[刺客教條][長篇故] 果晚玩完刺客教條，家姐同我講……: 第125章：聖殿三連星（上）

第125章：
 
「喂﹗你地幾個喺度做咩﹖」聖殿騎士成員問。
 
他們看一看我，看一看丁sir，再看一看在我們後面還在嘗試拆除天線的游也多。
 
「哦﹗我認得你喇﹗你咪果個刺客大師﹖﹗」其中一個指著我說。
 
「吓﹖﹗阿隼乜你已經係刺客大師咖喇﹖」丁sir問我。
 




「係啊丁sir……宜家兄弟會得返我同幾個人咖咋。」我說。
 
「丁sir﹖哦﹗我都認得你喇﹗你咪我地聖殿騎士以前嘅結界測試員丁利華﹖﹗」另一名指著丁sir說。
 
「之後唔使指住我講喇，係啊，我係游也多啊，你班撚屌﹗」游也多不耐煩的說。
 
「你地竟然私通外敵﹖﹗」他們一同指著我們說。
 
「屌……」游也多無奈的掩著臉說。
 




「呢個就係我地點解佢地要同你地合作嘅原因。」丁sir說我說。
 
「你地三個拉佢地返去啦﹗仲指﹗我去話比阿頭知。」另外一位貌似那個小隊的隊長說。
 
看來這些都只是一般的蝦兵蟹將，應該很容易對付。可是對方有四人，我們只得三人，加上丁sir與世隔絕了太長時間，可能已經忘記了如何應戰；即使要應戰，都不知應該放過他們一條生路，定抑或是殺人而滅口。
 
「游小姐你拆好未啊﹖」我問。
 
「拆左喇﹗」游也多剛剛把天線完整的拆下來。
 




「你去追果條友，我喺度頂住佢地。」我指揮著。
 
「一打三你夠唔夠打咖﹖唔好死頂喎。」游也多說。
 
「你唔好理啦，黎多三十個都冇問題啊，你快啲去追左佢先啦﹗」我說。
 
「吹到咁大，你衰左我實笑鳩死你﹗」游也多說罷，就踏步，一躍而去。
 
「丁sir，你走先，呢度有我頂住得咖喇。」我向丁sir說。
 
「丁sir，我地唔會殺左你咖，呢個刺客大師就唔知喇。」聖殿騎士成員說。
 
「丁sir，你宜家私通外敵，就算你啱啱喺結界入面出返黎都好，都要帶你地返去等候發落。」另一名聖殿騎士說。
 
丁sir伸出手，表示叫我們稍為安靜一下，大家又一同的安靜下來。




 
「其實我都唔係啲多事嘅人，不過令到阿女日後有危險就一定唔得﹗」突然丁sir放下背包，走到那三名聖殿騎士成員面前握緊拳頭。
 
「拿拿拿，丁sir你都知背叛聖殿騎士係唔會有好下場咖﹗」聖殿騎士成員說。
 
「拿拿拿，你宜家扮曬英雄都冇用咖。」另一名聖殿騎士說。
 
「拿拿拿......」在第三名聖殿騎士說話前，丁sir二話不說一拳往著他們三人之間打過去。

「轟」的一聲，丁sir的飛拳就像砲彈一樣從我這邊一下轟過去。
 
不過他們三人都巧妙的避開了。

「嘩﹗都唔比人講埋先嘅﹗」第三名聖殿騎士說。
 




「唔好以為我喺入面荒廢自己，我日日都有鍛練自己，加上又要周圍活動，我嘅體能分分鐘好過以前啊﹗」丁sir隨隨站起來說。
 
「哼，係幾勁嘅﹗」
 
「哼，不過都唔夠我地三個人打咖﹗」
 
「丁sir小心啊﹗」