[刺客教條][長篇故] 果晚玩完刺客教條，家姐同我講……: 第83章：劫後豪情

 第83章：
 
「隊長，你仲支唔支持得住﹖撐唔撐到返總部先﹖」醫療組的成員問。
 
「我諗我仲得嘅，你係咁意幫我睇下背脊啲傷啦唔該。」我說。
 
醫療組成員替我作好了基本的治理後，大家都開始起行，正在回到旅遊巴的位置。
 
「隊長隊長﹗你行唔行到啊﹖我黎扶你啊。」雖然露比自己都擦傷了，但她也十分熱情的說。
 




「我得啊，你自己都受左傷，唔好整到自己嘛。」有點受寵若驚的我表示。
 
「唔得﹗你救左我，我會永遠報答你咖﹗」露比一邊抱著我一邊說。
 
……
 
「睇黎細佬豬同露比發展得幾好喎。」家姐對扶著查理的水姐說。
 
「係咩﹖咪又係啲發曬姣嘅𡃁妹。」水姐不屑的說。
 




「咦，水姐你妒忌啊﹖」查理在旁邊說。
 
水姐立刻反駁：「咩妒忌啊，咁咁咁……我男仔頭嘛。再嘈唔扶你啊喇。」
 
「水姐你加油啊，你又唔係冇機會咖。」家姐微笑說。
 
「都話唔係咯。」水姐不斷說。
 
場景就好像學生時期被同學傳緋聞一樣，不管是真或者假，大家都喜歡盡情「抽水」。
在這開始了的亂世中，難得還找到一些仍然讓人快樂的時刻。




 
在旁邊一直看著他們的我心想著：難得嘅開心時刻，我唔可以令呢個機會出現得越黎越少，我要終結呢一切。
 
雖然說得容易，可是好似仍然還是有很長的路要走。
 
……
 
「隊長，已經搞掂喇。你呢幾日都唔好行動住喇，如果唔係就又會受傷咖喇。」我們回到總部後，醫療組成員已經在醫療室把我治理好了。
 
「唔該曬你啊，呢幾日當休息下啦。哈哈哈。」我笑說。
 
「咁你喺度抖下先啦，我仲要幫其他人。」醫療組成員說完就立刻去到其他受傷的成員去了。
 
「細佬豬，今次你好叻啊。抵錫﹗」在我旁邊的家姐在醫療組成員離開後就抱著我說。
 




「家姐……痛，痛啊。」
 
「啊，sor啊，一時唔記得左你受左傷。無事啊嘛﹖」家姐擔心的說。
 
「家姐你好得意啊，哈哈哈。」家姐聽見我的話微笑的摸著我的頭。
 
「哼，笑家姐，唔理你喇。你搵你嘅露比啦。」家姐撓著手說。
 
「咩我嘅露比啊，人地熱情啲咋嘛。」我說。
 
「盲嘅都睇到佢鍾意你啦，嘿，你諗諗佢啦。定係你仲未睇得開﹖」家姐說。
 
這時候我想起聰明豆的說話：「如果你搵到更好嘅女仔，我唔會介意咖你同佢一齊咖。」
 
「咦，你都心郁郁呢。啊，你抖下啦，唔嘈你住喇。」家姐奸笑說。




 
當我回過神來，家姐已經在其他地方幫忙了。
遠處只見到露比不斷向我招手，的確是一個挺可愛的女生。
 
「豆豆，同露比一齊得唔得啊﹖」