[刺客教條][長篇故] 果晚玩完刺客教條，家姐同我講……: 第62章：爆炸爆詐

第62章：
 
「隊長，頭先咁樣就似返個隊長喇。」水姐拍一拍我的說。
 
「其實都真係會唔知點做，始終由細到大都冇咩領導能力，突然間要做隊長，我會加油咖喇。多謝你。」我道謝。
 
「哎，講到成個女人咁咖，使乜講咁多喎，明咖喇。」有著男生名字的水姐果然如同男生一般爽朗，如果不是她正常女孩子的樣貌，我真的會以為她是男生。
 
電梯緩緩的向上升，閃動著的光管在天花板吊曳著，血跡隨處可見，似乎這裡曾經發生過一場戰爭。
在二樓的一層，在兩邊的是一間銀行，盡頭是另一間酒樓，我們在這裡稍作小休。




 
龍巴立的狙擊組已經跟上我們的步伐，我跟他說：「龍巴立中士，你宜家帶住狙擊組，上去敵方嘅平台戒備住，隨時睇下有冇增援。」
 
「係。」
 
「查理，你帶20人睇下銀行同酒樓有冇咩人受左傷或者有冇敵人哩埋左，我地上上面酒樓個據點。」
 
「係嘅隊長。」
 
經過洋服店，面前就是另一條電梯通往頂層酒樓的，酒樓當然已經沒有營業了，而且前面有一道灰黑的鐵閘擋住，中間的位置有個大約一門位的，貌似是一個入口。




雖然我們人多，但始終現在是深入虎穴，上面也感覺不到一點動靜，大家都擔心有詐，所以都不敢輕舉妄動。
 
「Fire in the hole！」突然大叫一聲，一個手榴彈從入口拋了出來。
 
「趴低啊各位﹗」在手榴彈炸開前的3－4秒，我示意大家伏下，從而將傷亡減至最低。
 
在我說這句話的同時，一個身影在我身邊掠過。
原來是水姐，電光火石之際，她一手拾起手榴彈，大叫：「手球隊都夠膽蝦，死啦﹗」同步使勁的往入口一擲。
 
整個過程耗了一至兩秒，所以當手榴彈和入口成水平一直線時，手榴彈就已經被炸開了。




 
「屌﹗」炸開的一刻，聽到了入口內敵軍的慘叫聲。幸好水姐在投擲手榴彈時處於安全位置，大家都已經在梯間伏下，雖然有些人都被輕微擦傷，但是至少都沒有傷亡。
 
事不宜遲，我們立刻進入突擊，進入了漆黑的酒樓大堂。在鐵閘後面慘叫的兩名敵軍，看來已經死掉了。這時候，在酒樓深處不斷有槍聲發出，我們當然還擊。
我用鷹眼一看，從一個通道中不斷的有敵軍走出來，看來那個就是支部的入口。
 
在相方駁火的時候，我帶著幾個同伴，一起從一個水吧的位置繞到後面的員工通道，果然一個個的敵軍從這裡的暗門走出來。
我示意他們去包圍他們，然後我自己一個走到暗門面前。
 
這次的暗門與其他的不同，不見什麼隱藏字眼，或者什麼機關。在摸索其間，暗門突然打開，迎面而來的就是陳茂波。
 
「陳茂波，果然上次果個係複製人﹗」我說。
 
這時候，酒樓的燈全部亮起來了。原來敵軍只是一堆堆空殼，應該就是聖殿騎士所說的TEST PROJECT 2。這時候，一批批的增援不是從下層或者外面走出來。而是從酒樓的各個方向湧出來，我們反被包圍了。
陳茂波示意大家，全部人向我們舉著槍，雖然有人想反抗，但是火力懸殊下，我們只好放下武器。




 
「人做刺客，你做刺客，做到你咁蠢嘅，你唔係唔知啊﹖」他笑著細聲說。
 
「陳茂波﹗你究竟想點啊﹖」我叫著。
 
「冇咩想點，想你地冚家產然後恢復返我地有秩序有目的嘅世界。你知唔知出面啲人報紙點寫你地班人。」陳茂波指著我們問。「佢地話你地係搞事，造反者，反叛者啊。你地冇人支持你地咖，大把人叫我地快啲消滅你地。冇辦法啦，這就是香港。」
 
「係大部份人都唔明白我地姐，你估我地成功左，佢地會唔好咩﹖」水姐在後面問。
 
「咦，新女喎。成功﹖你覺得你地會成功咩﹖上面已經諗緊好唔好一個導彈打埋黎算數，到時你er都冇得er啊。」陳茂波說。
 
「你地係咪痴撚線咖﹖要殺死咁多人……佢地係無辜咖。」我說。
 
「我地聖殿騎士不嬲都不問手段，就算呢啲手段令人幾厭惡都好，我地希望建造一個完美嘅世界。」
 




「我唔會比你地咁做咖﹗」在下層的查理趕了上來，大家準備拼死一戰。
 
陳茂波沒有阻止，甚至看著手錶說：「我就唔建議你地開打喇，因為過多10秒，黃大仙警署就會爆炸，聽講……你條女喺果度交戰緊喎。你地宜家即刻投降嘅話，我仲可以諗下炸唔炸。」
 
「唔好理佢﹗快啲拎起槍啦。」我說。
 
「唔係喎，隊長，佢講到似層層咁。」查理說。
 
「係囉，可能會好多傷亡咖。」水姐說。
 
「但係冇理由咁就投降咖。」有人說。
 
「5，4，3，2，1……」
 
「轟﹗」果然警署的方向傳來一聲巨響。




 
「I told you。係你地隊長唔信咋。比我宜家就去救人喇，最多我放你地走啦。」陳茂波攤開雙手說。
 
我們只好拾回武器，氣急敗壞的離開。
 
「豆豆，你聽唔聽到啊﹖豆豆﹖」耳機的另一邊卻沒有回應。