[刺客教條][長篇故] 果晚玩完刺客教條，家姐同我講……: 第90章：終端機

第90章：
 
「結界﹖﹗咩結界啊﹖﹗」露比大驚。
 
「結界係一定法力效力嘅範圍，通常都有保護性嘅，亦通常具有可見嘅邊界和範圍。」和人十分詳細的解釋。
 
「我地唔係問結界個Defination啊﹗咁呢個聖殿佬嘅結界係咩嘅一回事先得咖。」查理說。
 
和人對他自己的自作聰明顯得十分傷心，我拍一拍他膊頭說：「唔好怪和人啦，呢度應該係得我知道發生咩事。」
 




大家都專心聆聽著我說話：「話說有日我地以前兄弟會幾個做緊行山訓練，點知唔小心入左個結界，仲撞到之前失蹤左嘅丁利華，後尾先知，原來呢個咁嘅野係用黎困在我地呢班刺客而製造出黎。」我將那天跟聰明豆在山上遇到的事一五一十的告訴他們。
 
「哦……原來係咁。」他們三個異口同聲的說。
 
啊﹗突然忘記了我們的任務，竟然還柔柔然然在這裡說故事：「係喇無錯，只要我地搵到結界終端機，入埋密碼，就可以出返去咖喇﹗」
 
「好啦﹗咁我地分頭去搵啦﹗」說罷，大家就開始分頭行事了。
 
雖然我們身處火車車廠外面看起來，空間有限；但是在結界的世界中，這個就是無限盡頭的世界。
就好像奇異博士中的扭曲時空一樣，每一個轉角遇到的不是愛，而是另一個一模一樣的空間。




 
堅持要跟著我走露比和我仔細的搜尋每一個角落，路軌、機房，就連車廂內都沒有放過。
即使是打開了鷹眼的我，都找不到任何提示的道路。
 
「隼隼，前面轉左嘅下面啊﹗」突然聰明豆的聲音在我們的耳邊傳出來。
 
「豆豆﹖乜你出到黎喇﹖」
 
「係啊，果邊終於申請成功左。唔好講住喇，快啲搵到部機先啦。」聰明豆說。
果然，就在前方轉左的正下面有一個裝嵌在地上的終端機。




 
「我地搵到喇﹗大家過黎啊﹗」我大叫。
 
可是現在接下來的是另一個問題……上一次好歹都有丁Sir的密碼作提示，可是今次一點提示都沒有。
 
「豆豆，你估你會唔會知密碼啊嗱﹖」我苦笑著問。
 
「如果我知……你地走左好耐啦。」聰明豆說。