[刺客教條][長篇故] 果晚玩完刺客教條，家姐同我講……: 第49章：兄弟

第49章：

回到刺客兄弟會基地，就立刻看到明聰先生的兒子。

「叔返，點解你唔係同我爸爸一齊返黎嘅﹖」

我實在無法向他如實的說，只好忍著激動的心情說：「你爸爸佢有秘密任務要做啊。唔使驚，佢唔係唔要你，只係做緊秘密任務，佢唔可以同任何人講，除左我地，所以你要守呢個秘密啊。」

我於是盡快收拾好行裝，立刻逃到香港會合我的妻子。
可是我不可以把明聰先生的兒子就這樣不理會他……





「叔叔，點解你執曬啲野嘅﹖你係咪要走喇﹖」

「係啊，仲仔係咪﹖個秘密任務我地都有份咖，你爸爸要我地去一個叫香港嘅地方。」

「香港﹖係咪好遠咖﹖」

「係啊，要搭好耐火車咖。遲啲等秘密任務完左，你爸爸就會去香港搵你咖喇。」我只好以謊言來跟他說。

我們沒有逗留太長時間，便開始走到火車站。





來到車水馬龍的火車站，我和仲仔在一張長櫈上等候火車來到。
可是，這時候，陳調元他和幾個士兵到來，還手拿著一張通輯通告。

「有冇人見過一個帶住兜帽嘅可疑男子﹖搵到重重有賞。」

可是我棋高一著，明明是要逃走，怎會穿著制服，所以我身穿的是便服。

「嗱，仲仔啊，宜家我地同班兵叔叔玩捉迷藏，如果我比人捉到，你就即刻跑上火車喇啵。呢度有啲錢，夠你買野食同車飛果啲咖喇。」





這個孩子是無辜的，我不可以把他牽連在內。
他點一點頭表示明白。

「林行羽﹗仲唔比我搵到你﹖」陳調元拍一拍我的膊頭，仲仔就如箭一般，急步逃離人群之中。

「陳調元，你係幾時加入聖殿騎士咖﹖」

「你知唔知其實刺客口講話自由，但係就比教條或者比刺客大師規範住，你唔覺得咁樣係好矛盾咖咩﹖」

「你究竟知唔知自己講緊咩﹖」

「我就係知自己講咩先加入聖殿騎士，你估兄弟會又好好咩﹖一樣做咁多衰野咖咋﹗」

「有邊啲啊﹖你講得出咩﹗」





「你知唔知點解上海總部會喺我屋企下面﹖因為我比佢地要脅咖﹗我有次任務，我去打仗，上頭話果度有班聖殿騎士哩埋，叫我順便炸左佢。後尾講返先知，果啲係平民黎咖。
但係上頭唔單只冇原諒我，返而仲比佢地話我殺害無辜。話如果唔想死就拎我間屋黎用。」

竟然背後有一件這樣的事。

「點解我未聽過件咁嘅事﹖但係你背叛你最好嘅兄弟，咁樣點都講唔過去呱。」

「兄弟﹖佢地話係你篤灰咖﹗係你﹗係你整死我老婆咖﹗」

陳調元二話不說伸出袖劍，向我衝過。這時，身邊的途人立即走避。

「咩啊﹖我冇啊﹗」我也伸出袖劍抵擋。

「唔使解釋喇﹗」





「調元，收手啦……聖殿騎士班人為左伊甸碎片先叫你過擋咖咋﹗」

「仲講大話﹗」他竟然一刀就劃破我的臉。

「叔叔﹗」這時，仲仔在火車上看到我和調元打架的情況。

「去死啦﹗」就在這時候，他一劍插向我的腹部，我的命運跟明聰兄一樣。

我用我最後一道力，揮拳向陳調元，嚇得發呆的他正中了我一拳，倒地暈倒了。

「叔叔﹗」

「仲仔乖。我比人捉到喇，輸左要罰，你自己去香港呢……要搵相入面呢個姨姨，仲有個同你差唔多大嘅小朋友會同你玩咖。」我把相片，像是明聰兄遞給我一樣遞給仲仔。

火車開出了，我沒有力氣追趕著，只有躺在地上，看著仲仔由右至左的消失。




暈倒了的調元也被士兵抬走……

我仰望天空，想著，幸好一早跟兄弟會的人提起過我的遺言。於是就……

「林夫人，林夫人你有電報啊﹗」香港兄弟會的人叫著林行羽的妻子。

「英華，梗係你爸爸喇。」她跟她手抱著的英華說，就立刻走過去接收電報。

「林夫人，我地北京兄弟會好不幸同你講一個消息，你先生喺北京遇刺身亡。佢有一段話想同你講。

  老婆，當你聽到呢度野嘅時候，我應該係已經死左喇。因為我未死嘅話，會叫人出另一個電報。
係啊，我落唔到黎香港，對唔住。請你都唔好傷心，因為仲有我地個仔英華。記唔記得我地之前講過，我地個仔叫英華，個孫要叫天翔，個曾孫要叫隼升。

係啊，講起又講，有個小朋友叫仲仔，佢係我喺北京唯一認識嘅人嘅仔。我希望你可以照顧佢。佢好聰明好乖咖，我諗佢應該可以幫到你減輕負擔。





仲有，我係被調元佢殺咖，原來佢係聖殿騎士。不過唔好幫我報仇，冇意思咖。

好喇……差唔多喇。最後，我愛你啊老婆—」

《完全同步》

離開了我祖先的記憶，回到陳茂波的辦公室。雖然時間過了好幾個月，現實裡只花了幾十分鐘。

「原來我祖先有一個咁樣嘅故事，不過宜家同都好，睇下家姐佢搞掂未先。」我沒有把留聲機的任何部份帶走，因為現在炸彈的事比這些更重要。

於是我就立刻前往議事廳，尋找家姐和「6是瘋」大家的蹤影。