[刺客教條][長篇故] 果晚玩完刺客教條，家姐同我講……: 第107章：核心

第107章：
 
原本身受重傷多秋治，因伊甸蘋果的效果，傷口很快便癒合了。
另外，複製人的核心都沒有因為火箭炮的轟炸而被消滅，不一會，那人就跟著秋治的步伐走出來。
 
「阿健，準備好未﹖」秋治跟身邊的複製人說。
 
「阿健﹖﹗佢係阿健﹖點解唔同樣嘅﹖」秋治竟然稱這個人叫阿健，突然讓我們覺得十分震驚。
 
「我地識變樣咖嘛，唔同樣有咩問題﹖」秋治囂張的說。




 
「阿健，聽唔聽到啊﹖女神呢﹖女神去左邊啊﹖」我問。
 
可是這個阿健卻沒有任何回應。
 
「女神﹖哦，係咪同佢一齊果個女仔啊﹖佢死左喇……」秋治想著說。
 
「死左﹖即係原本阿健同佢都係冇死到，而後尾女神真係死左﹖」阿純說。
 
「係啊……聽講佢係因為頂唔順每日嘅生活自殺而死咖，至於咩生活，就唔講喇。」秋治很從容的說。




 
「你地竟然咁對佢地……」我握著拳頭說。
 
「咁又點喎，成王敗寇，係咁……」秋治還未說完，就狠狠的被阿純打了一拳。
 
「又唔係有我份，你打我都冇用咖喎。不過如果你地仲想打嘅，我都樂意奉陪。」秋治說。
 
文戲正告一段落，接下來，秋治和阿健就開始進行自我複製的行動。
 
「佢地又複製自己喇，只要打低佢地個核心就可以消滅佢咖喇﹗」和人說。




 
說罷，他亮出了光劍，與我二人並肩而行，向著站在大廳和通道之間的秋治和阿健進攻。
 
「啊﹗」在電光石火的一瞬間，和人的光劍和我的袖劍同一時間插進他們的胸口，不一會就倒地死去了。
 
「你班仆街聖殿佬﹗」我大叫。
 
「終於打完喇……」
 
「佢地搞到呢度爛曬喇。」
 
大家都在這場戰鬥後都鬆了一口氣，都靠在一起坐地上休息。
 
「話時話點解我地殺左咁多個複製人，佢地嘅屍體會唔見左嘅﹖」露比問。
 




「因為呢啲都只係核心複製出黎嘅分身，雖然係有血有肉，但係一切都只伊甸蘋果做出黎嘅效果，隔一陣就會唔見左咖喇。」這時候，我發現自己的解答發生了很嚴重的錯誤。
 
既然秋治和阿健是擁有自我癒合的能力，照道理他們應該不能夠被我們殺死。可是，他們的而且確倒地斷氣了……所以，答案就只有一個……
 
「阿隼，秋治同阿健條屍呢﹖」阿純問。
 
還不用到我解釋，答案就自行出現了。
 
「小型結界產生器，無邊炎陣 ﹗」在通道的深處傳來秋治的聲音。