[刺客教條][長篇故] 果晚玩完刺客教條，家姐同我講……: 第110章：窄路戰（上）

第110章：
 
聰明豆又再一次消失在我的懷裡，帶著悲憤心情的我誓要把對手擊倒。
 
「殺左佢……」
 
當然不是說一句就能完成，始終對手是個難纏的傢伙。
 
「嘿，就算我冇左自我癒合嘅能力啊，都唔會改變到啲咩。」陳茂波仍然自信的說。
 




「無錯係啊，係改變唔到，改變唔到你一樣要死嘅下場啊﹗」我說。
 
「講就兇狠，做咪一樣成碌撚咁。呢度冇遮冇掩，你地班刺客仔可以做到啲咩﹖」陳茂波說。
 
在一瞬間，大家很快便相討好基本的策略。互相點了一下頭後查理就說：「學阿純話齋……你……你分下莊閒好喎。話曬呢度都係我地地盤﹗」
 
說罷，大家一聲不發向著陳茂波方向衝刺，並伸出武器準備施襲。
 
「哼，果然只係一班乳臭未乾嘅細路。」陳茂波一邊說，一邊左閃右避。氣都沒有喘一下的把我們的攻擊一一避開。
 




「咩話﹖﹗」可是他就正中了下懷，他就站在通道面前，我們明知道襲擊他是不可能的，於是試作佯攻，故意讓他避開，讓我們逃進四通八達、比較狹窄的通道去。
在窄位發彎的地形下，我們的優勢便立刻提高。
 
我們各人向著不同的方向跑，希望能夠拖延多一點時間。
 
「哼，就算係咁都冇用，我嘅呢個主體仍然係秋治黎，即係我都可以複製自己去搵你地。」陳茂波一邊說一邊示範，他把自己分成幾個分身，分別向著我們各人的方向走來。
 
我往著廚房那邊走去，因為廚房應該有類似平底鍋，菜刀等可用作武器。
在我嘗試像某些喪屍遊戲中把菜刀和地拖合成武器的時候，突然在廚房外傳來腳步聲。雖然這有機會是自己的同伴，以防萬一，都是應該小心為上，提起武器戒備著。
 




「嘩﹗」
 
「嘩﹗」
 
果然，門外的是自己人，水姐。
 
「隊長我比你嚇鬼死喇，失驚無神攞住呢把……關刀……嘅物體做咩﹖」水姐問。
 
「咁……我一開頭行呢邊，咁諗住搵下武器嘛。」我說。
 
「大佬啊，呢度你頭地黎咖喎，好去唔去武器庫去廚房﹖哈哈哈。」水姐笑著說。
 
「笑咩喎，咁我唔順路啊嘛……何況……」
 
「噓……」我還未說完，水姐就用手蓋著我的口，並叫我蹲在牆壁的一邊，因為這時候又有腳步聲傳來了。