[刺客教條][長篇故] 果晚玩完刺客教條，家姐同我講……: 第123章：結界重遇

第123章：
 
「到喇，前面停低啦。」游也多指著前面的一個避車處。
 
「當我司機咩真係，使唔使嗌埋有落。」我諷刺的說。
 
「有落。」
 
「啊你真係嗌咖喎……」我說。
 




「咁你叫咖嘛。」
 
在夜裡，這個避車處顯得份外陰森恐怖，除了一枝枝的街燈外，就只有蟬聲，間中還會有野狗的嚎叫聲。
我們走出車子，走上了對面的一條往上走的山路樓梯。
 
「我地係咪要搵到個入口先可以入到個結界﹖」我問。
 
「你冇部結界機咪係囉，不過如果我地搵到個終端機，咁就可以set到個入口。」游也多說。
 
我們走到樓梯的盡頭，發現光源已經離我們越來越遠了。




 
「嘩，仲有幾耐咖……早知求其搵個近近地嘅算啦。」我說。
 
「都話咁樣，上頭會怪罪我地咯……你唔係咁撚自私吓哇。」游也多說。
 
「都係講下姐，身為刺客大師嘅我點會係自私嘅人﹖」我說。
 
「係咩﹖定係你驚咋。」游也多奸笑說。
 
「你就驚，我驚咩啊驚﹖」我說。




 
「係喇係喇，實信你咖，鵪鶉。」她恥笑著。「我諗住行樹頂，咁樣會易啲搵到個終端機。」游也多指著上面的樹頂，說完後就一下子跳了上去。
 
我當然表示反對，並立刻跳上樹的樹頂，跟上游也多的步伐。
 
「估唔到你身手都唔差喎，香港啲樹好少好似外國咁樣棵棵都咁粗枝，可以跑到咁都唔簡單。」我說。
 
「咁你咁膚淺，你估淨係你地刺客識飛簷走壁咩，我地分分鐘勁撚過你啊。」游也多說。
 
「車，如果唔係唔記得終端機實際位置喺邊，我實同你鬥快去到，再贏埋你。」我自豪的說。
 
「哼，你鬥到都未必贏到啦。」
 
在這樣，我們就在西貢郊野的樹頂走了好幾分鐘。
終於來到這個既熟悉又陌生的地方，結界終端機的位置。




 
「係呢度喇，我記得喇。」我說。
 
「咁你仲記唔記得密碼係咩﹖」游也多叉著腰表示想考一考我。
 
「諗下先……我記得喇﹗係3……9……1﹖」我花盡喝奶的力地想著這個密碼。
 
「竟然咁都記得﹖﹗仲諗住有得串下你添。」游也多說。
 
「你係咪唔串人唔安樂嘅姐﹖」我說。
 
「興趣黎姐……」
 
「咁我地入左結界救左丁Sir出黎先，再攞返個天線﹖」我建議。
 




游也多沒有說話，只點了一下頭。
 
在終端機屏幕上按下密碼後，我就交給游也多來操作。
三爬兩撥之下，在我們面前有一個傳送門在閃動著。
 
「入去喇。」游也多說罷，就走了進去，我也跟了進去，走進了跟外面一樣的世界。
 
「丁Sir﹗」我們在結界裡不斷的叫著，希望丁利華丁Sir可以聽到。
 
「冇嘅……會唔會已經走左咖。」游也多少有的表示擔心。
 
「係都唔出奇，因為我困左喺入面臨走果陣，佢走唔到，不過佢都知密碼，出左黎都唔出奇。」我說。
 
這時候，游也多氣得抽起我衣領，說：「你點解會扔低丁Sir自己走左去咁仆街咖﹖﹗就算佢知道密碼，佢只係個測試員，係唔會識點樣噤個終端機咖﹗」
 




「咁……咁……我點知姐，何況當時個結界出口喺山頂，我地要爬山先可以去到……丁Sir佢冇爬到。」我雖然不知應該怎樣回應，不過我也盡量安撫好她的情緒：「唔使咁擔心嘅，我地入左黎，如果佢未走，我地一定搵到佢；如果佢走左，即係佢出到去啦，兩樣都唔係壞事。」
 
經過我安慰後，游也多才肯把手放下。繼續不斷的叫喊著丁Sir。
 
「睇黎佢真係唔喺度……」游也多失進的說。
 
這時候我靈機一觸，嘗試以鷹眼來尋找丁Sir的下落。果然就在一片藍白的負片效果世界中有一點金色的光茫，而且還不太遠。
 
「你個丁Sir喺果個方向喎……」我說。
 
「你又知﹖你有白眼咩﹖」游也多說。
 
「你估火影咩，我地刺客……總之睇到啦。」我說。
 
我們跟著我眼前的那個金色人影走去，正走到一間小木屋前。




 
「就喺入面喇。」我說。
 
「丁Sir﹗」游也多在木屋外大叫。
 
不一會，屋內就走出一個熟悉的人影出來。
 
「……游……游也多﹖﹗」丁Sir驚訝的說。
 
「丁Sir，終於搵到你喇﹗」游也多像個小孩一樣抱著丁Sir。
「你係點樣搵到我咖﹖」丁Sir問。
 
「係呢條友話你喺度，最後先搵到你咋。」游也多說。
 
「咦，你咪係之前果個後生仔﹗」丁Sir又驚又喜的說。
 
「係……係啊……丁Sir。」