[刺客教條][長篇故] 果晚玩完刺客教條，家姐同我講……: 第113章：窮途末路

第113章：

在刺客兄弟會總部內發生的事件終於暫告一段落，可是在這場激戰中，水姐、一眾的刺客兄弟會成員，甚至連聰明豆的靈魂都壯烈犧牲了。

「長長家姐，佢地會唔會有事咖﹖」露比和家姐離開後，在總部上面的學校飯堂裡休息著。

「唔會嘅我諗，一路以黎大家都經歷左咁多，今次一定都可以解決到……」家姐安慰說。

「但係見到果個複製人一次過殺曬大家……我覺得……好恐怖。」露比說。





「嗯……的確係令人難以致信﹗我點同佢地屋企人交代……」家姐一邊說一邊拍著桌子激動的說。

「長長家姐唔好咁自責啦……呢一點大家都控制唔到，好彩有豆豆姐喺度，如果唔係我諗後果會嚴重得多。豆豆姐果然係一個好人啊。」露比勉強的露出牙齒笑了。

「嗯……無錯啊……」家姐說。

打開眼前的鐵門，終於重見天日了，逃出生天的感覺不太好，有點沈重。
不遠的地方傳來了露比的聲音。

「佢地出黎喇，長長，你地冇事啊嘛﹖」露比揚著手說。





「家姐露比﹖﹗」

「細佬豬，你地冇事就好喇……」她們走過來扶著我們說。

「冇咩啊其實，都只係撞親下姐……」我說。

「冇事就好喇，係喇……水姐呢……﹖」露比問。

我和阿純他們互相看了大家一眼，卻說不出話來。





查理終於開口說：「佢……死左喇。」

聽到這個消息，家姐和露比都表現得非常震驚，露比甚至流出了眼淚來。

「點會可能咁咖……」

「佢係因為保護我，所以吸左入黑洞入面同秋治一齊消失左。」我說。

「長長點解你要比水姐死喎﹗乜你唔知咖咩﹖﹗水姐一直都鍾意你咖﹗明明就算你開後宮同水姐一齊埋嘅話，我都唔會介意……」露比說。

「乜係真咖……咩……露比……」雖然水姐近來表現得相當奇怪，我也曾經懷疑過，可是想不到是真的。

這時候，大家的心情都沈重得說不出話來，似乎在這片沈默中向所有白白犧牲了的人默哀了一會。





「我知道大家心情都好沈重，但係請大家一定要振作……如果唔係點對得住大家﹖﹗」這時候，我沒有讓悲傷的心情繼續散發下去，擦了擦眼框儲起來的淚水，站起來說。

「咁……咁我地可以做到啲咩﹖」露比問。

「秋治喺消失之前，佢寫低左個地址，係可以搵到佢果種結界嘅作者。如果我地可以用到呢個結界嘅話，我地可能仲可以扭轉戰局。」我說。

「但係驚唔驚有伏﹖人地話曬都係敵對嘅，信唔信得過咖……」家姐問。

「人之將死，其言也善……我地認為應該唔會嘅。如果佢講嘅係真嘅話，我地點可以放過呢個機會……」阿純說。

「咁啊……好啦……細佬豬你整親，就唔好亂郁喇。講真又好講假又好，等我同阿純佢地去就得。」家姐說。

「家姐，等我去喇，我只係撞親少少，抖陣就可以咖喇。何況我唔可以再比你地幾個去冒險咖喇﹗」我說。

「隊長，你應承左水姐要好好生存咖，你自己去冒險就得，其他人就唔得……」查理都忍不住說。





「講到呢類機械嘅野，阿隼你唔明咖喇。不過講到計策嘅話，阿隼你的而且確比大家叻啲。去到如果真係有伏，菲姐都可以打得下。」和人說。

「咁即係話我、菲姐、你同阿隼四個去﹖」阿純問。

「唔係你，菲姐、我同阿隼去。無可否認，我地三個嘅戰鬥力比你地高，no offence。如果四個人去又太多，三個人去嘅話，留你喺度係最佳嘅選擇，你既然有經驗，就可以保護到佢地。」和人語重心長的說。

「原來我咁重要……咁你地要聽我話喇﹗」阿純指著查理和露比說。

「你帶佢地去安全嘅地方休息下先，然後等我地返黎好過啦。」家姐建議。

「好啦……就咁話啦。」阿純想了想到贊成了。

「仲有冇咩問題﹖冇問題嘅話……呃……宜家都晏喇，今日好好抖下，聽日大家分頭行事。」我說。





「係﹗」