[刺客教條][長篇故] 果晚玩完刺客教條，家姐同我講……: 第37章：鼠入牛角

第37章：

「得左喇﹗」

「好野﹗『6是瘋』好野﹗」

我們凱旋而歸停車場，接受大家的歡呼和祝賀。
雖然這是一場階段性勝利，可是大家都明白，現在我們和聖殿騎士的實力實在是太懸殊了。只有我們十多人，甚至有些成員還是傷兵，這令大家興奮完一會後都表現的仇眉苦面，士氣相當低落。

「各位唔好灰心住，我地仲有梁天琦佢地班援兵﹗宜家唔好講咁多住，我地返支部先，返到去再從前計議。」艦長領導大家。





「你地搞掂未啊﹖」

「郁唔郁到啊﹖使唔使幫手﹖」

大家都知道此地不宜久留，所以我們各人都幫助大家打點一切，希望盡快起行。最近的兄弟會支部，就在灣仔電腦城的地底，所以距離我們現在的位置非常近。
我和阿健向停車場外的兩邊張望，慎防仍然有警察在設下埋伏。
安全了，我們示意各位開始往灣仔電腦城方向走過去。大家都非常小心的走著，有的還背著傷者，有的四處張望，始終我們不能再失去更多了。

經過盧押道，行人開始多了，始終離戰區有一段距離，這裡的人未必知道前面發生了什麼事，這讓我們放鬆了一點。




來到天橋下的灣仔電腦城，一位穿著紅黑手繩的一個百髮男生，他站在門口向大家指示著：「你地好，我係暗洙，係灣仔支部技術部嘅，你地轉角見到有個機房，入去就識行咖喇。」

我們跟著暗洙的指示走，在機房門後分批乘坐升降機前往支部。

暗洙對著鏡頭說：「Hi，我係作者啊，宜家我打破第四道牆入左去呢個世界，希望我唔會咁快死住啦。不過我驚呢班人唔信我係刺客咋。」

在升降機裡的人百思不得其解，究竟這個暗洙是什麼怪人，會不會是聖殿騎士的臥底等等。

「歡迎黎到灣仔兄弟會支部，受傷嘅快啲入醫療室休息下先啦，阿暢哥唔好意思啊，寫到你隻手斷左。」暗洙依然說著奇怪的話。





「唔該你啊暗洙，請問呢度係咪得返你一個。」艦長問。

「唔係啊Master，醫療室入面仲有一兩醫療組人員。但係佢冇名咖，廢事寫咁多人名搞到亂曬啦。」暗洙說。

大家都開始沒有理會他的奇言怪語，除了重點外。於是他就往他的工作枱繼續不停打著字。
而現在大家都圍在這個幾百尺的空間稍作休息一下。

「係呢，唔知阿純佢點呢﹖」艦長問。

「我諗阿純有豆豆同女神睇住，應該唔會有咩事嘅，不過都通知佢地一聲我地喺呢個支部先。」我說。

「豆豆，你地宜家喺邊啊﹖」

「我地上左告士打道啊，宜家行緊東區走廊，後面有架警車追緊我地。」聰明豆說著。





「咁女神bb呢﹖」

「我喺度啊健健b。」女神說。

「阿純呢﹖叫佢放啲法寶啦。」

「佢揸緊車啊﹗嘩嘩嘩﹗」聰明豆說。

「做咩啊﹖」

「阿純囉，車扁左人地架法拉利。」

「法拉利已經扁咖啦，仲車扁佢，你點揸車咖。」

「我想咖咩﹖好彩人地冇事咋。」阿純說著。





「不過好彩車扁左人地架車，警車都停低左去幫人。」我地求其搵條街收埋佢得喇。放心放心。」

「我想話你知我地喺灣仔支部，你地搞掂就過黎啦。」

現在，事情就暫告一段落，我扭開電視機，正報導著剛才循道衛理外的戰況。警方說著，

「有恐怖組織，刺客兄弟會喺今日元旦大遊行帶頭破壞法紀，利用裝甲車向危害警方，導致傷亡，警方宜家係予以嚴厲譴責。
凡見到穿著白色兜帽嘅有關人士，請立即同警方聯絡。
警方亦會全力清除所有刺客組織，恢復秩序……」

「啊，我地究然變左恐怖組織，真係恐怖……」阿健諷刺的說。

「宜家得返我地呢度幾十人唔夠咖喎，我地已經冇左市民嘅支持，宜家只可以搵其他本土派嘅人幫手。」我分析著。





「請問各位聽唔聽到，聽唔聽到﹖」耳機發出一把熟悉的聲音。

「你係邊個﹖」我問。

「你係阿隼啊係咪啊﹖我係梁天琦啊﹗請問你地係邊啊﹖」原來梁天琦還在生。

「我地喺……」阿健打斷我的話說：「喂，你唔記得左以前喺你屋企，聰明豆放左個人質入黎，點知中左伏比人拉咩﹖」

無錯，差一點就重蹈覆轍了。「我地唔可以話你知喺邊咖，最多我地出黎接你。」

「哦哦哦，我明嘅，我宜家喺時代廣場，得我同黃台仰兩個人姐。你地宜家過黎啦。」

「咁阿隼，你同阿健出去搵佢地啦。」艦長說。