[刺客教條][長篇故] 果晚玩完刺客教條，家姐同我講……: 第130章：眼中釘

第130章：

在門外走進來的呂麻君和施若兜原來是其中兩名屬於test project 3所變身的聖殿騎士，谷守和陸源良；他們帶同聖殿騎士的部隊來到，打算把我們全部人困在結界內，等候聖殿騎士的上級等候發落。
當谷守正想打開結界之時，丁sir上前打算把她手上的結界終端機搶過來，試圖阻止。
糾纏其間，陸源良暗地裡打開了結界……

「今次弊喇﹗」

「丁sir，我知你係好人，都係為左你班細嘅，但係你真係好阻事啊﹗」陸源良說完，決定把結界只放置到丁sir身上。





「啊﹗」紫色的光就在丁sir身邊散發著，表示結界正開始落在丁sir身上，不一會，他就在我們眼前消失了。

「丁sir﹗﹗﹗」游也多大叫。

「喂﹗你剩係困住丁sir係咩意思﹖」方次郎問。

「有人喺度阻住曬，梗係要隔離佢咖啦。」谷守說。

這時候，外面又走來幾個人，走在中間的正是保安局局長黎棟國。





「今次黎嘅係黎棟國啊，都係嘅，結界呢類野都關你事嘅。」我攤開手說。

「隊長點解你一啲都唔驚訝嘅﹖黎棟國啵，局長都係聖殿騎士黎啵。」查理驚訝的問。

「成個政府個個高官都係聖殿騎士黎咖啦，有咩咁出奇﹖」我說。

「何況之前你都見過有馬時亨果啲人啦，咁都好驚訝﹖」露比說。

「黎棟國，幫我同你老頂，即係陳茂波講聲，好快會黎搵你咖喇﹗……啊，唔係啵，都係我親自講啦，橫掂你地呢班人遲早全部都會冇命。」我說。





「嘿，後生仔始終都係後生仔，都係急啲。」黎棟國一邊走近陸源良一邊說。「我一早知你地班《聖音騎士》有古怪咖喇，怪唔知得你地個佘大人情願死都唔肯講一句野啦。」他接過陸源良身上的結界終端機繼續說。

「咩話﹖你話佘sir死左﹖」阮桐貴大驚。

「你好即刻放左丁sir，唔係我殺撚左你地﹗」游也多激動的說。

「游也多，宜家你地班二五仔，宜家比人捉到正，仲咁大口氣，你唔好唔記得你自己受左傷咖，點撚樣殺啊。」谷守諷刺說。

「你班仆街……」游也多說。

「嘿，我一早都想撥亂反正咖喇﹗丁sir出返黎咁開心吓哇，留返喺入面啦……」黎棟國說罷，一手把結界終端機狠狠的往地上一掉，終端機頓時被他掉得碎開，裡面的零件也散落一地。

「丁sir﹗」游也多大叫。

「點解唔見丁sir出返黎嘅﹖」查理問。





「用下你個腦諗啦，呢條友點會特登放左佢啊﹖﹗」左又近激動的說。

「呢個結界終端機只係負責開關結界，如果將部機整壞左嘅話，結界係唔單只唔會失效，仲會一直存在喺度。」阮桐貴解釋。

「仆街喇，咁丁sir咪以後困喺裡面﹖﹗」阿純說。

「係……冇錯……」游也多帶著淚水激動的說。「所以要殺撚曬佢地﹗喂，宜家係時候喇﹗」她向我說。

「好﹗」我咬緊牙關，向兄弟會的各位點了一下頭。

大家從裝備中拿出一個煙霧彈，然後向四面八方投擲過去，煙霧隨即在我們身邊散發著。


「咳咳咳﹗」





「局長你冇事啊嘛﹖」在場的所有人都被煙霧嗆到了。

「帶曬耳塞未﹖」游也多問。

「嗯」大家都點了一下頭。在這一瞬間，游也多從身內拿出長笛，然後向在場所有人使用了能將敵人麻痺的「夢幻音鎖」。

……較早前……

「好喇，我地真係要諗下如果你班伙記黎到果陣要點應付佢地喇。」在其他人忙於合成結界終端機其間，我、家姐、阮桐貴和游也多正圍在一起商討如果面對聖殿騎士來到時應如何是好。

「嗱，我淨係知游也多有枝笛，吹出黎啲聲可以麻痺人……但係其實同你地合作左成日都唔知你地嘅能力係咩﹖」我問。

「你都幾直接咖喎，咁等我講啦，游也多佢有枝麻痺人嘅笛啦；我隻手可以噴出蜘蛛絲，即係同蜘蛛俠隻手上面果部機一樣……」





「估唔到原來蜘蛛俠係真咖……」家姐驚訝的說。

「而方次郎佢咁大隻，佢大力到可以就咁將啲石屎掘起，而且識打拳嘅。最後就係左又近，可以話攻守兼備，佢身上有件武器，一黎佢可以喺任何地方整道電子牆出黎，佢可以擋到大部份嘅野嘅，二黎佢可以用電子整一個分身出黎，可以實體咁攻擊到對手。我地有咁嘅所謂『超能力』，都係因為得到左少少伊甸蘋果嘅力量先會整到呢啲咁勁嘅武器出黎。」阮桐貴詳細的介紹。

我拍著掌說：「真係好犀利……」

「伊甸蘋果嘅力量果然好強，不過用錯地方嘅話真係不堪設想啊。」家姐說。

「係啊，冇錯……宜家其實組織仲做緊好多秘密嘅計劃，啲計劃可能只係得做果team人先知。好喇，講返正題喇，你地身上有咩武器喺身﹖」阮桐貴問。

「之前我地把袖劍都會有啲科技野，好似我果把會有部小型無人機，但係識整嘅人都已經死左，所以……我地最多都係得自己把袖劍、普通手槍同埋十幾粒小型煙霧彈咋。」家姐說。

「咁你地扔煙霧彈，我吹笛，然後阿貴用蜘蛛絲制衡住班人咪得囉。」坐在梳化的游也多終於開口說。

「……」





「懶係叻咁，雖然係唔錯……」我說。

「之後大家就向唔同方向打過去……」阮桐貴接下去說。

「計埋左又近個分身，有十一個人，應該夠應付班人嘅，加上我個個都有返咁上下。」家姐說。

「好啦，就咁決定啦﹗」我握著拳頭自信的說。

這時候，東奔西走的其他人都終於回來了。

「唉，搞左咁耐終於搞掂喇。」經過大家在這一兩小時的努力，結界終端機終於造了出來。

……