[刺客教條][長篇故] 果晚玩完刺客教條，家姐同我講……: 第46章：如真如假

第45章：

「帶我去見財政司司長。」我用袖劍脅持著其中一位經過的政府人員。

「喂﹗你地點解要咁衝動，我地應該和平理性非暴……」在旁的何俊仁勸著。

「你算吧啦﹗和平理性非暴力咪好似你咁嘅樣囉﹗」我激動的說。

「呃，呃，呃唔好咁勞氣……我帶你去。」那名員工沒有怠慢，爽快的把我帶到財政司司長的辦工室前。





「加油﹗我支持你地咖﹗」原來那位員工是我們的支持者。

「唔好意思啊﹗咁快啲落去幫手啦﹗」我笑著說。

「我本來諗住幫手咖，點知比你捉住咋嘛，哈哈哈。」他笑著說就走了。

我推開門，走進財政司司長的辦公室大叫：「陳茂波﹗」

「去死啦﹗」突然一個身影從旁邊突出。





「家姐﹖」原來是家姐。

她仍然被聖殿騎士控制著，我們兩姊弟就在財政司司長辦公室打起來。
不過這個對手仍然是我家姐，我沒有主動攻擊，只好把她的攻擊一一抵擋。

「嘿，你好似勁左好多喎﹗」完全不似家姐說的語氣從她口中說出。

「家姐﹗你醒下啦﹗」

「啊﹗細細……細佬豬，啊﹗快啲，快啲……落下一層，佢喺果度……啊﹗」家姐明顯得被聖殿騎士控制得相當辛苦。





我擋住了家姐的攻擊，然後把她打暈了。我安頓她後，立刻向下一層樓梯狂奔。
這時候，我發現自己的耳機早已不見了，但我又無法耽誤更多的時間，於是我繼續向前走。
我推開防煙門，這裡又是一個像實驗室的空間。

「陳茂波﹗你同我出黎﹗」

「好，好，好，我出黎囉﹗」現已貴為財政司司長的陳茂波在一個房間裡手拿著一像搖控的物體走出來。

「你即刻放左我家姐﹗」我大步向前走，但他依然不為所動。

「你過到黎嘅咪你話事囉。」陳茂波奸笑著按下他手上的搖控。

這時候，四方八面的試管跑出好幾個很面善的人出來。





「呢幾個咪教主佢地幾個﹖你搞到佢地好似我家姐咁﹖」竟然這幾個面善的人就是刺客兄弟會總部的教主、泰博等人。

「喔，唔同……你家姐係TEST PROJECT 1，人係真身，只係思想比我地控制左。但係阿毓民佢地就唔同，佢地係TEST PROJECTS 2，呢批人係複製人，真身呢，唔知去左邊lu。不過思想就比我地完全控制，會更加有效率。唔似得你家姐咁，雖然，佢唔情願個樣都幾可愛。」陳茂波說。

「你個仆街﹗」我欲繼續上前，把這個人碎屍萬段。

可是複製教主他們就一下把我當住，甚至開始對我發動攻擊。

「教主，泰博，你地醒下啦﹗」我一邊抵擋他們的攻擊一邊叫著。

「你都幾趣緻咖喎，佢地既然係複製人，就唔係原本嘅佢地啦。溫馨提示，我set到佢地勁左好多。哈哈哈。」

陳茂波平時四四正正，想不到在聖殿騎士的身份下，是這樣的嘴臉。

我沒有理會，只是不停的抵擋，不停的向前推進。




可是我是真人，我會疲倦，他們就像機械人一樣，完全沒有疲態。
最終，我被他們幾人捉住了，並把我帶到陳茂波面前。

「你地刺客算吧啦，一黎解放軍宜家應該準備落黎打你地，二黎有我地呢排TP2嘅軍隊，三黎我喺會議廳放左個炸彈，仲有半個鐘咋。你話你地收皮唔收皮。」陳茂波靠近我說。

我沒有回應，還可以做的是向他吐了一下口水。
口水雖然沒有命中他的臉，卻中了他的皮鞋鞋頭。他沒有說話，只是轉了身一下，難道是被我的口水嚇怕了。

突然，他猛然再轉向我：「最撚憎你呢啲刺客咁撚囂張﹗」

他再一腳踢在我的下巴，在毫無反抗力底下，我完全中了他的一踢和他鞋頭本來屬於我的口水。
這下真的非常痛﹗我大叫了出來。
我不斷掙扎，不斷想擺脫他們，可是他們實在太大力了。幾個人把我牢牢捉住，完全無可能反擊。

「『6是瘋』就快少一個人喇喎，有咩感想啊﹖」陳茂波摸著我地頭笑著說。





「冇啊﹗少你老味啊。」我低著頭說。

「咩話，大聲啲啦，聽唔到啊。」陳茂波得寸進尺，究竟這個人是怎樣當上財政司司長的這個位置﹖

「我話 少 你 老 味 啊 ﹗」我大叫著。

「鋥﹗」陳茂波的肚子突然伸出了一把刀刃，同時身邊的幾個人都身中飛刀。
複製教主、複製泰博等人全部倒地，把我鬆開了。

陳茂波跪在地上，然後倒下。原來是家姐﹗

「唔好太過份，冥頑不靈嘅仆街。」家姐冷淡的說。

陳茂波還未斷氣，臨死前對我說了一番話：「我六十幾歲喇，我前半世已經好努力咁向上爬。以前細個窮，人地用一毫子叫我帶白粉，我應承。直到我加入左聖殿騎士，我先至有今時今日嘅成就。其實你知唔知我地都幫過好多人﹖」





「但係你同時背叛左好多人先可以咁，為左咩要咁做﹖」我問。

「為左錢，我眼入面只係得錢咖咋。以前窮，唔會同你講忠心。自從我入左聖殿騎士，我知道有權力就有錢，有錢就有權力。」

「呢個就係刺客同你地嘅分別。」家姐說。

「啊，對你黎講，我有一個好消息二個壞消息，你想聽邊個先﹖」陳茂波突然問。

「你都就死啦，仲玩咩啲咩花樣﹖好消息先啦。」我問。

「好消息係，你家姐……自由喇。」

「壞消息呢﹖」家姐問。

「我一次過講啦……呢度，得一個複製人，哈哈哈哈哈。」陳茂波就想奸笑聲中死去了。

「得一個複製人﹖﹗是係咩意思﹖」我搖著陳茂波問。

這時家姐嚇得跌在地上：「得一個複製人，會唔會……係得陳茂波一個係複製人……」

「唔係呱﹖﹗吓﹗﹗﹗」我也驚訝得叫起來，可是真的無法證實得到。

「宜家唔理得咁多喇，我地去拆左個炸彈先啦。」我說。

「細佬豬，我頭先喺佢間房搵到隻唱碟……我之前搵左好耐咖喇，我覺得你需要返上去睇睇。」家姐說。

「咁宜家……」

「宜家我去拆炸彈，你去睇啦。」家姐說完就走了。

我回到陳茂波的房間，看見一部古老的留聲機，大概是20世紀初的產物。
旁邊有個古董陀錶，看來是要把它拼在留聲機的旁邊才能開啟。
播放著留聲機，可是沒有聲音，仔細一看，竟然有個現代的耳機插口，我隨手在桌子上找來耳機開始聽……聽著聽著就睡著了……

「喂，客官你食完未咖﹖」面前的小二正不耐煩的問著。