[刺客教條][長篇故] 果晚玩完刺客教條，家姐同我講……: 第61章：一鼓作氣

第61章：

 轉眼間，旅遊車已經到達了目的地，黃大仙廟旁邊的一個停車場。
由於臨近農歷新年，黃大仙廟附近已經充滿了一批批的人，不過無論如何，我們都需要低調的經過停車場，到達平台的施工地盤。
一架架的旅遊車一字排開的並排著，我們兩架車的伙伴一下車，迅速走到旅遊車的背面，以龐大的車廂作掩護。

這時候，在停車場和地盤之間有一個開放的空間，而且又站滿了人。幸好我們也做好了準備......

我們一行百人從從容容的經過那個空間，人群中有人叫著，





「咩事啊？咁大陣象嘅？」

「為什麼有軍隊在這裡？是解放軍嗎？」

不論是本地人，還是其他國家的人都在議論紛紛。

這時候，我戴上面具，慢慢走到人群面前說：「大家唔使驚，我地拍緊戲姐，請大家當冇事行過就得喇。」

「他說什麼？」其他國家的人問。





「佢話拍戲啊，借過啦你地。」頓時兩班人發生了小衝突。

我們沒有理會，亦沒有協助調停，繼續往地盤方向走。

「你地喺度...做咩啊？唔可以入黎咖喎。」地盤工人問。

水姐用手槍指著工人微笑說：「你講咩話？」

「冇...我話隨便啦，歡迎歡迎。」工作態度180轉變，伸出雙手的說。





我們續一從地盤的唯一出口進入，所以人進入後，工人便拔足狂奔。

「超」

工人應聲倒下，原來是龍巴立用滅聲手槍把他殺死了。

「喂，你做咩殺左佢啊？佢無辜咖！」我堅持自己不濫殺無辜的原則問。

他沒有解釋，查理說：「隊長，宜家打緊仗啊，你唔殺佢佢call支援我地就仆街咖喇。」

我望著大家，大家都不禁點了頭。

為了化解這個尷尬時刻，水姐開口說：「哎，唔緊要啦......唔殺都殺左啦，下次綁住佢咪算。快手啲啦，仲要搶據點咖。」

大家才分頭行事，收拾地方、設置儀器、駐守戒備等等。由一個平台裡的地盤瞬間成為臨時據點。





「唔該曬，水姐。」

「傻嘅，小意思姐，我諗上校你都係第一次做隊長呢個位。」

「係啊，以前我地兄......都係聽人指揮多啲。」

「唔緊要啦，我都係第一次做副官姐。大家一齊加油慢慢學囉。」水姐拍著我的膊頭說。

「隊長，我地黎點做啊？」以往我的台詞竟然再次出現，不過這次我是負責決策的人。

「我地宜家喺呢個平台，眼前有個表演台，咁啱可以擋住對面嘅視線。根據情報，天橋、新光中心入面都有警察或者解放軍守住，我地全部人喺天橋對出掩護同埋開槍，狙擊組喺有利位置狙擊。等天橋上面啲人搞掂曬先，我地再一次過全部人衝入新光中心，直上據點。出發！」

說罷，我示意開始行動，大家都已經穿好裝備，一氣呵成的走到小巴站附近掩護著。





不過天橋上密密麻麻的敵軍早已得悉位置，不斷向我們周圍開槍。
我舉起左手，向背後的狙擊手示威還擊。
現場除了人群的尖叫聲，就只有相方你來我往的槍聲。狙擊組不斷開槍，每當有一下槍聲，就有一個敵人倒下，於是我們好不容易就把天橋上的人解決掉。

「搞掂喇！行喇！」其中一個同伙說。

我以鷹眼一看，藍色的畫面......平台有幾個紅色的人影探頭而出。

「小心啊！」

可是我還未把他叫住，他和幾個同伙就一起離開掩護走了出去。
他們一起離開掩護，一起倒地。一瞬間，他們幾個就被敵方的狙擊手殺掉了，屍體就倒在我們身旁。

「嘩...死人喇！」在另一邊掩護著的同伴嚇得六神無主，氣急敗壞連裝備都不顧的逃走。





不過大家都猜到，他逃走的時候，就是被狙擊的時候。頓時士氣大挫，大家都不敢行動，有的還嚇得不斷喘著氣。

我再次示意狙擊手，我繼續保持鷹眼視覺，指揮著狙擊手。

「花槽隔離！」

「垃圾桶左邊！」

「右邊角落！」

三兩下槍聲後，眼前的就只有一遍藍色，表示狙擊手或者任何外面啲敵軍都已經被我們處理掉了。

「隊長，乜你咁勁嘅？！唔伸個頭出去都知人地喺邊。」查理問。

「因為呢啲就係90度。直角（覺）啊。」我答。





「隊長你個GAG好靚啊，哈哈。」

「各位振作啲！出面已經安全喇。」我站在外面說。「我知道大家好多都係第一次揸槍行動，唔使驚，我地唔可以再比任何人死咖喇。為左唔好等佢地死得不明不白，我地以勝利黎報答佢地，記得我地為左咩而戰，所以各位……唔好死啊。」

「係﹗」大家大叫一聲，士氣由低落變得激昂。

大家一湧而上，雖然不時都有敵軍從前面各方面的掩護反擊，我們一鼓作氣，把他打得落花流水。一下子就攻入了新光中心，現正乘搭電梯前往位於三樓的據點。