第38章(上):

我和阿健到達時代廣場,電視不斷播放著有關戰事的新聞,周圍的人都在討論著。

「阿隼你喺邊啊﹖」梁天琦問。

「我地喺大電視下面。」我直接說了出來,始終在人群中,聖殿騎士應該不敢輕舉妄動。

「我地落黎搵你地啦咁。」他說完幾分鐘後,憑著他的記憶把我們認出來。





「你地確定冇人吊住你尾咖嘛﹖」阿健懷疑著問。

「冇啊,我諗應該冇。」黃台仰說。

「咁跟我地黎啦。」

我們一行人戴上口罩,始終無論他們或者被通輯的我們的很容易被人認出來,低調的低頭走之餘,還不停四處張望,確保兄弟會支部的位置仍然安全。

「大家好。」我們進入了兄弟會支部。





「你地兩個,我地打緊果陣你地去左邊﹖知唔知我地死左好多兄弟﹖係咪今次又係懦弱﹖」暢哥單手揪起梁天琦問。

「啊暢哥,唔係啊,我地有叫人去揸裝甲車黎咖﹖」黃台仰連忙解釋。

「咁佢地呢﹖宜家揸緊架裝甲車嘅係我地兄弟會嘅人啊。」暢哥說。

「咩啊,我咪叫左青政果班去,即係梁游佢地囉。」梁天琦解釋。

「架裝甲車有段時間比警方搶左,我諗裡面啲人都……」和人說。





暢哥下了口氣都把梁天琦放下。

艦長為了重整士氣,正說著:「宜家講返轉頭都冇用,如果你地宜家搞獨立戰爭,會唔會搵到人手支持我地﹖」

「其實我地仲有幾百人,個個都有訓練過咖。」他們說。

「哦,原來有秘密練兵。」阿健說。

「不過宜家搞成咁,大家呢把手槍仔唔夠咖,首先我地有裝甲車啦,另外我地要有槍,呢層要去到大埔搵小丑女幫手。」他們繼續。

「不過宜家周圍都係警察,我地要幾個一齊去。」梁天琦說。

「好,阿隼阿健和人同你地兩個一齊夠唔夠﹖」艦長問。

「夠喇艦長,我地去落訂姐,好快就返。」黃台仰說。