佢冇需要呃我地嘅,就算我地殺左佢,佢殺左我地都對大家冇著數。」

「都係嘅,佢都冇刀冇力殺啦。」

「兩位,你地有冇咩辦法可以離開呢度﹖」丁SIR問。





「既然係結界測試員,咁個結界就有一定嘅範圍。」聰明豆二話不說,把袖劍上的無人機向上飛。無人機不斷飛不斷飛,突然像是撞到一塊像是天空的板;似乎這個就是結界的最高點。

居高臨下,透過無人機,我們在屏幕看見整個結界就像一個六角型盤地,每邊都被山包圍,所以丁SIR才不以為以,一直困在這裡。

「咦,正中間有部機,唔通就係果度﹖」我指著屏幕上正中心的一個像小型發射站的物體。

「係啊係啊,我就係喺個發射站附近入左結界咖﹗」丁SIR嚷著。

事不宜遲,天色也開始昏暗了,聰明豆收起無人機,我們準備好,一起向發射站進發。
幸好結界裡不會死去,所以我們往不斷跳,不斷衝,都絲毫無損。

來到小型發射站前,上面電腦屏幕顯示著聖殿騎士的標誌和寫著「結界終端機 請輸入密碼……」

密碼……





「密碼就係唔知係咩啊,我吸入左黎隱約聽到佢地講586 48 7020 487040 024,亦即係我報警所講嘅一堆數字。」

可是密碼只有三個字,我們嘗試了586,可是顯示著「密碼不正確,還有一次機會,否則,系統會鎖上十年。」
居然只有兩次機會,而且還上鎖十年﹗如果真的不能輸入正確密碼的話,真的要困在這地嗎﹖難得丁SIR已經超過十年,我們不可以在這裡浪費青春和時間。
唯有嘗試使用鷹眼,但是又沒有任何提示。

「586 48 7020 487040 024……會唔會係呢3個……」聰明豆少有的猶疑著按下密碼。

1……3……9

「586 48 7072 呢堆數字係冇139呢三個數字,所以密碼係呢3個字。」聰明豆深呼吸了一下。

難道就如AABBAABB,long time no c一樣玩法﹖





「咁阿妹點知係139,193,391,319,913,931邊個先啱﹖」丁SIR問。

大家都沒有辦法證實,唯有賭一下運。「我地呢度3個人,就揀第3個﹗」

大家都已經作了最壞的心理準備,準備在這十年間打造自己的「世界」。

3……9……1

嘟﹗

密碼正確﹗現在出口距離 1km,剩餘10分鐘。

太好了,我們沒有時間慶祝,聰明豆再次派出無人機,嘗試找出出口的位置。
由於我們在結界的正中心,所以所有距離都足以讓我們離開。

「搵到喇﹗閃閃下果度就係喇,竟然喺呢個結界都有望夫石。」我們向著那個方向前進著,繼續衝繼續跳,來到一座山的山腳下。

「豆豆,我地快啲爬啦,仲有五分鐘咋﹗」我急著說。

大家一直爬一直爬,可是忘記了丁SIR是沒有任何裝備可以用的停留在地上想辦法。

「咁丁SIR點算啊﹖」聰明豆望著仍在地上地丁SIR說。

「阿妹唔使理我喇,我都困左喺度咁耐,橫掂都知密碼,十年後再見啦。」丁SIR無奈的說。

「唔可以啊﹗你已經冇左十年時間喇,你屋企人一定好掛住你咖﹗」聰明豆忍不住哭了。

「唔好喊啦阿妹,我唔會有事咖﹗話唔定下個出口好快就出現呢。十年後我出到黎,我請你地食豆腐花。」丁SIR揮著手說。

我們越爬越高,距離假望夫石越來越近了。

「隼隼啊,諗下辦法啦﹗」

「我都好想幫佢,但係我地冇野可以幫到佢啊。幫埋佢可能連自己都會困住喺度。雖然係好自私,但係黎緊嘅仗真係好需要我地咖。」

於是大家都迫於無奈,繼續爬,爬到了山頂,還剩餘30秒。

「丁SIR,對唔住啊﹗」

「唔好怪自己啊﹗你地要加油啊﹗」

「冇時間喇,我地要走喇。再見喇﹗」

5……4……3……2……1……

HAPPY NEW YEAR!!!!

我們觸碰了望夫石一下,一下子變成了夜晚,維港方向還有一個個煙火,向大家說聲新年快樂。似乎我們已經離開了結界。

「咦﹗阿隼,聰明豆﹗你地去左邊啊,搵左你地好耐喇。」艦長擔心的說。

「我以為我地轉左路上望夫石呢度你地行錯路添,仲等我叫健健b同阿純去搵你地。」女神也擔心的說。

「你地唔通入左結界﹖笑~」阿純笑著扮擔心的說。

我們沒有回應,因為我們遇到了跟少年pi一樣,說出來都沒有人相信的事。