[刺客教條][長篇故] 果晚玩完刺客教條，家姐同我講……: 第45章：一鼓作氣

第44章：

「最新消息，有本土派人士宜家喺旺角同中環聚集，稱聲要香港獨立，演變成騷亂。有暴徙與警方發生衝突，又撬起行人路嘅磚頭擲向警方，並與警方發生打鬥，多處街道放火焚燒雜物。宜家先睇下現場情況……」

「似乎梁天琦佢地已經開始左行動，咁我地都要快啲配合喇。」古叔說著。

「宜家我地照樣跟住路面嘅人群先，唔使有太大行動住，等聽日武器運到嘅時候先再落手都未遲。」艦長說。

「好，咁我見佢地喺正出面告士打道，應該向住立法會去，我地出發。」古叔帶領著小丑國的人準備起行。
暗洙一直留意著外面的情況，不過由於警力都集中在告士打道那邊，暫時不見任何警方人員在設防。





我們都出去了，剩下暗洙和傷者。

「其實我地宜家咁樣做，係為左啲咩﹖」阿純在途中問。

「我地唔係你地兄弟會嘅人，所以我地嘅目標好簡單，就係要殺曬班仆街……幫大哥報仇。」古叔說。

「對我地黎講，一切都係因為教條。」艦長說。「刺殺嘅目的係為左等死者同刺客都搵到內心嘅平靜，而唔係要復仇。」

「我地係為左確保自由意志嘅倖存而戰，因為自由意志令我地有新思想上嘅發展同埋獨立個性嘅成長。所以我地先會加入。」我說。





大家都仿彿上了寶貴的一課般，所有人都恍然大悟的點了頭。

我們走到告士打道，梁天琦他們的人都身穿白色兜帽外衣，與警察繼續糾纏著，不過由於大家士氣非常高漲，由本來的中環廣場外的告士打道推進到總府總部外。

我們的一方手持長竹和自製盾牌，把只有警盾和警棍的警察打得落花流水。

這時候，防暴警察到場，他從警察總部過來，並從後包抄我們。

「大家唔使驚，一齊打佢老尾﹗」不知是梁天琦或是黃台仰或是其他人在指揮著。





「嘩，屌﹗我地比人包抄喇﹗」

「喂有槍咖﹗」

「點夠打啊﹗」

這時候，大家都被這個被包圍的情況挫了一下士氣。

「警告﹗催淚彈﹗」「速離否則開槍﹗」橙旗黑旗佈滿在警方兩邊。

「砰砰砰﹗」一個個催淚彈從天而降。

「嘩﹗走啊﹗」





「掟返去佢地度啊﹗」

整個場面一遍混亂，有的爭相走避，有的繼續攻擊，有的嘗試擲回催淚彈。
我們身處其中，小丑國他們戴上他們私家的防毒面罩，向著防暴警察。

「嘩，你地咁自私咖﹗自己就有私伙野。」女神說。

「靚女啊，你地果啲未送到黎啊嘛。忍耐下，聽日有咖喇。」G-Dragon說。

「bb算啦，喂大家，我地跟住其他人一齊走先啦。」阿健帶著女神，和阿純和人他們等人加入人群一起走避。

「豆豆，我地如果開鷹眼，係咪會冇事咖﹖」我問聰明豆。

「我都未試過，不過我覺得個效果會抵消左，可以試下。」她說。





「可以咖﹗我都開左鷹眼，經過咁多年進化可以正常睇到野咖。」艦長說。說起來我今天才知道艦長都可以用鷹眼呢。

「你班仆街仆街喇﹗」古叔他們手持槍械，在催淚彈的煙霧下向著防暴警察那邊開槍。

「嘩﹗開槍喇﹗」

「會唔會死咖﹗」

「媽咪啊﹗」

「大家唔使驚，開槍嘅係自己友黎咖﹗」阿健他們不斷向大家安慰著。

「啊﹗﹗﹗」

在政府總部的那邊，數以百計戴著防毒面罩的小丑國士兵把警員反包圍著。警察亦難以反抗，阿健他們繞過龍匯道，一起進軍政府總部和立法會綜合大樓。




在小丑軍的護送底下，所有警察都不敢靠近。
我地聚集到添馬公園，準備一舉攻下兩座大廈。

「大家準備好還香港自由未﹖﹗」黃台仰手持「大聲公」叫著。

「好﹗」

「今日開始，大家就係建國英雄﹗各位﹗同我衝啊﹗」

「啊﹗」一聲令下，大家一鼓作氣衝了進去。

在我、聰明豆和艦長進去前，我說：「豆豆，艦長，你地一齊佔領左立法會同埋其他地方先，我仲有地方要去。」