[刺客教條][長篇故] 果晚玩完刺客教條，家姐同我講……: 第104章：真面目

第104章：
 
當我們還在享受一班女孩子煮出來的飯時，不一會已經聽到在密室內發出求饒的聲音。
 
「隊長，佢地肯講喇。」一名成員正好走過來跟我說。
 
「好，我食埋過黎。」我回應。
 
一打開密室的門，只看見幾個被綁住的聖殿騎士成員不斷掙扎。
 




「講唔講啊﹖」
 
「快啲啦，唔好嘥大家時間……」
 
「咪係囉……」
 
我示意密室內的女孩子暫時安靜一下。
 
「我地肯講喇，我地肯講喇……你係刺客大師下哇，唔好再叫班女仔黎嘰呢呱啦嘈喇，好難頂。」上級說。
 




「嘩，隊長，估唔到你呢招疲勞轟炸work喎。」查理說。
 
「唔係你以為叫班女仔入去做咩。」我說。
 
焦點回到上級身上「你講啦。」
 
上級想了想就開始說了：「係人都知，我地聖殿騎士係一定要將你地趕盡殺絕咖啦，你地最近又搬左總部，咁上頭咪比order要搵你地個總部出黎。咁啱去舊總部搵線索嘅時候，就遇到你地。咁所以我地就跟住追蹤器嘅位置去搵你地。」
 
「好，好，就當你宜家講緊開場白……講啲我地唔知嘅野得唔得啊﹖」阿純說。
 




「好，好……你地想聽啲我地未聽過嘅野係咪啊。我就講過你知啦……」上級吞了一下口水，再繼續說：「其實我地研發左一批新嘅武器，就係TEST PROJECT 3，呢批武器同TP1，2係唔同……可以話係整合左兩個版本，取消左TP1嘅抗性，TP2嘅低靈巧度。」
 
「得得得，可唔可以講得簡單少少﹖」查理顯得有點不耐煩的說。
 
「簡單少少﹖可以……即係話，宜家最新嘅TEST PROJECT唔單只係一個真正有血有肉嘅，仲必定服從……」被綁著的幾個聖殿騎士手下開始不斷的慢慢掙扎。
 
「……甚至……已經可以變形﹗」由本來就是個普通大叔的聖殿騎士上級，突然面形扭曲，變成令一個人，原來正是在舊總部追緊我們的肥子秋治。
 
「竟然係你地﹖﹗」我大驚。並示意叫查理身旁的女孩子離開密室，並與阿純在密室內保持戒備。
 
「啊﹗﹗﹗﹗﹗」他們幾人不斷掙扎，力氣變得異常強大。
 
「點解呢班人突然間基因突變﹖﹗」阿純問。
 
「估唔到聖殿佬已經整左啲咁嘅野出黎，可想而知，伊甸蘋果落入佢地手中會有咩壞處。」我說。




 
「斯斯」這時候，本來綁著他們的繩子也開始慢慢撕裂，一下子就把繩子破開，幾個人並排站在我們面前。
 
「哼，呢啲咁嘅彫蟲小技，係咪以為我地會好好就範呢﹖﹗」其中一名手下說。
 
「無錯啊，我地聖殿騎士根本就唔需要去搵你地個總部喺邊，因為你地班傻仔會乖乖咁帶我地黎。」另一名手下說。
 
「我地每一個人都自帶追蹤器，援兵應該好快就到，睇黎，今日就係你地刺客兄弟會滅亡之日喇。」站在最前的上級說。
 
可是，我們卻完全不擔心，阿純托一托眼鏡說：「學下人地拍戲咁講，你分下莊閒好喎，宜家你地深入敵陣，你地入左黎呢度之後係根本發射唔到信號出去，一黎我地已經用野包圍左呢度，二黎，就算你地發出左信號，我地技術組人員已經即刻可以cut左佢。」
 
他們幾人頓時呆了一呆，秋治不屑的說：「哼，冇援軍都冇咩大不了，我地幾個都夠滅團啦。」
 
「我地成百人喺度，睇你地做到啲咩花樣﹗」查理說。