[刺客教條][長篇故] 果晚玩完刺客教條，家姐同我講……: 第128章：結界入手

第128章：
 
「唉，搞左咁耐終於搞掂喇。」經過大家在這一兩小時的努力，結界終端機終於造了出來。
 
「係囉……我地整好，班聖殿騎士都仲未黎，會唔會唔黎咖﹖」查理攤開手問。
 
「我地點都要提高警覺啦，話曬都係比人見到聖殿騎士同刺客一齊，會報比上級聽都係好正常嘅事。」方次郎說。
 
「我地諗好咖喇，如果佢地黎到我地就一於試下個終端機用唔用到落佢地度。如果用到就可以鎖住佢，用唔到就可以用我地果部。宜家等我教你地點解先。」遠桐貴說罷，就跟和人阿純他們開了一個「如何正確使用結界終端機」的小講座。
 




「唉……冇計啦，唯有宜家推前我地嘅革命計劃啦。」左又近在一邊無奈的說。
 
「咁希望我地喺呢場戰事之後仲會係友好關係啦。」和人笑著說。
 
這時候，外面大廈的升降機響起嘈吵的運作聲。
 
「咩話﹖﹗咁快殺到黎﹖」查理慌張的說。
 
「快啲開個結界先，暫時可以避下。」我說。
 




手拿著結界終端機的和人立刻啟動結界終端機，可是卻沒有任何事情發生。
 
「吓﹖唔係唔得吓哇﹖我較啱曬咖喇喎。」和人拿著終端機說。
 
「比我睇下，會唔會係真係較錯左﹖」遠桐貴這時候走來幫忙。
 
「啊，係咪要講發動鑰匙，即係謂咒語咁，係用黎識別係咪你本人。」方次郎在旁邊說。
 
「好啦，我講咖啦。」和人雙手拿著終端機，並放在胸前大叫：「小型結界產生器，無邊炎陣 ﹗」
 




說完那一刻，和人按照著遠桐貴較早前所教的姿勢，雙手連同終端機往地上一推，一把紫色的光就從和人的附近散發開去。
 
「嘩，真係行極都未到咖喎﹗」露比好奇的說。
 
我們嘗試走到音樂酒吧的門前，可是一直只是原地走，並沒有接近酒吧的大門，大家都向四方八面確認結界是否生效，大家都伸出一隻姆指，表示著結界已經順利產生了。
 
與止同時，大廈的升降機門停止運動，並打開了升降機門。
不過從酒吧內聽到外面的聲音，不如大家想像般有一隊隊人馬走過來「平亂」，而是只有幾個人，甚至只有二個人的腳步聲。
 
「會唔會係其他人去隔離咋﹖」查理細聲問。
 
「宜家幾點啊﹖隔離係咩木工workshop，斷估唔會有人呱﹖……」左又近都不能肯定。
 
「其實查理你講野唔使咁細聲，出面聽唔到咖。」阿純笑著說。
 




「咁哩埋就潛意識覺得要細聲講野啊嘛。」查理摸著頭說。
 
「黎喇。」酒吧的門也打開了，走進來的原來是呂麻君和施若兜。
 
大家都稍為鬆了一口氣：「車，原來自己人黎嘅。」