[刺客教條][長篇故] 果晚玩完刺客教條，家姐同我講……: 第31章：元旦大遊行

第31章：

經過整天在神奇的結界裡冒險後，時間已經來了新一年的1月1日......
每年的這一日，民陣都會舉辦元旦大遊行。而刺客兄弟會正準備在這天主動向聖殿騎士發動襲擊。

......在「星戰會議」裡......

「好﹗今日一月一就係元旦大遊行，唔該呢大家都要去，除左『6是瘋』啦，係咪。首先你地就要跟住人行，視察下情況先，好冇。
   我地阿泰啊，大亨，四眼佢地呢就全部唔會出黎嘅，因為呢同我地講過嘅野有矛盾，係好撚奇怪嘅，啱唔啱啊。不過大家嘅所有行動，都會有我地嘅支援同埋指揮嘅，吓，所以就唔使擔心。」教主一貫的發表講話，主持著整個大局。





「我地要解放香港，脫離聖殿騎士嘅控制﹗Nothing is true, everything is permitted﹗」教主喊著，大家亦跟著一起喊，士氣相當高昂，幸好地底的隔音還可以，否則就會讓別發現我們了。

「喂，我地去邊度玩啊﹖」阿純問。

「你係咪戇鳩咖﹖淨係掛住玩﹗你唔記得左我地話隨時要支援咖咩﹖梗係去公展會啦。」阿健答。

我們沒有回應，應該心想著應該去哪裡遊玩……不不不，應該心想著究竟遊行會如果發展下去。
我們大部份成員都在兄弟會總部，商討有關今天的安排。

「……我地係咪要舉香港獨立嘅旗去﹖……」





「萬一電視台訪問點算啊﹖」

「你咪答佢香港獨立﹗咁佢應該就唔會訪問你……」

比起商討大會，更加像一個派對，大家都有點輕鬆似的。我不確定這是信心還有高估，不過我相信大家，相信兄弟會，這些一定是信心﹗

遊行在下午2時從維園開始，今天天氣不錯，可是遊行人數卻不是跟天氣一樣正面。
我們在香港中央圖書館的平台上一直注視著。





見到在起點只有大概幾千人，比起以前在電視上看見到遊行規模小的多。即使過去的一年，無論在立法會上，社會上都有十分多的問題發生，照道理應該有十萬八萬人才對吧。

「喂，點解得小貓三四隻嘅，咁我地啲兄弟點行動﹖」阿健問著。

「可能佢地因為之前我地搞出黎嘅大頭佛，搞到佢地驚左呢。」我說。

「所以我地應該去幫手。」聰明豆說完，就拉著我向著維園方向加入。

「喂，聰明豆﹗教主叫我地放假咖。」阿純叫著。

「教主話有咩特別情況會通知咖嘛，宜家咪特別情況囉﹗唔使通知都知啦。」聰明豆說著。

於是，大家亦跟著她的步伐向那個方向走。

走到遊行路線上，雖然人數並不是預期的多，可是要找到其中百多位的兄弟會成員，都需要花一點時間。




由於前幾天我們的行動暴露了我們白色兜帽上衣的這個識別，我們轉為用紅黑色手繩作記認。
不過其實不用這麼麻煩，我一用鷹眼，所有成員就陸續出現了。
（不適用於刺客後代成員）

雖然只多了我們六人參加並不是改變很多，可是對其他成員的支援卻是更有效。

「兄弟，有冇咩要幫手啊﹖」

「冇啊，都係叫下口號舉下旗咁。」

「係囉，佢地得咁少人，原定仲話9點先會完，我諗6，7點就會散band。」

「教主佢地未有任何指示喎，唔知會點呢。」

「我記得我地有幾個伙記混左入堆差佬度咖，希望佢地冇事。」





我們各人四處向大家打探著，都是十分零碎或是一些已知的資訊，似乎我們一直只可以跟隨人群，等候教主的指示。

「反對釋法﹗」

「撤回覆核﹗」

「我要真普選﹗」

一路上，大家都成為最佳的男女演員，扮演著遊行人士喊著口號。有的還跟左右的人打成一遍，有的自拍，有的揮舞著港英龍獅旗，有的跟公公婆婆談天說地。

「豆豆你使唔使飲野﹖」我問。

「唔使喇，隼隼你呢﹖其實呢，你覺得我頭先嘅決定係咪啱﹖」聰明豆問。





「你冇做錯，始終多個人多分力，何況我地就咁走左去，就算係去玩，都玩得唔安樂啦。」我安慰的說。

「你都講得啱嘅……好啦﹗隼隼我地要加油啊﹗」聰明豆想了想便笑著說。

走到軒尼斯道大概循道衛理教會附近，一大堆一大堆溪錢從天而降，在我們的兩旁隨隨跌下來。