[刺客教條][長篇故] 果晚玩完刺客教條，家姐同我講……: 第91章：死纏爛打

第91章：
 
「豆豆，你估你會唔會知密碼啊嗱﹖」我苦笑著問。
 
「如果我知……你地走左好耐啦。」聰明豆說。
 
大家都走到我旁邊，一起盯著那部嵌在地上，類似一個方型水渠蓋的結界終端機。
我伸手把渠蓋拉起，裡面的是一個自動櫃員機的一部機器，而屏幕顯示的就跟上一次在山上的那一部相同，都是顯示著聖殿騎士的標誌和寫著「結界終端機 請輸入密碼……」
 
「長長你知唔知密碼啊﹖」露比問我。




 
「咪話上一次見到丁利華嘅，原來佢係幫聖殿佬做測試員，點知出左意外困左喺入面。所以靠佢先知個密碼咋。」我說。
 
「咁隊長你有冇救返丁Sir﹖」查理問。
 
「就係冇啊，當時時間好緊迫，同埋佢冇裝備救唔到佢……可能到宜家仲喺結界生存緊。」我說。
 
「長長好自私啊﹗」露比嚷著說。
 
「哎啊，咁冇辦法啊嘛，救唔到佢我都好唔好開心咖。話時話做咩講呢啲野咖﹗Focus返落個密碼度啦﹗」我連忙解釋。




 
「呢啲大型機構或者政府部門好多都係果幾類密碼，試下打P@$$w0rd！」和人自信的分析。
 
「大佬啊﹗人地得0123456789，點打英文啊﹗呢類機又點會好似手機咁打三下2字就出個c咁啊﹖﹗」查理立刻指出。
 
「長長試下上次出到去個密碼，有機會係一樣都未定。」露比說。
 
相比之下，露比的意外比較有道理。
 
3……9……1




 
嘟﹗
 
「密碼不正確，還有一次機會，否則，系統會鎖上十年。」
 
「十年﹖﹗」大家都嚇了一跳。
 
「我仲有好多野想做咖﹗」和人說。
 
「我仲係A0咋。」查理說。
 
「我仲想同長長周圍去……」露比說。
 
「阿隼，密碼係777……」突然一把聲音在我們周圍傳出。
 




「係阿純﹖」我問。
 
「係啊﹗你唔好理咁多先喇，你打左密碼先啦。我hack到入黎嘅時間唔多，好快就會比人發現咖喇﹗」阿純急著說。
 
我立刻在終端機上打上「777」
 
嘟﹗
 
密碼正確﹗現在出口距離 10米，剩餘30秒。
 
「太好喇﹗」
 
就在正前方，一個閃閃發光的傳送門正在打開著。
 
「阿純，你仲喺唔喺度﹖」我問。




 
「我地開左個結界喇，你其實做緊咩﹖」我繼續問。
 
「我其實入左總部想搵返個蘋果，不過聽講你地入左個結界，所以都係救左你地先。」阿純說。「你地返返總部先啦，菲姐佢地仲頂得住。我仲要調查下件事係點。」
 
說罷，我們幾人都踏出了傳送門，回到現實世界的火車車廠。這時候，乘客們走已經全部離開，只剩下我們幾人。
大家稍為整理一下自己，然後正準備離開。
 
「哼，你地都幾勁喎。咁都走到出黎，竟然知道我地個密碼﹖」突然一名男人站在我們前面，把我們擋住。
 
「馬時亨﹖﹗」正正就是香港鐵路有限公司董事局非執行主席，亦是聖殿騎士的其中一位幹部成員。
 
「個密碼咁簡單，會唔會係你地set得太廢﹖」露比諷刺的說。
 
「你班聖殿佬煩唔煩啲啊﹖﹗就好似pokemon入面啲路人訓練家咁，死都要同你對戰。」我埋怨著說。




 
「咁……鬼叫你地係刺客咩﹖」馬時亨發怒地說。
 
「查理，露比，你地返總部先……我同和人喺度好快搞掂佢咖喇。」我指揮著。
 
「長長﹗小心啲﹗」露比就跟查理奪門而出了。
 
馬時亨沒有阻止，亦沒有一槍把他們幹掉，說：「嘩、原本我以為要1打4都驚少少，點知宜家1打2咋﹖嘘，夠唔夠打咖﹖」
 
「馬時亨，我知道你就好有信心，問題喺邊你知唔知啊﹖」我準備好戰鬥的動作。
 
「唔知啊……」馬時亨一臉愕然。
 
「你就係對自己太有信心啊﹗」這時候，我伸出袖劍，一躍而進，往著馬時亨的方向前去。