[刺客教條][長篇故] 果晚玩完刺客教條，家姐同我講……: 第103章：煮都唔食

第103章：
 
「咋」，「咋」，「咋」
 
煮菜的香氣和聲音傳遍整個兄弟會總部，令大家都不能專注自己的工作。
 
「長長，你試下味啊。」露比拿著湯匙叫我試味。
 
「好好味喎，煮個頹飯姐，你地使唔使搞咁大檀野啊﹖」我問。
 




「我地煮嘅梗係好味咖。」水姐紅著臉說。
 
「唔淨係煮頹飯咖，仲要煮餐好嘅你地食啊。」家姐回應。
 
「走走走走走，女人煮野男人出去。」露比不斷的把我推出去。
 
果然三個女人一個墟，嚴格來說不只是一個墟，兄弟會還有其他女生……目測現場多達三至四個墟市。討論聲，笑聲，吱吱喳喳的聲音把煮菜香氣的聲音覆蓋了。
 
「嘩，啲女人好嘈呢。」身邊的阿純說。
 




「係咁咖喇，我宜家驚緊會唔會太大聲傳到出去地面比人發現添啊。」我說。
 
「咁又唔會咁誇張呱……」另一邊的和人說。
 
「喂，你地點咖，我開左場喇。快啲開始玩啦。」查理急不及待說。
 
女的在煮菜，男的在打電玩。感覺真像一家人在家裡開派對一樣，像家一樣的兄弟會，真的讓人覺得十分感慨。
 
「細佬豬，快啲過黎，班聖殿佬嘅頹飯整好喇，幫我地黎攞啦。」家姐叫道。
 




心想：我假假地都係刺客兄弟會嘅刺客大師，呢啲都要我做。
 
「查理你跟緊隊就你去幫手啦，我地宜家仲打緊點行得開。」唯有叫查理幫我。
 
「好啦。」幸好查理一口答應了。
 
「係咪要攞飯啊﹖」查理走到廚房問。
 
「點解係你咖﹖攞住啦。」水姐看見進來的是查理，顯然有點失望。
 
「你好唔想見到我咩，車。」查理說罷，就帶著飯過去。
 
這些所謂的頹飯果然很頹，甚至乎有些麵糊一樣，頹廢度超標。
 
「喂，食野喇。」查理把食物放到地上。




 
「你當我地係咩﹖當我地係狗啊﹖」上級說。
 
「咪係，我地話曬都係聖殿騎士，唔會為左五斗米而折腰咖﹗」另一面說。
 
「好囉，你地喜歡啦，唔食野又唔係我個肚會餓……」於是查理就不屑地離開了。
 
「點算啊，隊長，佢地唔肯食啵。」查理對正在跟隊的我說。
 
「啲飯頹到咁梗係唔肯食啦……其實要佢地講野都唔係冇辦法嘅……」
 
「你宜家去廚房睇下班女仔，叫幾個把聲最大，最嘈果幾個過黎，然後就有辦法咖喇。」我說。
 
「好啦。」