[刺客教條][長篇故] 果晚玩完刺客教條，家姐同我講……: 第115章：單刀直入

第115章：

「……Yeah……」雖然我對搖滾音樂的認識不多，極其量只知道BEYOND的那首叫什麼「今天我」的歌，但我卻十分喜歡這種風格的音樂，聽上去好像充斥著很多對世界的意見，比起聖殿騎士，他們的感覺更像喜愛自由的刺客。

表演中，左又近的結他和阮桐貴的鼓的技術堪稱一絕，左又近彷彿像兩個人彈同一枝結他，而阮桐貴像是身長幾隻手臂般的敲打爵士鼓，加上游也多唱如魔笛般的歌聲和方次郎的重Bass，為這場表演加上不少火花。

表演到了尾聲了，遲來的大隊長最終都在最後一羌歌表演過，在下台前說：「多謝各位，雖然我今日遲到，下個禮拜一定會早啲到，記得睇我呂麻君﹗」

向觀眾道謝後，他們就在歡呼聲中進入後台，緊接而來的是另一隊樂隊；不過我們相信《聖音騎士》就是我們的目標，所以我們都沒有繼續聽下去，而是在沒有人發現下，偷偷進入後台的化妝室。





「你地就係《聖音騎士》﹖」我問。

「係咪想攞簽名啊﹖出去等啦，淨係簽你地一個咩﹖啲fans真係好煩啊……」女主音游也多不可一世的說。

聽到她說的話，我們頓時嚇了一跳，雖然她們有很好的音樂，但是這個女主音的態度未免也太囂張了吧。

「哎啊，游也多啊，聽埋人地講咩先啦……」在吃飯盒的方次郎說。

「死肥鬼，呢度閒人免進咖。佢地咪又係講埋啲咩你地啲音樂真係metal得黎好rock，rock得黎好jazz果啲垃圾廢話，走啦你地。」游也多攤開著手說。





「咪住先，你睇下佢地先啦……咁生面口，應該係第一次黎嘅，即管聽下佢地講咩啦。」阮桐貴分析著。

「阿阮生就講得啱喇……」話還未開始說，就被游也多的怒視嚇了一下。「……呃……入正題喇，係咁嘅……你地嘅同伴秋治呢就比左呢個結界嘅終端機我，但係就壞左，佢話可以搵你地幫手咁樣……囉。」我一五一十的說。

聽完我說的話後，大家都收起臉上的笑容嚴肅起來。
大隊長呂麻君走到我們後面，冷靜的把門關上，問了一句：「咁佢人呢﹖」

這下就尷尬了，究竟說實話還是說假的才好﹖
正當我還在支吾以對的時候，家姐就在我旁邊說：「佢死左……」





為什麼可以那麼直接的說﹖﹗那麼這下可能要完蛋了。

果然如此，結他手左又近立刻從抽屜中拔出一把手槍，揚言說：「兩個可能性，一係你地係同伴，一係你地係刺客……咁生面口，如果係刺客嘅話我三槍打爆曬你地個頭。」

「左生你冷靜啲先……有事慢慢講。」我勸說。

「即係你地係刺客啦﹗哼，仲衰過啲戇鳩fans。」游也多說。

「游也多，女仔之家講野唔好咁粗俗。」方次郎語重心長的說。

「收聲啦，死肥鬼，我講野係咁咖啦。」游也多回答。

「係﹗無錯﹗我地三個都係刺客……不過係秋治叫我地黎搵你地咖。」這時候，手槍的槍口已經對準了我地額頭。

「啊，你地戇鳩得黎又幾趣緻咖啵……一個聖殿佬叫你地去搵一班聖殿騎士，你地都照黎嘅，識唔識個死字點寫咖﹖」左又近諷刺的說。





雖然我們一早都已經預料到這個情況，但是為了得到使用結界的方法，我們才硬著頭皮走來，想不到這情景來得如此突然。不過驟眼一看，家姐已經準備好手上的煙霧彈，準備在左又近扣下扳機前擲下煙霧彈一同離開。如果沒有機會離開，和人也準備好拔出光劍，準備把敵人全部殺掉。

「雖然秋治佢同你地一樣係聖殿騎士，但係我感覺到佢並唔係真正嘅聖殿騎士……所以我直覺話我聽我可以相信你地……」我說。

「細佬豬啊，都話咖啦……」家姐細聲說。

游也多這時候放聲大笑說：「哈哈哈，你家姐都唔信啦，你係咪打得飛機多傻撚左啊﹖﹗直覺﹖90度就直『角』﹗就算係，我地點解要信你﹖點解要幫敵對嘅人對付自己組織﹖」

「呃……呢層……」雖然游也多的態度讓人覺得十分討厭，但是她隨隨一問，就讓我們三人都說不出話來，因為的而且確事情亦有矛盾的地方。

「游也多，左又近，玩夠喇……收埋枝槍先啦。」呂麻君突然向他們說。

玩夠了﹖﹗整個是一個惡作劇﹖我、和人和家姐都不禁疑惑起來。





我好奇的問：「呃……咁你地即係……係刺客﹖」

「唔係樣樣野都非黑即白嘅，我地幾個都係聖殿騎士，只不過係一班唔滿意組織嘅聖殿騎士。我地只係會追隨我地嘅阿頭，佘sir，佘戴源大人。」方次郎說。

「你條友原來冇鬼用啊，比人嚇一嚇就賴尿咁滯，哈哈哈。」游也多指著我恥笑著。

「你試下無啦啦比人用槍指下﹗唔係驚都會嚇一嚇啦。」我說。

「我就唔會囉，廢柴……」游也多反駁。

「你地冷靜啲，唔好嘈住，睇黎我地兩班人可以暫時聯手，唔好一開始就內鬨先啦。」阮桐貴說。

這時候，大家都鬆了一口氣，雖然對方身份的確是聖殿騎士，但常言道，敵人的敵人就是朋友，應該可以互相幫助。不過如果不是因為需要結界的幫助而有求於他們，我其實都不是太想跟這一班人在一起，尤其是那個游多也，毒舌女一個，以後一定經常挑起事端的。

大家稍為介紹了一下自己後，《聖音騎士》的成員開始收拾好化妝室。





「我地要交呢間房比人，雖然呢間Bar係我地自己嘅......但係都有其他Band輪住出場。」呂麻君說。

「咁呢度時間你地去邊咖﹖」和人問。

「冇咖，多數都係自由時間黎，可能會接到聖殿騎士嘅任務做囉......雖然係唔妥佢地，但係都仲係要做野嘅暫時。」呂麻君答。

「一係你地睇埋其他Show或者飲下野先，我地今日夜晚唔開嘅，到時再喺呢度研究。」阮桐貴說。

「好啦，咁......各位今晚見啦。」我說。

說罷，大家就在化妝室外分別了。