第114章:
 
「早晨啊大家……」我們在學校的一個課室裡渡過了這個晚上,中學時期在上課時睡覺就是經常的事,晚上真正睡在課室裡果真是第一次。
 
「長長,你好返啲未啊﹖」一覺醒來,原來大家早已睡醒了,露比阿純他們還在吃M記早餐。
 
「我……冇事喇。我果份呢﹖」我問。
 
「細佬豬起身喇,你果份喺度啊,我幫你攞啦。」家姐這時從課室外走進來,把早餐端到我面前。
 




「唔該家姐……」
 
 
「好喇,大家食完野好快啲出發喇,你地小心啲啊,有咩事用耳機聯絡啦。」我向大家說。
 
「其實宜家仲咁早,會唔會仲未開咖﹖」阿純問。
 
「呢層又唔清楚喎,不過其實宜家都成11點啦,準備得黎都晏就喇,我諗應該開左呱...去到睇下點先啦,再唔係咪去搵下你地囉。」我說。
 
露比帶著依依不捨得心情:「長長你要小心啲啊,去到果度唔知會有啲咩人咖……如果有咩事即刻搵我地支援啊。」




 
「我知咖喇,放心啦,一係你地去附近嘅地方,就算有咩事,touchwood,都可以好快黎到。」我摸著露比的頭笑說。
 
「好啦……」
 
吃過早餐後,大家回到兄弟會總部,雖然場面讓人痛心,但大家都必需戴好基本的裝備,即使對方想對付我們也能夠好應對。
我們從位於黃大仙的學校乘車到觀塘,這一次我們沒有乘搭地鐵,雖然地鐵主席馬時亨已經被我們殺掉,但都是小心為上,何況在巴士上發生了什麼事,大不了就撞破車窗跳車罷了。
到達後,大家分頭行事,阿純他們找到了一個商場裡休息;我們就來到秋治在紙上寫的地址。
 
「呢度係工廠大廈黎咖喎,有冇錯咖﹖」我們來到一橦工廠大廈前,雖然我們有所懷疑,可以說到終端機和工廠大廈都可算上有關係的。




 
我們提高警覺,留意著身邊的一切,一起踏入這座工廠大廈。

經過入口處在看馬經的保安後,我們若無其事的踏進升降機,照著地址上所寫的按下5樓。
「叮」門一打開,開始聽到一些熱鬧的聲音,怎麼看來都不似是我們想像中那些充滿機器聲的工作室。
 
「細佬豬啊……呢度睇band show咖啵,係咪真係冇黎錯咖﹖」家姐問。
 
「不如問下人﹖」和人建議。
 
「係咪睇show咖﹖」這時候,有一個戴著眼鏡灰白色頭髮的男生從其中一個室的門前走過來問。
 
「乜日頭都有band show咖咩……」我問。
 
那個男生好奇的回答:「吓﹖有幾出奇﹖你鍾意嘅話凌晨開show都得咖。如果幾位係睇嘅麻煩過黎買一買飛啊,今日隊band有《聖音騎士》啊,喺我地呢度好出名咖。」




 
眼見秋治寫的地址果真是目前的這個地方,而且《聖音騎士》是今天的樂隊,感覺上跟聖殿騎士有點兒關係……
 
「係啊,三個啊唔該。」於是我們抱著打不死的心情,踏進這個表演場地。
 
「嘩,呢度都幾好氣氛咖喎。」這個地方就像一間酒吧一樣,各種各樣的人都在,有白領的一班同事在吃下午飯,有年青人在開派對一樣,是個消遣放鬆的好地。
如果我們不是有重任在身,或者比較空閑的話,我都會喜歡溜在這裡。
 
台上的一個四人樂隊這時候剛剛走上台,台下所有人立刻歡呼吶喊,仿彿迎接明星一樣的進場。站在最前的紅髮女主音在咪前說:「大家好我地係《聖音騎士》﹗」
 
台下又再一次充滿了歡呼,氣氛帶動下,我們也被感染得一起歡呼。
 
「我係主音同結他手游也多,左邊結他手左又近,肥bass手方次郎……」
 
「咩肥bass手啊游也多……」這個肥子感覺上是個有趣的家伙。




 
「收聲啦,唔好阻住曬啦死肥鬼。」而這個女主音則是一個壞女孩。「仲有我地嘅鼓手阮桐貴﹗」就這樣,她就把自己樂隊的成員介紹了一遍。
 
「咦﹖今日大隊長又遲到啊﹖」台下有人叫喊,看來大家已經相當混熟,感覺上就像朋友般。
 
「哎啊,佢就到咖喇,咁我地事不而遲,即使送上我地嘅首本名曲先《無邊炎陣》﹗陣間再唱啲有大隊長份嘅歌啦﹗」鼓手阮桐貴說。
 
《無邊炎陣》﹖﹗那正是秋治所使用的那種結界,果然我們來對了。
 
「係佢地喇。」我向和人和家姐說。
 
大家都點一點頭同意了,和人說:「咁我地聽埋佢地表演之後去問一問佢地喇。」
 
「好啦,佢地開始喇,我想聽下啊。」家姐雀躍的說。
 




雖然暫時仍然不知對方甚至在場所有人對我們有沒有威脅,畢竟對也是聖殿騎士的人,所以只好又採取敵不動我不動的策略。
以這個普通的樣貌,乾脆享受這場短暫的音樂表演吧。