[刺客教條][長篇故] 果晚玩完刺客教條，家姐同我講……: 第109章：最後一擊
第109章：
阿健在結界外一字排開的站立在秋治的後面，他們每人都擺出一個儲氣的姿勢。
「佢地做咩啊﹖」
「係咪要爆大技啊﹖」
「我地一齊上啦﹗」
在結界內還能聽到外面成員的聲音，大家都相當疑惑。
「大家小心啊，佢可能真係有大技。」查理向大家說。
「冇用咖，我地喺結界入面，莫講話佢地聽唔到我地講野，甚至連我地都睇唔到咖。」和人解釋。
伊甸蘋果所引起的金黃色電路板般的閃電在幾個阿健的胸前閃礫著，看來大家都已經察覺到葫蘆內賣的藥了，並一擁而上，試圖在大技發出前把幾個阿健殺掉。
「隼隼今次弊喇﹗大家都趕唔切喇﹗」這時候，聰明豆突然走出來說。
「咁點算啊……你可唔可以做到啲咩﹖」我問。
「阿隼，你同邊個講做唔做到啲咩﹖」阿純問。
我沒有理會，應該說是沒有時間理會，我只伸出手掌，示意阿純請等一下。
事情果然不出聰明豆所料，迅雷不及掩耳，幾個阿健胸前的閃電比各位兄弟會成員早一步發動攻擊，一條金黃色的電光柱從他們胸前發射出來。
「家姐，露比﹗」其中一道電光柱也朝著家姐、露比和我們這個方向打過來，雖然在結界內的我們不會受到傷害，但仍然感受到暖暖的熱能，可想而知，電光柱的威力是十分強大。
「啊﹗」
大概隔了數十秒，電光柱開始慢慢減弱，消失……
而且，隨之消失的，還有一眾刺客兄弟會的成員。
「唔撚係呱……」
「點會咁咖……」
大家驚訝得目瞪口呆。
這時候，我轉頭一看，家姐和露比竟然相安無事，不過為她們抵擋了攻擊的竟是聰明豆。
她跪了在地上，在這一刻短暫的實體化了，但身體全變成金黃色的電路板。
我把她抱在懷內，抖著說：「豆豆，點解你可以……」
我也驚訝得說不出話來。
「好……好彩仲可以救到家姐同露比。」她說。
「點解聰明豆仲喺度嘅﹖」阿純問。
「係聰明豆﹖點解嘅﹖﹗」看來家姐阿純、大家也看見了聰明豆，她朝著聰明豆的方向走來。
「家姐……你……你同隼隼女朋友快啲趁啲阿健仲cd緊郁唔到就走先，唔係就幫唔到你地頂第二次咖喇。」聰明豆說。
家姐搖了頭，並說：「我唔可以拋低你，拋低細佬豬佢地唔理咖，咁你係咪見到細佬豬啊﹖佢地有冇事啊﹖」
「佢地冇事，你地快啲走啦。再唔係真係趕唔切咖喇。」
聰明豆說罷，露比拉著家姐離開「長長家姐走啦，我地就咁就死左點對得住豆豆姐同埋長長佢地啊﹖」她難得的有道理地說。
「長長，你地小心啊﹗加油啊﹗好高興認識你啊豆豆姐﹗我地會好好生存咖﹗」於是露比與家姐便哭著的揚手而去。
「隼隼……對唔住啊，我睇黎以後都冇得同你傾計喇，以後要乖啊，嘿嘿。」最後一刻聰明豆仍然可愛的笑著。
「唔制啊，我已經失去左你一次，我唔要再失去你一次……你實有辦法好返嘅，同上面申請下﹖」我一邊哭著，一邊想著我倆的往事。
第一次相見，就是我們在舊總部，阿純被她用袖劍架住脖子的時候。
在那天晚上之後，我們去了AIA玩了一整天……
「豆豆啊，你係咪驚我唔鍾意你，所以你琴晚表現得咁……進取﹖」
「呃……呃……我真係有啲驚咖，女神同我講，如果我對你好啲，你就唔會離開我。所以琴晚先至咁……」
「傻豆黎嘅，我都唔係因為鍾意你身體先鍾意你，我只係覺得，同你一齊喺你身邊，真係好開心。」我摸著她的頭說。
最後在立法會對上艦長……
身受重傷的她，傷口不停的流血，我只好用手一邊把傷口牢牢按住一邊撫摸她臉膀，她搖著頭說：「隼隼……我愛你，你……你要加油。」
這些回憶再一次再一次湧現。
「唔得喇，我已經申請左幫家姐同露比頂左一下……」懷內的聰明豆說。
「點解你永遠都咁傻……」
「因為我愛你嘛……」聰明豆說：「或者我宜家都仲可以有野做到嘅……但係之後就應該真係要講再見喇。」
「我唔要啊﹗」哭成淚人的我叫著。
「乖啦，隼隼你宜家係刺客大師黎咖喇……雖然……兄弟會仲要你去拯救咖。」聰明豆說。
「我宜家身體充滿左頭先電光柱嘅能量……如果我用呢啲能量爆發出去，或者可以有幫助……你準備好未﹖」聰明豆也哭著繼續說。
我沒有回應，只緊抱著聰明豆……
「阿隼……」「隊長……」身邊的各位都不知道可以做些什麼。
這時候，聰明豆抱自己的實體化取消，頓時飛出我的懷抱。
「再見喇，隼隼。」聰明豆微笑說。
「豆豆﹗」
「轟﹗轟﹗轟﹗轟﹗」聰明豆一瞬間化成金黃色電路板般的一個能量球，一下子各著四面八方產生了電子爆炸，頓時捲起了在場的瓦礫碎片所有東西。
在這場電子爆炸，一個個的阿健就連核心都被爆炸炸死了。而兄弟會總部的建築結構沒有受到太大的影響，不過場面一片頹垣敗瓦。
「小心啊各位，結界都可能會受到波及咖﹗」和人向大家說。
在結界內，雖然不受電子爆炸的直接攻擊，可是捲起的碎片把陳茂波割傷了，即使過了數秒，傷合並沒有癒合。
「點會咁咖﹖﹗」
爆炸過後，總部周圍塵土飛揚，眼前矇得只看到大家的輪廓。
「嘿嘿，係咪冇左自我癒合功能呢﹖﹗」查理說。
「阿隼，你冇野啊嘛﹖」阿純問。
我看了阿純一眼，再看看周圍，只說了幾個字：「殺左佢……」