[刺客教條][長篇故] 果晚玩完刺客教條，家姐同我講……: 第127章：聖殿三連星（下）

第127章：

「丁sir你冇野啊嘛﹖」丁sir開始有點知覺了。

「我地揸左車黎，我同游也多講話大家搞掂果陣就返去等。」我補充。
 
「我冇事，係仲有少少暈暈地。你扶我返去你地架車度啦，我要慢慢行。」他說。
 
就這樣，我就扶著丁sir，一步一步的從結界終端機附近走到原先我駕來的車子旁邊。可是卻看不見一早相約好的游也多。「咦，唔見游也多嘅﹖」
 




「會唔會有咩事咖﹖」丁sir擔心的說。
 
「我去搵一搵佢，冇事嘅話都可以幫手打下。丁sir你拎住把槍，有咩事都可以旁下身。」我說。
 
「好啦。」
 
於是我開了鷹眼，一邊在樹頂飛躍，一邊在尋找游也多的下落。
就在不遠的地方，看見地上在一個藍色的人影，那個應該正是游也多。
我安全著地後，走近藍色人影時，就把我嚇了一下。
游也多就被一棵樹的樹幹壓住了身體。




 
「游也多﹖﹗游也多﹖﹗」我走近游也多叫她。
 
「我仲未死，只係比棵樹壓親姐……」她神態自若的說。
 
「但係你對腳……」
 
「廢左喇，宜家我又要差多個人情比你喇……」
 
「吓﹖」




 
「斬撚左你對腳送比我。」游也多突然說出這些奇怪的話。
 
「吓﹖﹗斬左佢﹖﹗」
 
「喂，你唔係信啊嘛﹖哈哈哈，你睇下壓落黎個位先啦，我只係啱啱卡住左個位，冇話邊度癱左啊，懵佬﹗」游也多終於說。
 
「嚇死咩，以為真係要斬對腳比你……」
 
「話你戇鳩都廢事喇，要你一塊腳甲都唔想啦。」她說。
 
我運用了我九牛二虎之力，加上游也多也合力推開樹幹，好不容易把樹幹抬走了。
 
「咁丁sir呢﹖」她繼續問。
 




「我帶左佢去架車度，你仲行唔行到﹖」我說。
 
「梗係行到啦，跳都得啊……哎啊……」話未說完，游也多原來也扭傷了。
 
「唔知邊個頭先話唔好死頂呢，我扶你過去喇。今次你真係差多我一個人情喇。」我笑著說。
 
「車……懶巴閉。」她不屑的說。

「我地要盡快喇，見你咁樣都知你比佢走甩左……佢可能已經通知左上頭，我地要快過佢地一步整好個機。」我說。

「係就係比佢走甩左，我差少少打到佢仆街咖喇﹗不過呢條臭閪……我諗住用枝笛麻撚痺佢，點知佢攞左把勁大嘅扇打走左我。睇黎呢個人都唔少野，仲要counter到我。」游也多氣憤的說。

「原來果個女人黎咖……見佢地個個一樣咁，我以為四個都係男人。」我說。「估唔到你已經有咁勁嘅技，都會有人counter到……」我繼續。

「你宜家係讚我定串鳩我啊﹗」游也多向我胸口拍打了一下說。「行啦，咁撚多野講。」





一路上，我們都沒有說話，只是朝著車子的方向走過去。

「阿女，你冇野啊嘛﹖」終於看到丁sir和車子了，他不安的手持著那把槍說。

「我冇咩啊，只係扭親下……」游也多說。

「丁sir你係咪識揸車咖﹖我地宜家嘅處境有啲危險，要快啲返去佢地果度。」我問。

「我識啊，係咪即係仲係觀塘果度啊，阿女﹖」丁sir問。

「係啊……」游也多答。

「係喎，但係丁sir頭先暈左喎，宜家有冇好返啲先﹖」我問。





「我頭先坐左喺度一陣好好多喇，應該冇問題嘅。」丁sir回答。

「咩話﹖﹗你竟然令丁sir暈左﹖﹗」游也多怒視著我。

「唔好怪阿隼啦，意外嘅野大家都估唔到。」丁sir說。

「好啦，咁你揸﹗我地兩個都叫受左傷，你唔係咁啊﹖你係咪男……」游也多指著我說。

我在她說那個威脅性說話前說：「得得得，我揸……唔使係唔係都講果句嘅。」

「咁唔該你喇阿隼。」丁sir說。

「你學下丁sir咁有禮貌啦，女仔之家咁鬼粗魯。」我說。

「關你撚事咩﹗」





「好喇，你地唔好嘈喇，快啲開車走啦﹗」丁sir說。

我憑著記憶，沿著我們走過的路回去。
在遠處看到了剛才被游也多麻痺了的警方路障，證明我走對了路。

警員也在我們面前示意我們停下來。

「麻煩先生熄匙，拉手……係你﹖﹗」警員發現了又是我們，立刻按著後面配槍戒備。

這時候，我和丁sir都接過游也多的耳塞，已經明白接下來會發生什麼事。
於是我們沒有理會，飛快的駛過了。