[刺客教條][長篇故] 果晚玩完刺客教條，家姐同我講……: 第124章：重見天日

第124章：
 
「入黎坐下啊。」丁sir邀請我們到他自己建的小木屋。
 
「丁sir你都幾好心機喎……」打開小木屋的門一看，雖然沒有什麼現代的設備，只有木頭和石頭堆砌而成的火爐，自製的木家具，但也佈置得相當溫暖。
 
「咦，係喇，後生仔，阿妹……即係上次同你一齊果個女仔呢﹖」丁sir問。
 
這時候，突然想起上一次碰到丁sir的時候是我們「6是瘋」在進行遠足修煉時，我和聰明豆不慎進入了結界。
 




「佢……已經唔喺度喇。」我無奈的說。
 
「呃……唔好意思啊。」丁sir說。
 
我們就坐在幾張木製的小椅子上，等待丁sir的招待。
 
「喂喂喂，試下我呢啲草茶……你地可能飲唔慣，但係幾好飲咖。」丁sir端上一杯杯熱草茶。
 
游也多喝了半口就已經吐出來：「嘩﹗甘到咁樣真係唔係好慣。」
 




「哈哈哈……都話咖啦。係啦………阿女，點解你會同呢個後生仔黎搵我地嘅﹖」丁sir問。
 
「阿女﹖﹗」我大驚。
 
「唔係，我地兩個唔係親生父女黎嘅……」
 
「只不過以前喺聖殿返工果陣，丁sir好照顧好錫我，所以大家熟到好似兩父女咁。」游也多說。
 
「哦……」我恍然大悟。
 




「係啊，我地本身想喺呢個結界終端機度攞走個搖控天線。佢知道你喺度，所以就搵到你喇……」游也多說。
 
「即係……你加入左刺客兄弟會﹖」丁sir問。
 
「唔係啊，就算唔妥聖殿騎士都唔使加入佢地個騎呢組織呱……」游也多說。
 
「我地只係暫時嘅合作關係，因為我地需要一部小型結界機去消滅宜家嘅聖殿騎士組織。」我說。
 
大家都因目前的局勢沈默了一下，不一會，丁sir開始說：「係喇，如果你地要去攞天線要快喇，佢地呢排黎檢查終端機黎密左。」
 
「點解我地會唔知嘅﹖」游也多驚訝的問。
 
「唔通你老頂果啲有機密野都話曬比你知咩。」我攤出手說。
 
「後生仔講得啱冇錯，有時有啲計劃連我都未必知咖。」丁sir說。「好啦，多謝你地黎救我出去啊，雖然喺呢度都住慣左，但係都會想出返去嘅。我宜家執一執野，你地出住去等先啦。」他繼續說。




 
雖然丁sir過著猶如古人般的生活，但是他仍然要收拾在進入結界前所攜帶的物品。當然還要換上他的那套行山套裝，因為在這段時間，他一直只用樹葉來充當衣服。
 
我們在外面等待著，在這一段小時間，我仰進天空，久違的看著天空的星星。在樹頂還隱隱若若的看到天空一閃一閃的，雖然比起其他國家，這個星空不算得上什麼，但係我已經覺得這個星空已經是世界級了。
 
「嘩……都唔知幾耐冇睇過星星喇。」我仰著頭說。
 
「呃……喂……」游也多猶疑的叫了我。
 
「咩啊﹖」
 
「多謝你……多謝你肯救返丁sir……」游也多難得道謝。
 
「嘩，估唔到你竟然識講多謝喎。」我笑著說。
 




「係因為我當丁sir係好似老豆咁先咁緊張咋﹗」游也多連忙解釋。
 
「得喇得喇，我會記住你差我一個人情咖。」我奸笑說。
 
「你想做乜撚啊﹖﹗」游也多把手交叉在胸前說。
 
「痴撚線，你肯我都唔肯啦﹗」
 
「我先唔肯啊﹗」
 
這時候，丁sir已經收拾好行裝，背著背包走出來，說：「咦，原來你地咁friend咖﹖我行得咖喇。」
 
「我地今日先識咖咋，先唔想同啲咁嘅戇鳩仔friend。」游也多說。
 
「你又唔好咁講，其實後生仔你係咪叫阿隼啊好似﹖我記得阿隼係一個好人黎咖。」丁sir說。




 
「嗱﹗」
 
我們三人走到終端機前，游也多按下密碼後，將結界出口設置在我們旁邊。不一會，在我們旁邊就憑空出現一個傳送門出來。
 
「啊﹗終於出返黎喇。」丁sir伸了一個懶腰說。
 
「喂﹗快啲拆個天線落黎啦。」我叫游也多加快速度。
 
「咪住，聽唔聽到有聲﹖」丁sir細聲說。
 
我用鷹眼一看，果然在不遠的地方有幾個紅色人影正越走越近。
 
「無錯，你地啲人就到喇。」我說。
 




「屌，你唔好催我啦﹗你估扯蟹腳咁扯出黎咁易咩﹖﹗」游也多急著說。
 
「喂﹗你地幾個喺度做咩﹖」在天線被游也多拆除前，那幾個聖殿騎士成員快一步到達在我們面前。