[刺客教條][長篇故] 果晚玩完刺客教條，家姐同我講……: 第96章：秘密練兵

第96章：

「各位，其實趁我地仲未站穩陣腳，呢個總部已經唔安全喇。我提議再要搬多次總部嘅位置。」我向大家說。

「搬黎搬去好煩喎。」

「咁但係日日比人攻打都唔係辦法咖，何況呢度又比人發現在……」

「但係可以搬去邊啊﹖」





在場的各個成員都熱烈的討論起來，大家都各有自己的意見，大家亦有大家的道理。
一時之間大家找不到一致的共識，現在為了緩和一下氣氛，我向大家介紹相對比較陌生的阿純。

「啊係，大家可能對呢個人有啲陌生，可能只係知佢過左檔去聖殿，但係其實佢一直都係兄弟會嘅成員，仲係我同學添。」雖然我向大家介紹，但是看來大家都沒有認真在聽。

「算啦阿隼，宜家個感覺就好似以前中學入禮堂聽老師校長講野咁，佢有佢地講，我有我地自己傾咁，哈哈哈。」阿純安慰說。

「你話學校﹖」

「係啊，學校……」阿純好像明白了我的想法的點了頭。





「大家﹗我已經諗到喇，就係搬去我以前間中學。據說男更衣室同女更衣室有個道封閉左嘅門，入面係一個好大嘅地下室，一來可以搵學校做掩釋，二來就算在學校被攻打，都可以做到進可攻，退可守。」我握著拳頭說。

「得喎。」

「但係人地返緊學，我地行出行入咪會好唔方便﹖」

果然又引起一陣討論，不過這次的討論，比較樂觀。

「我家姐同阿純會返去睇下環境係點，始終大家都曾經喺果度讀。」我說。





大家都紛紛的點了頭，大家都將這個重任托負於我。

我補充：「喺我地唔喺度嘅呢度時間，和人同水姐你地可以話事。」

「係﹗」

「知道，隊長……同你地要小心啲啊。」水姐說。

說罷，我們立刻起行出發，各位成員都準備收拾行裝。幸好我們在這個總部架設的設備沒有很多，加上很多都是重用這裡原有的東西，所以要一下子收拾好，應該不會太難。

「幾位，你地係咪舊生啊﹖黎探邊位老師啊﹖」回到學校，仍然在學校工作的校工興叔在門前向我們親切的問。

「興叔啊﹖係我啊，阿隼啊。呢，以前成日都遲到，次次你講早晨我都用日文答你嘅呢。」我說。





「喔喔喔，我記得喇，係日本人同學校，哈哈哈，你都大個左好多喎，後面兩位同學講講下都好熟口面。好啦，你地應該都係搵Miss Kam咖喇，我去通知佢啦。」興叔說完就走上樓上找Miss Kam到來。

「阿純，你宜家去睇一睇先，如果鎖住左就諗下辦法開唔開到。」我向阿純說。

「好啦。」阿純說罷就走開了。

不一會，一如以往漂亮的Miss Kam從樓梯走下來，她一眼就把我們認出來了：「林同學﹖﹗」

「Miss Kam﹗」我們兩位林同學異口同聲的說。

「你地好似冇咩點黎探過我喎，咦，興叔又話有三個同學嘅，係咪阿純啊﹖」Miss Kam說。

「我地……我地忙嘛，宜家總算有黎到啦，嘻嘻。」我說。

「你又估到係阿純嘅，佢去左洗手間啊好似話肚痛。」家姐解釋。





我們走到飯堂的一張長櫈上繼續聚舊。

「好啦，係喎，你地宜家做緊咩啊﹖」老師這時候問起一個讓我們都難以啟齒的問題。

「我地……我地宜家做緊一間公司嘅管理層，我仲係CEO添。」我笑著說。

「哼，你個阿隼，成日都冇黎正經，我唔問你地喇，生活都就好喇。」老師微笑說。

在這數十分鐘，大家都談得十分快樂，而阿純調查完後也中途加入，他舉起手指公表示這個空間適合作為兄弟會的新總部。

「Miss Kam我地走先喇，下次再搵你食飯啦。」我說。

「好啦，記得一定要搵我咖啵。」Miss Kam說。「係啊，夜晚小心啲，呢排香港都好亂，又好似有打仗咁，總之樣樣小心啦。」





「Miss Kam，你點睇宜家嘅情況。」阿純突然問起。

「我點睇啊……我唔係教LS我唔知啊，不過有人話班好秘密嘅人係搞事嘅人，有人又話係令呢個地方自由嘅人。大家嘅認識都好少，所知嘅都係來自電視上面嘅新聞，不過有幾多可以信就唔知喇。」Miss Kam說。

「我相信佢地應該係令呢個地方自由嘅人黎，因為作惡嘅，眾所周知係邊個。」我說。

大家作了最後的道別後，我們三人帶著期望帶著不捨的離開。
一起回去現在的刺客兄弟會總部。