[刺客教條][長篇故] 果晚玩完刺客教條，家姐同我講……: 第100章：重回下水道

第100章：

本來以為只是個簡單的尋物任務，豈料聖殿騎士的突襲，敵眾我寡的情況下只好落荒而逃。

「講個真相你知，呢度係得返我地三個人。」我露出一樣自信的奸笑，向地下拋了一個煙霧彈。
於是抓著水姐和查理的手向出口那條通道走去。

「竟然真係空城？！你地同我追！」秋治命令他的部隊向我們追過來。

「如果你一早行動我地咪走唔甩，怪就怪你地嘅情報收集的唔夠仔細喇﹗」查理一邊跑一邊說。





「可惡啊﹗乜你地唔知道班人已經走曬咖喇咩﹖」秋治向身邊的人問。

「鬼知咩，我都係聽你阿頭講咖咋嘛。」身邊的人說。

好不容易，我們走到緊急出口前，本來窮追猛打的聖殿騎士部隊就在與我們相距10米距離停下來。

「佢地停低左，係咪即係前面已經有聖殿佬喺度﹖」水姐說。

「你講得冇錯啊姐姐仔，原本都諗住咁多人嘅話，前後夾擊都可能打唔贏，宜家得返你地三個事情就好辦喇。」秋治叉著腰說。





「隊長，點算啊﹖」查理問。

這次正式前無去路，後有追兵。雖然說大家都有相當的戰鬥能力，可是以三敵百的話，即使戰鬥經驗比較多的我都沒有百分百信心能夠勝任。
我們沒有理會秋治等人，轉身把門推開。
面前是緊急出口長長的隧道，在隧道的盡頭已經可以看見一個個人的身影在隧道壁上晃動，同時腳步聲和人聲也越來越大，這表示前方的敵人已經漸漸迫近。

「隊長，你諗下辦法啦。」查理慌張的說。

「係囉，我地仲算係新人，唔係好熟呢度。」水姐也開始表現得有點慌張。





這時候，眼前走出一個人的身影：「隼隼，記唔記得我地第一次見果陣個下水道﹖就喺你腳底咋。」

聰明豆的靈魂在這時候走出來，我說：「係喎，唔該豆豆。不過下次唔好咁樣嚇我好嘛。」

「咁我冇得唔突然走出黎咖嘛，好啦，我下次出黎叫聲你先啦。唔好講住喇，落去先啦。」豆豆說。

「隊長你同邊個講野啊﹖」查理問。

「你唔好理啦。」我念出信條，把腳下的下水道渠蓋打開。

「快啲落去啦，我以前落過去，落度去係下水道，行一陣就可以去到地鐵站。」我說。

「但係好污糟喎......」面對生死關頭，查理仍然猶疑著。雖然這很讓人氣憤，其實這情景有點似曾相識。





「乜你成個女人咁咖，我唔想死住，陣間見。」水姐二話不說的跳進下水道通道，看來聰明豆也覺得似曾相識的，大家互相對望的笑了。

我緊隨其後，盡量讓水姐不要在下面等得太久。「查理你諗你喇，唔想死就落黎啦。」

當然，他也沒有堅持，跟著我後面一起滑進這個下水道。

「噗通」一聲，終於到達了通道的盡頭，幸好這次穿的是舊衣服，即使弄污了也不擔心。

整理好自己的水姐耐心的等候，我和查理也開始把身上污物抹走。

「隊長，跟住我地去邊啊﹖」水姐問。

雖然已經好幾年沒有踏足過這個下水道了，不過這個空間的面貌跟當時仍然一模一樣，畢竟是水底世界，踏足的恐怕只有我們幾人。

「隼隼你唔識路咖啦，咁等我帶你行啦。」聰明豆揚揚得意的帶著路。





「跟我黎呢邊啦。」我冷笑了一下，然後向他們說。

走著走著，由原來聽到水嘩啦嘩啦流動著的聲音，變得越來越靜。
不過在越來越靜的環境，不安感亦隨著環境也一起遞增起來......
因為在這時候，我們清楚聽到我們身上不斷地發出「咇，咇，咇」的聲音。