[刺客教條][長篇故] 果晚玩完刺客教條，家姐同我講……: 第98章：擴建

第98章：

在刺客兄弟會總部長期暴露於敵人底下，我們必需重新建立一個新的總部。讓兄弟會再次成為一個真正秘密的組織。
經過我們的親身調查後，我們確定在我們以前就讀的中學作為總部的選址，並打算將主要出入口設定在街市的一處。

站在面前的還是空無一物的地下室，即將成為我們建設的一個新刺客兄弟會總部。感覺十分期待，十分震憾。

「隊長，呢度就係我地未來嘅兄弟會總部喇﹖」跟著我們偷偷潛入的水姐說。

「係啊，幾好啊可﹖」我說。





「係幾好嘅……不過如果咁大壇野，又冇理由比出面啲裝修公司黎做咖喎。」水姐說。

「呢個我知，小丑國。」阿純提出。

「搵返佢地，佢地肯唔肯咖﹖」查理懷疑。

「我都唔係好肯定，之前係因為艦長件事佢先唔肯再同我地合作姐，宜家艦長又死左，阿G-Dragon同古叔都話可以支援我地嘅。可以即管試下。」我說。
 
「古叔，你幾好嘛﹖」我拿起電話，向古叔撥了個電話。




 
「哈哈哈，我地呢排好得閒，過得幾好啊。係咪有咩事啊後生仔﹖」像個家人般的古叔在電話的另一邊回答。
 
「呃呃……冇，我想問呢，你地呢有冇人識裝修啊﹖因為咁嘅，我地就黎要搬總部，所以想搵下你地幫下手。」我說。
 
「哦，我諗應該冇咩問題嘅，不過我要同阿陛下講聲先，唔使擔心嘅，多數都得咖喇。係呢，你地諗住點裝啊﹖有冇話咩風格咁﹖」
 
「冇啊，我地諗住擴建左整大啲先。」
 
「吓﹖﹗原來你地要擴建啊﹖我以為你地要搵人置傢私，整下牆整下燈咁咋。」




 
「係咪會麻煩到你地……」
 
「唔係啊，仲好，我地呢邊都係起好啲野冇幾耐，買左啲機啊，啲野返黎都用唔曬，借埋比你地囉。」
 
「咁好啦，我地等你好消息。」說罷，我就掛上電話了。
 
……某會議室……
 
「班刺客咁樣搞落去都唔係辦法，派臥底入去又唔成功，令佢地造反，一次搞掂佢地又醒過頭走曬，我地聖殿佬會仆街咖。」一名在場的男子說。
 
「我都知，冇理由要比班細路搞掂我地。我地幾個幹部又比佢地殺左……」另一名男子答。
 
「睇黎我地要做返啲野喇。」同樣在場的陳茂波托起眼鏡說。