第84章:
 
「隊長隊長﹗你點啊你點啊﹖」露比走過來問。
 
「我……我冇事啊。你呢。」我問。
 
「我冇事,隊長冇事我就冇事,我擦傷下咋嘛。」看來露比感受到我的關心,顯得十分開心。
 
「隊長,快啲過黎睇新聞啦。」一直在總部的和人叫著。
 




看來電視新聞已經開始報導立法會大樓的事情了。
 
「露比,可唔可以扶我去電視果度﹖」雖然背上的傷不重,可是在與艦長決鬥前摔了一跤,走起路來一拐一拐的。
 
「知道。」露比二話不說,立刻把我扶到電視面前。
 
「……立法會大樓同埋政府總部今日中午發生猛烈爆炸,導致兩橦建築物被炸毀。有市民拍到爆炸一刻嘅畫面;『嘩﹗嘩﹗嘩﹗爆炸啊﹗入面有人啊……』。爆炸發生嘅時候,有唔少市民仍然被困,事件中有六十人死亡,過百人受傷,死者包括一度佔領立法會大樓嘅刺客兄分會首腦林友德……」
 
「刺客兄弟會﹖點解佢地會知兄弟會存在﹖」家姐問。
 




「家姐果陣仲被人控制緊可能唔知,果陣聖殿騎士唔知發神經定點,直接公開左我地。不過電視台資訊可能有啲唔update。」我解釋。
 
「……睇睇現場情況……『欸……欸……我地黎到嘅時候,兩座嘅建築物已經完全被炸毀咖喇。而之前曾經同解放軍駁火嘅非法組織,刺客兄弟會,其首腦林友德喺今次嘅事件入面死亡。』……」電視台正在直播警方跟記者的對答。
 
「咪住先,呢個係差佬講咖喎,實update啦,佢地同艦長唔係都係聖殿騎士咖咩﹖點解佢仲係話佢仲係刺客兄弟會?細佬豬你係咪話你真係殺左佢咖?」家姐問。
 
「真係殺左咖,我救左露比佢地之後,我追住艦長,之後跌左落個空間度,之後我……我見住我插把刀入去,睇住佢斷氣。」我說。
 
「咁點解你都出到黎嘅﹖」查理問。
 




「當時係咁嘅,我殺左艦長之後,咁梗係不斷咁叫救命啦。大家記唔記得之前我兄弟阿純咪話去左聖殿果邊嘅,我諗佢嘅身份係聖殿佬嘅臥底。因為係佢救我出黎嘅,然後就即刻走左喇。」大家都露出一個恍然大悟的樣子。
 
「我明係咩事喇,我覺得艦長係聖殿佬嘅棄將,然後同佢割蓆,變返做兄弟會嘅人。等我地行動更加難,甚至憎恨我地。」家姐分析。
 
「聖殿佬好狗啊﹗」布朗說。
 
「我地唔好咁快行動住,一黎等風聲冇咁緊先,二黎大家都受傷未好返,比大家休息下先。」我說。
 
「係咪咖﹖定係隊長你唔想行動住係因為……嘿嘿。」查理奸笑說。
 
「露比使唔使扶咁實啊,係咪想同隊長去拍拖呢﹖」家姐微笑說。
 
「我……我……我,係鍾意隊長﹗」露比忍不住說了出來。「不過就算菲姐比,隊長都唔比啦。」
 
「我有話咩﹖」這句話我不由自主的說了出來,看來聰明豆都承認了露比。




 
「下﹖﹗隊長你講真咖﹖」露比驚訝的哭了出來。
 
「啊,做咩啊,唔好喊啦,乖啦乖啦。」我摸著她的頭說。
 
大家都一起笑了。