[刺客教條][長篇故] 果晚玩完刺客教條，家姐同我講……: 第50章：歸隊

第50章：

離開了我祖先的記憶，回到陳茂波的辦公室。雖然時間過了好幾個月，現實裡只花了幾十分鐘。
我就立刻前往議事廳，尋找家姐和「6是瘋」大家的蹤影。

​「隼隼﹗」一進到議事廳，首先看到的是聰明豆。

「豆豆，你地冇事就好。係呢，我家姐搵唔搵到個炸彈﹖」我問。

「你家姐﹖哦，我見到佢啊，一見到仲以為要同佢打過……點知佢一入到黎就捉住我地講，『呢度有炸彈啊﹗』跟住大家一齊開始搵。終於喺個垃圾桶入面搵到。」阿純說。





「咁佢人喺邊啊？」我急迫的問。

「細佬豬！」家姐用出現來回答我，他在議事廳外面走來。

「家姐太好喇，你終於都冇事。」一見到家姐，我立刻跑過去抱著她，在場的各位都露出安慰的笑容。

當我在自己太爺的記憶中游走期間，小丑國的人和本土派部隊已經順利佔領議事廳。雖然到目前為止，我們只有佔領這個地方，作用其實不太大；不過我們以前地開始作為中心基地。不斷的慢慢向外延伸。
水和食物不斷被運到這裡，大家都就地而坐，有的就在議員的座位組成臨時的情報組，有的東奔西走，照顧在途中受傷的伙伴。
整個場景就好像台灣的太陽花學運佔領立法院行動一樣，唯一不同的是我們有小丑國一班持槍的士兵，所以我們很快就把整座大樓佔領了。




雖然門外仍然有零聲的槍戰聲傳出，不過看來是我們佔盡優勢，把警方擋在防線外。

艦長這時候去了情報組，繼續進行情報的工作。我們隨便在了一個地方坐下休息。

「細佬，你知唔知呢，陳調元咪送左一個女人同個細路上火車嘅，你知唔知佢其實係邊個﹖」家姐問起在記憶中的事情。

「陳繼光啊好似叫，但係佢冇交代到佢地同陳調元有咩關係。」我說。

家姐向我遞了她的手機說：「陳繼光，就係陳茂波個爸爸。」





「咩話﹖即係陳茂波佢本身係刺客後代黎﹖雖然佢係刺客後代姐，咁代表啲咩﹖」我問。

「會唔會係即係話佢可能掌握到我地刺客嘅資料甚至可能係刺客嘅臥底﹖」聰明豆問。

「無錯，聰明豆真係知我諗乜。」家姐稱讚著。

「細佬豬，講樣野你知，李明聰就係聰明豆個太爺……即係我地係世交黎，有冇覺得好興奮。」家姐細聲跟我說。

「我都估到咖喇，姓李又叫明聰……聰明啲friend。」我回應。

「咁有冇得諗﹖」她奸笑的問。

我牽著聰明豆的手向家姐說：「你話呢﹖」

「隼隼你地講咩啊﹖」聰明豆問。





「冇野啊冇野啊。佢問點解你咁鍾意我咋嘛。」我說。

「車，唔好搞啦。」聰明豆甩開了我的手說。

「咁阿隼同阿隼家姐有冇做過啲咩﹖」女神問。

「我本身想去搵陳茂波去救家姐嘅，點知教主同泰博堆人衝出黎捉住我。」我說。

「即係佢地未死﹖係咪好似菲姐咁樣比人控制住﹖咁最後點啊﹖」阿純問。

「我一刀桶死左陳茂波，再用飛刀殺埋捉住左細佬嘅教主同泰博。陳茂波話佢地宜家研發左TEST PROJECT 2，即係複製人技術，將佢地變成戰鬥機器。」家姐說。

「即係話菲姐殺嘅可能全部都係複製人，有可能全部都係真人，有可能……得陳茂波一個複製人。」阿健說。





「咁菲姐你會唔會係複製人黎咖﹖」阿純。

「喂，黃以純，點解你由中學到宜家咁耐都係咁戇鳩嘅﹖我如果係複製人第一個殺左你先啊。」家姐說。

大家就在這個時刻談天起來，為家姐的歸來作了一個小慶祝。