[刺客教條][長篇故] 果晚玩完刺客教條，家姐同我講……: 第106章：以退為進

第106章：
 
身邊的成員離開通知後，聖殿騎士的攻擊變得更加猛烈，複製出來的聖殿騎士手下也複製得越來越多；如此下去，一來會被他們擠滿了整個兄弟會總部，二來久守必失，如果複製數和消滅數不成正比，我們肯定撐不下去。
 
「嘩，點解突然間咁大件事咖﹖﹗」水姐和幾名成員抵達，並立刻加入戰團。
 
「複製自己果條友真係好煩，打極都有嘅﹗」查理說。
 
「隊長，我地宜家係咁後退先，露比喺途中會偷襲咖。」水姐向我說。
 




看來女生們已經想到對策了，所以我們也沒有太拼命反擊，只好跟著對方的節奏慢慢後退。
當然聖殿騎士沒有因此而放軟手腳，在秋治和複製人的夾攻底下，我們來到一個十字路口的面前。
 
「退後啲啊各位﹗」水姐在這一刻把我們拉後，大家頓時退後一步。
 
「啊﹗」這時候，清楚聽到露比的大叫，隨之而來的是成千上萬的子彈從十字路口的兩旁通通射出。
 
複製人大軍被打得落花流水，數目立刻少了三份之一。
可是聖殿騎士沒有將劣勢繼續推向自己那一邊，不但那一名複製自己的手下，就連秋治都一拼自我複製。
 




「露比小心啊﹗佢地又變勁左喇。」露比兩旁的火力雖然仍然很強，但在複製大軍變強的同時，情況也開始變得不太樂觀。
 
「咁樣落去唔掂咖喎，菲姐去左邊啊﹖」阿純問。
 
「佢喺大廳果度埋伏左，一係我地再退後，再集中火力對付佢地。」水姐說。
 
「好啦，咁我地一齊撤退先。露比你地兩邊小心啲，返到大廳再會合。」我說。
 
如是者，我們不斷節節後退，而複製人已經把我們迫到最後的一個地方，兄弟會總部大廳。
 




「細佬豬，各位，趴低啊﹗」家姐一聲令下，在我們俯伏在地上之後，「轟轟轟」一棵棵火箭炮彈就在我們頭上劃過，頓時把聖殿騎士打得稀巴爛。
 
「嘩，家姐你邊度搵啲咁嘅野返黎咖﹖﹗」我問。
 
「以前我地喺舊總部，小丑國班人黎過，咁咪順便向佢地買左幾枝囉。」家姐答。
 
在火箭炮的強攻後，身受重傷的秋治在濃煙中慢慢的走出來：「果然係有返兩度散手，哼﹗」
 
可是他身上的傷慢慢被一層金黃色像電路板一樣的覆蓋著，一瞬間，身上的傷已經完全癒合。
 
「仆街喇，乜原來聖殿騎士已經有啲咁樣嘅科技……好似狼人咁會自我修復。」查理說。
 
「呢個應該係伊甸蘋果造出黎嘅效果，但係以我所知，伊甸蘋果都未試過可以咁勁。」我說。
 
「或者可能已經係強化左……」和人說。