[刺客教條][長篇故] 果晚玩完刺客教條，家姐同我講……: 第58章：08小隊

第58章：

「阿隼，阿純去左邊﹖佢同你講過啲咩﹖」回到議事廳，艦長問我。

我無可能如實告訴他，所以我說：「呃……佢……去左聖殿騎士果邊……」

這時候，大家都覺得非常驚訝，竟然在這時候走出了一個叛徙。「6是瘋」已經不是以前的「6是瘋」了。

「竟然佢係二五仔……」阿健握著拳頭說。





「阿隼，咁佢走之前有冇講啲咩﹖」艦長問。

「冇啊，我見到嘅時候佢都已經差唔多走。」我說。

說完後，有幾名在天台戒備的小丑國士兵像是察覺到我的謊話，不過以多一事不如少一事的回避了我的眼神。

「咁好啦，呢個反骨仔我地遲啲先同佢算帳。請問技術組搞成點﹖」

「宜家仲有一批人，我諗都七七八八咖喇……」





「細路豬，你冇咩野啊嘛﹖」家姐抱著物資微笑的問。

「冇，我個樣似有野咩﹖」

「你呃到人，呃唔到家姐啵，講啦講啦。」

竟然應該跟她和盤托出的說出整件事情嗎﹖她是我唯一的親人，可是她曾經被聖殿騎士控制過……始終都有可能是其中一個臥底。

「家姐，你覺唔覺得宜家好似有啲唔對路﹖」我細聲在她耳邊說。





家姐表現得有點意外，把我拉到一邊說：「究竟喺我唔喺度嘅呢段時間發生過咩事﹖」

這句話，意味著她已經察覺到刺客兄弟會暗地裡發生了一些事情。因為相信，所以我亦放心把最近的事情告訴她。

……

「我都覺得有啲奇怪咖喇，點解我一返到黎，好似突然間唔同曬咁……細佬豬唔使驚，點都有家姐喺度。」家姐摸著我的頭說。

「哎啊，家姐隻手咁污糟就唔好搞我啦。」我說。

「哈哈哈，細佬豬你仲係咁得意嘅。」

「喂，阿隼，菲姐，艦長叫我地喇。」阿健揮手向我們叫道。

艦長已經站在主席台上，我們也站在他旁邊。他開始說：「各位，我地已經全部登記曬大家嘅名喇，技術組人員亦都幫大家分好曬組。宜家由我身邊嘅阿隼黎讀宜家小隊嘅名單。」





艦長把那份名單遞給我微笑說：「跟住讀得咖喇。」

我接過名單後，按著上面的資料照著讀。

「我地宜家登記左嘅人數有10906人，我地將會分成小隊，一邊會負責奪回據點同埋攻打軍營，一邊會維持呢度嘅運作，一邊會攻打隔離嘅軍營，由於呢度同埋隔離行動嘅只係得分別各一隊，所以以下係特別小隊名單：維持政府總部隊大將軍林友德、中將石健琛……」花了十多分鐘，終於把這些特別小隊的名單說完。

阿健示意接力，所以我把名單遞給他：「跟住宜家係搶據點同埋攻打軍營嘅小隊：第01小隊負責黃大仙警署嘅隊長李小豆上校、林蔚潘上尉……第08小隊負責黃大仙區據點嘅隊長林隼升上校、莊俊瑞上尉……

阿健一邊讀我一邊心想：佢宜家咁嘅意思，係咪想打散我地……所以我諗宜家最大可能係臥底嘅就一定係艦長……第二係阿健，因為佢地編埋同一區。但係聰明豆都編我同一區喎……

「以下就係小隊嘅名單，有冇問題﹖冇嘅祝大家武運昌隆。」阿健敬著禮，把整個名單說完，也把正在苦惱著的我叫醒了。

「好﹗」