[刺客教條][長篇故] 果晚玩完刺客教條，家姐同我講……: 第101章：偷雞唔到

第101章：

「咇，咇，咇」

「你地係咪聽到我聽到嘅聲啊﹖」心知不炒的我向查理和水姐問。

大家都點了頭，查理說：「不過就算追蹤到，佢地都未必知我地喺地底啦。」

「都係嘅……」我說。





「不過如果我地上到地面，佢地又追蹤到，咁咪一樣會知。」我邊走邊說。

「都係嘅……」水姐和查理同時說。

雖然大家都知道接下來又將會有一場混戰會發出，不過路始終要走，我們只好跟著聰明豆的指引，先離開這個下水道。

在此之前，仍然有一件事是我們可以做的：「喂家姐？我地喺舊總部個下水道，我想要啲支援喺出口，我諗我地比人追蹤到。」

「真咖？！我宜家即刻叫人黎！」幸好在下水道還有信號，否則我們三人看怕凶多吉少。





我們繼續跟著聰明豆的指引一直走著，漸漸由一條髒髒的水溝變成一個轉轉折折像個迷宮似的隧道。

「前面有光啊，睇黎終於出得返去喇。」查理興奮的說。

「咪住，啲光識郁嘅……有兩個可能性，一係地鐵……」我分析。

「但係地鐵個燈唔會咁郁，即係另一個可能性……」水姐接下去。

「仆街喇。」大家都同時說了出來。





「咦，果邊有聲啊，你地去果邊睇下。」說時遲那時快，在終點恭候多時的聖殿騎士開始向我們走過來。

無路可逃的我們當然會被他們立刻發現：「搵到喇，追﹗」

聖殿騎士的手下與我們展開了追逐戰，雖然可以走的路不算多，不過整個地下水道跟「迷宮」縱橫交錯，四通八達，要一下子把我們追到也不算容易的事。
我們三人沒有理會任何方向，只拼命的向前跑。

「點解又係呢度咖﹖係咪又入左結界啊﹖﹗」整個過程就好像卡通片中的場景一樣，儘管在不同的通道中穿插，都會回到本來的地方。

「喂喂喂，查理呢﹖」走著走著，不但只是查理迷了路，連我和水姐也迷路了。

「喺呢度啊﹗」聖殿騎士沒有給我們一下休息的機會，不斷的向我們追趕過來。

「轉角機房有間冇鎖嘅房，你地入住去先啦。」聰明豆在旁說。





「轉角機房有間冇鎖嘅房，我地入住去先啦。」我跟著聰明豆照著說。

機房的空間十分狹窄，僅僅足夠我和水姐站立在內面。

「千其唔好出聲啊……」我用口型跟水姐說，水姐害羞的點點頭。

希望聰明豆不會讓我們送命，因為只要有一點動靜，我們就會被立刻發現。

「咁快唔見左人嘅……你地幾個，去前面搵，你地去果邊，你留喺度。」

「係﹗」一班聖殿騎士就在我們一門之隔的面前指揮著大家。

「咇，咇，咇」突然想起，我們身上的追蹤器還未除下。這樣面前的手下引起了懷疑。

「喂，阿頭……呢度咇咇聲喎。」他果然發現了，被把上級叫過來。





「你係咪戇鳩咖﹖機房梗係咇咇聲咖啦。」上級指著手下的頭罵著。

「唔係喎……我聽到索鼻嘅聲喎。」另一名手下在旁邊說。

這下就糟糕了，他們只要一打開門，這場遊戲就會立刻完結。

「隼隼，你宜家錫落水姐度啦。快啲﹗」突然聰明豆在我旁邊說。

聖殿騎士半信半疑：「開比你地睇囉，既然都冇鎖到。」

打開的一瞬間，我只好一下就向水姐吻下去，用最老土的橋段矇渾過關。當然水姐驚訝的抖了一下，不過為了掩人耳目，也配合扮作很投入。

「嘩，該煨囉。」聖殿騎士全都嚇呆了。





「唔好意思啊。」

「要搞野返屋企搞野啦。」

於是他們就把門關了……

「咪住先，阿頭……好地地呢度點會有人搞野啊﹖﹗」手下說。

「好似係喎﹗追﹗」當我們聽到這句話的時候，我們已經走得老遠並向後面拋了一個煙霧彈。

這時候，前面有大班人馬的腳步聲走過來。
後面的一班聖殿騎士奸笑著慢慢向前走，走在最前的上級說：「哼哼哼，想偷我雞﹖﹗宜家就算真係搞埋野都幫你唔到喇﹗」

「啊﹗」突然間，這班人倒在地上被麻醉了……是援兵。





「隊長，水姐你冇事啊嘛﹖」其中一位成員問。

「我地冇事，查理呢﹖你地見唔見佢﹖」水姐急著問。

「我梗係冇事啦，有事點帶佢地黎搵你地。」查理走出來說。

「你地班聖殿佬都有今日喇，你地幫我綁佢地返去……我諗隊長有啲野要問佢地。」查理霸氣的說。

「係囉……係囉……返去喇。唔好比佢地暴露總部嘅位置。」我當然也要威風一下，站起來叉著腰說。

「豆豆，多謝你。」我微笑著說。

「你就威啦，乘機比你錫人。」

「你叫咖咋喎。」

「哈哈哈哈哈。」